رد : لحظتك الآن .. بكل صدق
حاضرين ومستعدين .. بس للأسف أنا اعتبر نص شاهد .. راح ادور لك الثلاث أنصاص الباقية ونجي نشهد لك .. ليش لأ .. كم سعيد عندنا .. ترى مو بس انت الي تحب المطامر في اللحظه .. انا صار لي كم يوم مدمنة مطامر .. |
رد : لحظتك الآن .. بكل صدق
اها
يعني ماجاك النوم تصدقين فيه واحد عيون او نضول مهوب انا حسدْك على النعاس وكما يقول الشاعر السوداني حتى على النوم لا اخلو من الحسد :) واما الشهاده فمشكوووووره على تضامنك وفزعتك دليل طناخة راس وتسوى اربع شهادات من ذوي الاعذار اللي يوم يقول لهم الواحد تعالو اشهدوا على المِلْكه قصدي البطاقه :) تسمع الاعذار الباهته اشكال والوان واما المطامر ترا له لذه سم تايمز <<<< يعني ان عنده لغه :) لحظتي باطلع برا احسن لي :)* |
رد : لحظتك الآن .. بكل صدق
بس عرفته الحسودي .. أكيد اللي قلت عليه هذاك اليوم مدري متى اللي أول حرف من اسمه محمد الدحيمي .. صح؟ ^ ^ تبي توهقه مع خويه .. العفو ع الشهادة ولو .. يقول الكاتب السوداني المخضرم: الصديغ اللي ما يوغف جنب صديغو في الشدائد هازا زاتو ما صديغ .. حان وقت الغداء .. سيو ليتر |
رد : لحظتك الآن .. بكل صدق
لا لا يامنتهى
الدحيمي ماله فالعين والنضل واقول الكلام من واقع عشره هو يالله يشوف اصلاً :) لكن انا اللي طيرت النوم عنك << غفر الله لك والمسامح كريم وعوافي |
رد : لحظتك الآن .. بكل صدق
شف عاد يابوسعد صحيح خويي واعزك واغليك على دمغة راسي لكن بتاخذ كرت وانت ماتشوف الدرب:) من زين الفيصلي حقكم ياهل المجمعه الا هو من المجمعه والله مادري :) |
رد : لحظتك الآن .. بكل صدق
خخخخخخخخخخخخخخخخخخخ ياعييييييييني على امثلة الموظفات السعوديات في اللحظه الله لايضركم وينك ياحكومتنا الرشيده |
رد : لحظتك الآن .. بكل صدق
يعني حتى النضول وش بينضل فيك انت ومنتهى الله يخارجه منكم :) |
رد : لحظتك الآن .. بكل صدق
عاد الله يعينك مامعك الا شيخة المرضي وجلنار
يااااه مرة وحده بدل فاقد وتبي شهوووود !!! :D عذرا ً أخينا ابو مقبل ما بتلاقي حولك حد أنا ماشية الرياض بكرا صباح الخميس لأداء واجب عزاء في فقيد غااالي :frown: شف لك شهوووود غير جلنار وشيخة وللمعلومية ترانا حرمتين عن رجال واحد شاهد يعني ماننفع :thumb: إلا وش تبي نشهد عليه ؟؟! |
رد : لحظتك الآن .. بكل صدق
>>>>>>>>> طوطوطوطوط
تراي خارج التغطية { جلنار ... وش السالفه |
رد : لحظتك الآن .. بكل صدق
لحظـــتي ............ :frown: |
رد : لحظتك الآن .. بكل صدق
السموحه تو انتبه لردك ياجلنار
احسن الله عزاكم ورحم الله ميتكم وغفرالله واسكنه فسيح جنّاته |
رد : لحظتك الآن .. بكل صدق
جزاك الله خير أبو خالد
والله لايوريكم مكروه في غالي رحمك الله ياخالي :frown: |
رد : لحظتك الآن .. بكل صدق
عظم الله اجركم ,,{ وجعل مثواه الجنه
|
رد : لحظتك الآن .. بكل صدق
اممممممممممممممم .. أنا وسعيد أبرياء .. حتى هذيك الأغنية حقت نجاة الصغيرة اللي تقول فيها: وبراءة الأطفال في عينيهِ.. تقصدنا فيها .. |
رد : لحظتك الآن .. بكل صدق
أحسن الله عزاؤكم أختي جلنار
وغفر الله لخالك وأسكنه الفردوس الأعلى من الجنة : مساء الخير للجميع لحظتي . . . . . يدفعني الشوق دايم ناحية مكة شئٍ من الله لها دايم يخالجني أمشي لها واسع الأخلاق منضكة وإن شفتها قامت بروقي تلاعجني أنسى بها الهم والساموح والشكة وطواري ٍ من غثاها الله يخارجني والهم من كم سنة لوكي على لوكة قابلته بوجه والخايب تولجني أقول فكة إليا منه غفى فكة وبساع يسرج على خيله ويرهجني من باب صنعاء رعاك الله إلى عكة الناس واجد شف الجاني مع المجني لا تحك كبدي ترى حكة على حكة تعمي بعيد النظر وتورِّد السجني حتى خلايا ادماغي صابها لكة يا أخي خف الله وش اللي مني بتجني وللحديث بقية |
رد : لحظتك الآن .. بكل صدق
الله يابو متعب عليك هذي نبيها قصيدة كامله وفي البوح والا بنزعل ! وترى مارديت عليك الا لأنها اعجبتني الأبيات ورديت الأبيات روعه بس ماهيب شافعةٍ لك عندي لأني عاتب والله وكبدي وارمه منك انت وسالم بن جلعان وبتاخذون كروت وانتوا ماتشوفون الدرب عشان الواحد يحرم يجي جده ولا يسلم اقلها |
رد : لحظتك الآن .. بكل صدق
اختنا جلنار
احسن الله عزائكم وعظم جركم وغفر لميتكم |
رد : لحظتك الآن .. بكل صدق
إقتباس:
فعلا مثل ماقلتي اشوف في عيوني حاجات غريبه يوم اطالع في مراية الجيب اثرها البرائه يالبّيني :) |
رد : لحظتك الآن .. بكل صدق
إقتباس:
بقية الحديث نبيه في البوح صح قلبك |
رد : لحظتك الآن .. بكل صدق
مسااكم الطيب ،، وقرب ايام عمر جديده
لحظتي { بعد تمشي وعشاا بأحد المطاعم الفرست كلاس بقولكم { كيفك مدري ليه انا هوون { هع مضيعه اكيد {{ بس عاتي عاتي ,,, |
رد : لحظتك الآن .. بكل صدق
ابوخالد
وش رايك في اللي يقول ابن جدلان تقليدي وماعنده صور شعر؟ يا شديد الخطب من بعض الدعاه اللي دعوني=كل ما هبت هبوب منك شفـت النـار حيـه من بجاحة طيشي البذاخ لا غنـت شجونـي=في منصات الكلام اليـوم والصبـح وقفيـه أصطغيبك راقي الأسماع وأبهج بك عيونـي=وارتقيبك فـي منصـات الشهيـر العالميـة هرجك يدغدغ طهوم الشوق وسسط التلفوني=وطايفك عندي سواة الـراك قـدم الآركيـة أسفهل بعزلتك خـلٍ وفـي حتـى الجنونـي=واغرق الأسماع في دهشة خيـال الواقعيـة والله إني ما اسفهل بونس غيرك لو عطوني=قصر في حي المصيف و قصر في حي العلية بس !! لا تيقظ سبات الهم وتثـور سكونـي=ثم أخلـي باقـي علومـي وأدن الهاشميـة |
رد : لحظتك الآن .. بكل صدق
لحظتي جولة قراءة
في ديوان الدحيمي و الاكلبي شكرا لا تحرمونا المميز |
رد : لحظتك الآن .. بكل صدق
إقتباس:
ما عاش من يزعلك يا بعد راسي متى ما كملت أتشرف بنشرها في بوح أرواحنا ولك اللي يرضيك يا بعدي بس تكفى لا تعطينا أنا وسالم كروت حمر (((المطاليق مثلك يعذرون))) لحظتي بكل صدق ((يا هجوس القصايد ليه نبقى بحيرة سيرة العشق توه قام يدرج عجلها )) |
رد : لحظتك الآن .. بكل صدق
إقتباس:
أخوي أبو مقبل صح بدنك أبشر من عيوني |
رد : لحظتك الآن .. بكل صدق
جلنـــــــار :
احسن الله عزاك وغفر الله ورحم فقيدكم.. |
رد : لحظتك الآن .. بكل صدق
لحظة Special لا تقبل الأقتحام :)
, ظلمتني .. لاتقول : انا ماني الأوله ....... انا اتغيّر على نفسي .. ولا اتغير عليك يا قبلة الشوق .. يا اجمل معاني الوله ........ ان عشت ابا اموت فيك /وان مت ابا اموت فيك ..! |
رد : لحظتك الآن .. بكل صدق
لحظتى { صباح الخير وجمعة مباركه
|
رد : لحظتك الآن .. بكل صدق
الأخوة والأخوات ....
سعيد بن مقبل الأكلبي & خلف *ضحوي & شيخة المرضي & نجلاء الشريف* أتقدم إليكم بجزيل الشكر على مواساتكم الكريمة. وأطلب من الله أن يمنحكم طول البقاء، وأن يجزل لكم الأجر والمثوبة. |
رد : لحظتك الآن .. بكل صدق
... لحظتي ... مغادرة الرياض وبمنتصف الطريق 7 7 7 ياعيون الحب لاتبصري شي ٍ محال الدنيا تختبرنا وتقلبنا من حالٍ لحال قلب يروح بعد ماحملنا جروح ٍ طوال يالغلا حزني تجدد وبالروح صال وجال يكفي جرعتني الضيم ألوان وأشكال يالوليف صروف الهوى ماتقطع الوصال tsh3 |
رد : لحظتك الآن .. بكل صدق
اللي يقول هالكلام مثل من يحاول ان يحجب ضياء الشمس بغربال هذا ناقم وحاقد على ابداع وعبقرية واستاذية سعد بن جدلان في الشعر وهو امي لا يكتب ولا يقرأ خلك منه بس اسمع الشيله حقتها :thumb:: http://www.youtube.com/watch?v=oWLxoFXEgwQ |
رد : لحظتك الآن .. بكل صدق
هههههههه قال لحظة سبيشل لاتقبل الإقتحام قال حنا مقتحمين فنايل ابو مقبل الله يصلحك يانجلاء يعني ماهيب على كيفك :) بس والله لحظة كذا :thumb: |
رد : لحظتك الآن .. بكل صدق
لحظتي : سعيد جداً اللهم لك الحمد والشكر عندما قرأت رد الشيخ عائض القرني عن مانسب له من احد الكتاب كنت انتظر انا وغيري الكثير رد شيخنا الجليل ونفيه المقال المنسوب له لأننا نعلم ان هذا ليس نهج وتوجه الشيخ عائض القرني : </b></i> إقتباس:
|
رد : لحظتك الآن .. بكل صدق
إقتباس:
عظم الله أجركم و غفر لميتكم وأسكنه فسيح جناته . إنا لله وإنا إليه راجعون . |
رد : لحظتك الآن .. بكل صدق
إقتباس:
صحيح يا بو مقبل خلك منهم مثل ما قال أبو بدر بن جدلان معجزة الشعر .. والشعر المطبوووووووووع .. لا المصنوووووووووع وكل ما اسمع قصيدة التالية واربط بينها وبين تعليمه وعفويته وبساطته .. أجزم أنه معجزة الشعر وملك الوصف .. يا ذا الجلال اللي عروشك فوق واملاكك حدر ومهماً تسامت به عروشه مستحيـل يطولهـا يا حـي يـا قيّـوم يـا ذا الأنافـة والكبـر ما نافسك في عظمتك مكـر العبـاد وهولهـا وما نافسك من عمّر بيوته على سطح القمـر واللّي ترسي فـوق أقاليـم الميـاه سطولهـا ما انته بحاجة من عبد ولا بحاجة مـن كفـر ولا بحاجـة ثابـت الدنـيـا ولا منقولـهـا أنت السميع لمن حمد وأنت المزيد لمن شكـر واللي ما يشكر نعمة المنعـم عليـه تزولهـا ياذا الجبروت العظيـم ويـا القديـر المقتـدر تفزع لنا في معضلات مـا نريـس حلولهـا تلعب بنا خلاّن فرغتنـا كمـا لعـب الكـور أن اقبلت صاحوا لها وأن دبّرت صاحوا لهـا لا هبّنا الطايف بعض الأحيان في فية عصـر شهب الليالـي مـن ورانـا يسحبـن ذيولهـا أنت السلام اللي لك الإسلام وانـت المشمخـر اللي عجايب قدرتك فـي المعجبيـن ذهولهـا سلام يا محمد رسول الله راعي الوجه الأغـر وسلام يا روح ملائكـة السمـا صلّـوا لهـا سلام يا بو بكر يا عثمان يـا علـي وعمـر وسلام يا سبـع الآفـاق أطلالهـا وسفولهـا سلام يا صدق النوى سلام يا وسـع الصـدر سـلام يـا مفتـاح بيبـان الفـرج وقفولهـا وسلام يا شمس الضحى تشرق على بر وبحر وتشرق على كـل الديـار جبالهـا وسهولهـا وسلام يا غر السحاب اللـي تبجـح بالمطـر وشم الجبال اللـي تبجـح بالسحـاب قذولهـا وسلام يا هوج الرياح اللي عطاهـا مستمـر مهما خذوا منها من الحسنـات مـا ردوا لهـا ليت الرحاب اللي لنا بوجيههـا حـق وقـدر ما تضمحل من الزمان ولا نشـوف سمولهـا و ياليتنا لاما سرحنا اليوم الأبيض من فجـر تبطي عبات الليل ما تضفـي عليـه سدولهـا ولاّ ليامنهـا ضفـن سدولهـا يطلـع بــدر يا صل ضياه اللي على الكوره تطق طبولهـا المعتبر يآخذ على الدنيـا دروس مـن العبـر والنـاس يكسبهـا معاملهـا بقـد عقولـهـا أحيان تصدف لعبة الشاطر مع غلطـة عمـر مره .. لكن لا عدت الغلطة ما عـاد ينولهـا حنا عرفنا كلنا ما طـال مـن شـيء قصـر والأحلام ماتوا قبلنا شرهين ما وصلـوا لهـا حتى الجمال اللي تحمّلهـا الهقـاوي بالصبـر يالله بحملتهـا تـقـوم وتــدّرج بحمولـهـا والحب سيسـان العبـادة والعبـادة بالجهـر ان ما قدرت تقولها وجـه الصحيـح يقولهـا يسرون عميان المحبة تيه في غـدرا الغـدر للـي تحـد سيوفهـا واللـي تعـن خيولهـا ولا تفكـر فـي غنـاة ولا تفكـر فـي فـق وتشفع لبيضان الصدور احضوضها وفعولهـا واهل التكلـف بالمعرفـة والتصنـع بالبشـر والله ما هي حول الصحيح ولا الصحيح بحولها اللي يفضّل ما يقيم بو ميـه مـن بـو عشـر حتى الفضولية عن الفاضـل بطـل مفعلوهـا اللي تخبره لحيته ذا ..طولهـا يصبـح بـزر واللي تخبره بزر يصبح لحيتـه ذا ..طولهـا |
رد : لحظتك الآن .. بكل صدق
إقتباس:
الله الله سجل اقتحاااااااام رقم ( 2 ) اقتحمنا طويق واحتلينا أعلى مشاريفه وش عاد المتصفح :) الجمال لا يقااااااام |
رد : لحظتك الآن .. بكل صدق
ههههههههههههههههههه
مساء الإقتحامات والاحتلااااال :) والله اني أحبك يا شيخ سجل عندك واحد منظّر من قبو لجيشكم الباسل متااابع بطرب لكم tsh6 |
رد : لحظتك الآن .. بكل صدق
إقتباس:
العتب على الشوووووف .. اكيد شفت (الجمال لا يقاااام ) يامجرم ..! في الرد السابق اغفل يا بو تركي لا تدقق وراااي .. وترااااااي اقصد الجماال لا يقااااااووووم والله يحييك يا منظرنا الانتحااااااااري |
رد : لحظتك الآن .. بكل صدق
لحظتي :
راح التعب عني .. وثقل الحمل رااااح بس الغلا بالقلب مـا ظني يرووووووح لا قلت سج البال .. والفكر استرااااااح قامت بروق الشوق بالخافق تلووووووح |
رد : لحظتك الآن .. بكل صدق
إقتباس » |
رد : لحظتك الآن .. بكل صدق
راح الشر يابوسلطان وياحي بروق الشوق حَقوق السيل ان شاء الله |
الوقت المعتمد في المنتدى بتوقيت جرينتش +4.
الوقت الان » 08:13. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع