21-03-2020, 10:37
|
#1 |
|
أبو تركي / شاعـر
|
وريثة الغيم
اطوي ستار المساء عن ناعسات العيون ابتنفس شوي .. الصبح بالليل فاض قدام عيني بدا اربع وعشرين لون .! وفي داخلي جاهلي ينشد بخيمة عكاظ اكتب لها يرتقي شعري واحاول اكون في عينها واحد من المترفين الحظاظ اكتب واعيد الكتابه واستعير الف نون واتيه بـ أجمل ملامحها سمار و بياض اشوف فيها تعالي عن صغار الظنون فيها شموخ الحسا فيها طموح الرياض اشوف فيها لباقة واندفاع وجنون .! وريثة الغيم .. بنت النور .. حلم الرياض تنثر بكف الرخاء.. وبكف تروي غصون تطلع سنابل بيادرها .. طوالٍ عراض اذا حكت كل خلق الله لها يسهرون واذا سكتت تشتكى لله صدور الفياض معقول بعد الشقاء والشوق والمرجفون ارجع بعد كل هذا العمر خالي وفاض ؟!  |
|
|
 |
| عدد المتواجدون في هذا الموضوع » 22 , عدد الأعضاء » 0 , عدد الزوار » 22 | |
|
|
|
|
