شعبيات - دعوة لتـدوين المشاعر .. ورسم الحروف ..

شعبيات (http://www.sh3byat.com/vb//index.php)

- الديوانية (http://www.sh3byat.com/vb//forumdisplay.php?f=21)

- - دعوة لتـدوين المشاعر .. ورسم الحروف .. (http://www.sh3byat.com/vb//showthread.php?t=6358)

رددك قلبي .. فقط مرة واحدة
فـ اعتنقتك ..
وآمنت بك !

تباريح
" صدفة "

رد : دعوة لتـدوين المشاعر .. ورسم الحروف ..

ارجوك خليني انسى عذاب فااااااات
ابعد ولاتجيني ...الحب بيدك مااااات

وليد اللهيب

رد : دعوة لتـدوين المشاعر .. ورسم الحروف ..

هل من الممكن أن أحياء حـــبي القــديم؟
سؤالٌ صاغهُ ألمي
أعلم أنه حينما يأتي ..
يـــأتي كالسكين ينكأ الجرح
ويعيد تدفق النزيف

وأعود مجددا لذات التخبط
و ذات الوجع ..!

رد : دعوة لتـدوين المشاعر .. ورسم الحروف ..

اعرفي بانك رحلتي عن غلاتي باختيارك ..
وماتركتي في مكانك غير شي من الذهول..

باخذ اللي لي تبقى منك قبل اسمع قرارك ..
واترك اللي لك تبقى مني لو بعضه خجول . ..
<O:p

『 ... صـآلح العبدالكريم ... 』

tsh6

رد : دعوة لتـدوين المشاعر .. ورسم الحروف ..

برقٍ تلالا .. بأمرعز الجلالا
وأثره جبين صويحبي .. واحسبه برق

قالوا كما مبسم هيا .. قلت لا لا
بين البروق وبين مبسم هيا .. فرق

قالوا تتوب من الهوى .. قلت لا لا
إلا إن يتوبون .. الحناشل عن السرق

قالوا تتوب من الهوى .. قلت لا لا
الا إن تتوب الشمس .. عن مطلع الشرق

محسن الهزاني

رد : دعوة لتـدوين المشاعر .. ورسم الحروف ..

http://www.kargah.com/javaheri/05.jpg

يا غايبه ..

عندي شعور .. أكبر من إحساس الكلام !
وأحلى من أطياف المنام اللي سكنت عينك
وحنّت لـ الظلام ..!

عندي شعور .. إن إنتي أنفاس القصيد
اللي غدا عشب وجريد ..

تصوري .. ما كنت أحس إن " الوجع سكّين "
وتصوري .. ما كنت أعرف إن " العشق مسكين "
وإن " إنتي و عيونك " .. أوجع من السكين !!

الله...الله لو تدرين ..

من شوقي لك .. ودّي أطير
وأفرش لك .. عيوني حرير !
وأطبع في بحرك وأنكسر ..
وأغرق بـ عينك لـ الأخير ..!

أغرق .. وبـ عيوني يموت
كل الوجع .. قبل السكوت !

وأنتي معي ..

محفوظ الفارسي

رد : دعوة لتـدوين المشاعر .. ورسم الحروف ..

الجرح أرحم من فراقك دقيقه
ولوترحلي أعيش من غير ما أدري
إنتي الخيال العذب وإنتي الحقيقه
و إنتي اللي ماغيرك بقلبي و.. فكري
هيا اجرحيني بس عيشي بقلبي
الجرح أرحم من فراقك وبعدك
ولو ترحلي ماعشت يومين بعدك
انتي وانا .. مثل الهدب والعين مانفترق
البعد نار وخوفي من البعد روحي تحترق

الناصر

رد : دعوة لتـدوين المشاعر .. ورسم الحروف ..

ويزرعني سؤالٍ في تفاصيلـي تفاصيلـه
يبددني على درب الحكي أمشي على مهلي
شياطين الحزن تنهش بقايا فرحتي غِيلَـة
نساني كل شي إلا الضياع المرّ يندهلـي
شرب وجه الحكاية زيف / زمّلني بترتيله
قراني للدروب السمر أضاء بعتمته جهلي

وإذا مات الحكي فيني ..
وصاح الصمت
بشفاهي ..
نحرت الجرح باطراف التعب
واشعلت قنديله
.
.
.واناديله :

قم رتّل سطور الحنيـن بآيـة
قبل يتوارى طيرها من عشّـه
يازامرٍ ماعـاد يُطـرب نايـه
ظهر المواجع / انكسر من قشّه
شرّعت لفصول الغياب حكايـة
هزيت من جذعه أماني هشّـه
ذنب المرايا / تحتويه غوايـة
تنفض ملامح عبرته / وتغشّه

جُمان

رد : دعوة لتـدوين المشاعر .. ورسم الحروف ..

لا تصُبْ الصُّبْح فِي كَاس الغَرِيْـر
لَو غَرَقْ فِي ضَيْ نُـوْره ابْتَلَـش
والظّمَا مَايذْبَح الْلي وَسْـط بِيْـر
لَوْ خَذَلْه الحَظْ مَات مْـنِ الْعَطَـش
لا تفكْ القَيْد واْنـت بـلا ضمِيْـر
ومَرْكَبِكْ فِي المَعْرَكَة وَاهِي وهَش
وافْرش دْرُوْبِك مِن الرّمَضَا حَصِيْر
لوْ غَزَاك الَهـم ولَقلْبِـك نَهَـش
يَافَقِيْر القَلْـب وبْصُـورَة أَمِيْـر
وَضّحِ الصٌّوْرَة تَرَا فِيْهَـا غَبَـش
كلْ مَا فِي الأَمْر أَضْنَـاكَ المَسِيْـر
والنُّوَايَا السُّوْد ترْسمْ لـك نَعَـش

جُمان

رد : دعوة لتـدوين المشاعر .. ورسم الحروف ..

قِمّةُ الإِحْتِضَارِ ..
أنْ تَتَحَسَّّس نَبْضَكَ ../ لِتَتَأَكّدَ مِنْ َبقَاءِكَ عَلَى قَيْدِ الحَيَاةِ
رَغْمَ شُعُورِكَ بِمَوْتِ كُلِّ مَا حَوْلَكَ .
/
.
/

هنا ..
ضِلعٌ يوشِكُ ان ينكسر ../ وينامُ عارٍ من الدفء

خَرْبشَاتْ الدّمْع فِي صَدْرَ الزِّمَان
انبتَتْ مِنْ قَلْبه الدّافِـي وطَـنْ
والسَّرَاب اللّي يلوّح لَه عَشَـان
يسْرق اللّهفَه مِن درُوبه شَجنْ
والقُلُوب البِيْض تسْقِيه الحَنَـان
والنّوَايَا السُّود ترسِمْ لَه كَفَـنْ
عَايْشٍ مَابِيْن خُوْفه و الأَمَـان
يرْخصِ الشّمْعَة ويِلْعَنْ هَالزّمَنْ

تَظْمَى عَنَاوِيْـن البِشَـرْ كلمَـا لَاح
بَرقٍ يهزّ اللّيـل ضَـيّ وتسَاِبيْـح
ويتنَفّس الصُّبْح وتَنَفّسْ بـه أّرْوَاح
وتتشَاغَبْ اغْصَان الحزن والتّبَارِيْح
يَاهِيْه ياللّـي دَايِـم الـدُّوْم لمّـاح
هَاكَ الجزِيلَة وَاضحَة دُوْن تَلمِيْـح
وَرْث الجفَا مِن عَاش بِه زَاده جرَاح
يَمْشِي عَلَى دَرْب النّدَامَات ويطِيْـح
والهَمّ لامنّـه غَـدَا فِيْـك سَـوّاح
يَمّمْ خَفُوقِك للسّمَا وازْهَـم الشِّيْـح
بَعْض البشَرْ لامِنْ خَذَلْه الزّمَنْ طَاح
مَا دلّـتْ يدِيْنَـه دُرُوْبَ المفَاتِيْـح
وبَعْضَ البشَر كنّه إذا خَافقَـه نَـاح
نَخْلَه تجَابِه بالمدَى صَرْخَةَ الرِّيْـح
استَنْطِق الحِكْمَة من قلُوبٍ صحَـاح
وازْهَى مثلْ زَهْوَ المسَا بالمصَابِيْـح
يَا ذَاريَات الوَقْـت مَافِيْـه مرتَـاح
دَام البَحَر هَايِـجْ به الدّمعْـة تسِيْـح

عَلَى ذَاك الرّصِيْف اللي رسَمْ فِي مَحْجرِي همّه
يذُوْب العُمْر مِن فَرْط النّوَى وِيَمحّص اوهَامِي
ثمَلْ وَجْهَ الشّفَق حَسْرَة وصُوْت الآه فِي فَمّـه
يلَمْلِمْ من فُتَات النّـور رُوحٍ وجْهَهـا دَامِـي
وكَنّي والفرَاق المُـر يزِيْـد بخَافقِـي غَمّـه
ويغْرِسْ من سُؤَال الصّمْت لُوْعَة تثْمر آلامِـي
غَرِيْب يوَادِع احْبَابَه ويمسَـحْ دَمْعـه بكُمّـه
يسِجّ وخَافقَه طِيرٍ عَلى وِرْدِ الهَـوَى ظَامِـي

عَلَى كَفّ الحزِنْ اسْنَدتْ رَاسِكْ
ولَمْلَمْت الهمُوْم بجُوْفْ صَدْرِكْ
رمَادْ ضلُوْعكَ اللِي مْحتُوِيْهَـا
بقَايَا طِيْفُهُمْ لَوْ كنـت مُـدْرِكْ
شَهَقْ بيْنَ الحَنَايَا قَلْب ضَامِيْ
ينَادِي بالخَفَا يَاطُوْل صَبْـركْ
خَذَلك الحَظْ والدّنْيَـا وَأهَلْهَـا
تجافوا عنك / ما حسّوا بقدرك

جُمان

رد : دعوة لتـدوين المشاعر .. ورسم الحروف ..

وين الشبابيك ..! ماتفتح لقلبك صباح
او انها مثل باقي صدورهم مغلقه ...!

عطني من النور وجهك خير هذا الصباح
وإلك الفؤاد .. بسماواتك خذه ..واطلقه .. "

لـ \ ع ـاطف الحربي .. ْ

رد : دعوة لتـدوين المشاعر .. ورسم الحروف ..

مايبّعدني مكان .. ولاتغيّرني قطاعه
................ (كم قسى باكر بوصلك) ، (قلت ياباكر تبيعك)

إشتريتك بألف صبر وألف سمع وألف طاعه
.............. (شوف كم مره شريت رضاك) ، (مافكرت أبيعك)

ناصر السبيعي

وإني أحبكِ .. أنتِ بداية روحي , وأنتِ الختام *

وين أودي كل فرحه
كانت بحبك معاك
طرزّتْني بالنجوم
من بقايا خطوتي..
لآخر هلال بجبيني؟!

" عراب الحب " مسفر الدوسري

رد : دعوة لتـدوين المشاعر .. ورسم الحروف ..

كنت اظنـك لاسريت بجنب بابي
...............توقـف وتبكي على حـب. تبعثر .!

ماهقيت انـّك بتقطف من عذابي
...............ثم تغرسه بغيـابك ... لاجل يكبر .!

أعتقد انه \ زياد بن فهد ( , )

tsh6

رد : دعوة لتـدوين المشاعر .. ورسم الحروف ..

منديل تسقي قاعه مزون عينك
حرام لاجفت مدامعك ( يرمى ) ..!

مفروض لاوقف بكاك وانينـك
ينحط في متحف غرامك ويحمى ..!

لـ \ أحمد الوهبي ... ’

tsh6