[ناعم العنزي]

بسم الله الرحمن الرحيم

و

السلام عليكم ورحمة الله وبركاته

متواضعه قديمه

اتمنى ان تنال رضاكم

اليكم

لجل ذكراك ياروح القصايد بحتمل فرقاك=ولو طال الزمن ماني بناسي فيه نظراتك
ولاكن يابري حالي عقب مرت بلا لقياك=شهور(ن)قبلها قفت عن العينين خطواتك
ينشّدني خوي الدرب وشبك تايهات خطاك=شهور وحالتك صعبه ويمزح ايه وحياتك
يسولفلي ويضحك والبكت فيده ويمزح هاك=زقاره تنفث همومك معاها سج سجاتك
واناظر فيه واضحكله واقول الله لايبلاك=بدرب الحب ودروب المحبه في تنهاتك
واقوم وأسحب رجولي على خط المطار هناك=واناظر رحلتٍ راحت وهذي رحلتن جاتك
واقول الله ياتيبك من اقصا الارض لين القاك=مسامح وانتظر ردك وبنسا كل زلاتك
تغيب الشمس واتخيّل طيوفك والامل يشقاك=وتشرق شمس في ارض المطار وخافقي باتك
وانا لو ينفهق صدري تشوفك داخل ومركاك=خفوقي والصدر حوله تناضر كنه مراتك
فقدك الحي والشارع وناس(ن)يتبعون رضاك=فقدك المسك والعنبر وعطر(ن)في عباياتك
فقدك الطير لارفرف ورى بركة غلاك وماك=فقدك الديم لاغازل سقوطه صوت ضحكاتك
فقدك الطل لاصبّح نهار العيد فالشباك=ينام الناس وعيوني تخايل غيم ذكراتك
خذتك جنيف والنمسا وروما تحتري ماطاك=وانا حظي معاك انتي مأمل شوف جياتك
تهب رياح وتلاعب صحاري خافق(ن)طراك=يخاف انه يبي يصبح بعيد(ن)عن حساباتك
يجوز الوقت ياقلبي شغلك وعننا نسّاك=ولاكن ماينسّيني زماني كل كلماتك
سواليف الغزل والا سوالف شوقنا بشفاك=كلامك نظرتك صوتك يدينك كل لحظاتك
جديلك لانتثر فوق المتون وبسمة محياك=تكفّيني عن الدنيا ثواني ابتساماتك
عقب هاذا تخليني افا والله يامجراك=وانا كانت شموعي تشتعل في ظل شمعاتك
حسبت ان الهوى كلمة عشقتك وارتجي لاماك=واثاري هالهوى ينحت على روحك نهاياتك

وسلامتكم

دمتم بالف خير

[سعيد بن مقبل الأكلبي]

سلمت ودمت ياناعم على هذا النص الجميل

[شيخه المرضي]

شكرا للاضافة
وصح لساانك وعلى شأنك

[ناعم العنزي]

الرسالة الأصلية كتبت بواسطة سعيد بن مقبل الأكلبي

سلمت ودمت ياناعم على هذا النص الجميل

هلابك اخوي سعيد

صح بدنك واعتلا شانك مدد لاعدد

والف شكر لك على المرور الرائع والجميل

تحياتي وتقديري لك

دمت بالف خير

[عبدالرحمن أبن عويض]

لجـل ذكـراك يـاروح القصايـد بحتـمـل فـرقـاك
ولـو طـال الزمـن مانـي بناسـي فيـه نظـراتـك
ولاكـن يابـري حالـي عقـب مـرت بــلا لقـيـاك
شهور(ن)قبلهـا قفـت عـن العينـيـن خطـواتـك
ينشّدنـي خـوي الـدرب وشبـك تايهـات خطـاك
شهـور وحالتـك صعبـه ويمـزح ايـه وحيـاتـك
يسولفلي ويضحك والبكـت فيـده ويمـزح هـاك
زقـاره تنـفـث همـومـك معـاهـا ســج سجـاتـك
وانـاظـر فـيـه واضحكـلـه واقــول الله لايـبـلاك
بــدرب الـحـب ودروب المحـبـه فــي تنـهـاتـك


ياسلام عليك ياناعم .. قصيده جزله أعجبتني بالحيل

صح لــــســـانك يالذيب

[ناصر آل مداوي]

ناعم العنزي

والحضور الجميييل دائما

صح لسانك وكل عام وانت بخير

تقديري لك

[عنود]

وانا لو ينفهق صدري تشوفـك داخـل ومركـاك
خفوقـي والصـدر حـولـه تنـاضـر كـنـه مـراتـك

ابدعت في الوصف
سجل اعجابي

[ناعم العنزي]

��