شفتك تْلوّح من بْعيد وتِبَسَّمْ=يعني ماتقدر تقرّب لو شويّة؟!
تنتظر إنّي أجي يمّك واسلّم =طيب إنتهْ ليه ماتسلّم عليّه!!

اذكر اني كنت طفله في دفاترك احبي=نوب تكتبني قصيده نوب تمحيني واغيب
اذكر انك كنت راحاتي /ملاذي وتعبي=لاغفيت بصدرك القاسي توسدت النحيب
اذكر اني لك رسمت البحر وانت مركبي=وانت ترسمني ملامح باهته لوجه كئيب

http://zqrt.com/up/sing/tanaaheedL.jpg


لـِ لْحَمامْ
لـ ِ لْغَمامْ
لـِ لنَّهارْ الغافي بْـ صَدْري..[ظَلامْ]

جيت ابكتب قصيده حزنها عاري=للبحر/للضفاف,,,,لمركب طعوني
للحزن/للغياب.. لدفتر اشعاري=للطريق لبكاني ومابكيتوني
جيت مثل الغمام و لهفة امطاري=استبيح الجفاف اللي ملا كوني

:: قفر المشاعر::




وحدها قفر المشاعر
أتعبت احساس شاعر
خانه الحرف وتمرد
في مسافات الدفاتر
حاول إنه ينزف إحساسه قصيده
لاجل يبيده
يمكن إنه لارحل عنه يسافر
في المسا المتمرّغ بوجه الحكايا
ينتظر بوحه معايا
ينتظر نجمة شقيه
ترسم أحلامه مرايا
وجهي المسكون فيها
يتشكّل " ياسمينه"
تلثم احساسه ويدينه
تنتظر رد العطايا
ياشقايا..
وحده الخذلان حاضر
لما لمّتنى الدفاتر
وانطويت بصفحاتها منفى ونهايه
آه ياسود النوايا
وآه ياقفر المشاعر..



نُشرت في الصحافة ( في السابعة صباحاً في الراي) منذ سنتين ...


http://vb.eqla3.com/attachment.php?a...1&d=1168229276

تدري إنّك لانثرتْ الليل وامطار الهَقاوي=أنتثر كلّي في كلّك واتحرّا راحتينِك
أكتب لْـ عينك حكايا واتجسّد بـ الْحكاوي=واتخبّى في الدّفاتر قصّةٍ تسْألك وينك؟
أسكن بـ وجه المرايا واتلهّف للخطاوي=والثمك وجهٍ طفولي لو تِناظرها بـ عينك
تدري احساسي بدونك باردٍ موحشْ خلاوي=وانْ قلبي مِثل صحرا تنتظر ماطر حنينك
كلها خطوات خَجْلى لِعْنُبو هاكْ الرجاوي=يِحتريها دربْ ظامي بين خطواتي وبينك
أرتِمي كلّي بـ قلبك كان تِزْهَمْني وناوي=وارمي احساس التّردد واتمدّدْ في يِدينك
إنت بسْ قِلّي [ احبك ] واكسِرْ احساس الحياوي=وَقْتَها عاتِبْ كُفوفٍ ماارْتِمَتْ في راحتينك

http://9ofy.com/pic/albums/userpics/..._l5ib00023.jpg


[تِماداني]
وِقَضَّي هَالنَّهار الْعَذْبْ بـِ أَحْضاني
وِاذا أَرْخى المِسا رْواقهْ
[تِوَطّاني]

http://9ofy.com/pic/albums/userpics/...fy_alwan14.jpg





طَيِّبْ اسْأَلْ
يِمْكِنْ انّي الْيومْ [أجْمَلْ]
قبلْ لايَقْطِفْني غيرَكْ
أو..[أذْبلْ]

http://www.mr-adobe.com/vb/uploaded/...1198892743.jpg





جيتْ [ابَبْكي] فوقْ صَدْرَكْ
كانْ صَدْرَكْ لي مَلاذْ
جيتْ [ابَبْكي] مالقيتْ الاّ
الرّذاذْ

http://9ofy.com/pic/albums/userpics/...y_milk%7E0.jpg




كانْ هذا الْهَمْ [هَمِّي]
كانْ هذا النَّزْف [دَمّي]
كانَتْ [الْعَتْمَهْ] تِّواطى لَـ جِلْ [ذَمّي]

http://9ofy.com/pic/albums/userpics/...0no%20hope.jpg

ايهْ كُبَرْتْ
كبْرَتْ الأَحْلامْ فيني وِ[انْكِسَرْتْ]

http://9ofy.com/pic/albums/userpics/...%20friends.jpg



كِنْت انادي [الغيمْ] واتْوَسّمْ هُطولهْ
كِنْت انادي [الوَرْدْ] وَارْتاعْ لـْ [ذُبولَهْ]
كِنْت انادي هـَ [الْمَسا] عَرْضَهْ وطولَهْ

مالِقيتِكْ !!

وينك حبيبي ؟ وينها أيامنا وين ؟=عادي كذا ترحل بلا عذر واسباب
نسيت قلبٍ ممتلي بك من سنين=يانبضه الراحل على مركب غْياب

طيّب افرضْ إني جيت اليوم حدّك=قلتلك إني أحبك وش تقول؟
تَبْ تراوغ أو تباغتني بردّك=إنك تْحبني ولكنك خجول
وقتها يمكن أقول إني أودّك=وإنها غلطة من إحساسٍ عجول

فنجان حزني منسكب فوق الاوراق=ياكثر ماعنّيت (نادل) قصيدي
أمسح بقايا هالحزن وأنطر اشراق=ويْسيل حبر الليل من بين إيدي
حتى امتلا الدفتر ألم /دمع/ وفراق=قلت أبَكَمِّلْ آهِتي في وريدي

تعبت أحاول أرتجي غيمةٍ فيك=قلّي متى تمطر سماك بضفافي؟
مانلتقي ,, لانك بعيد بْمنافيك=وانا وحيدة تحتويني منافي
أحيان ودي أبتعد عنْك /أجافيك=وألقاك متوسّد ضلوعي وغافي
وأحيان ودي أنتظر في مرافيك=لكن أخاف تخونني هالمرافي

مريت في بالك وطن /حلم واشعار=وانت توطّن غربتك في سنيني
فتحت لك صدر الغلا غيم وامطار=وانت الظما ترسم جفافه بديني

ليه المسافة بيننا كلها اشواك؟!=ليه الجفا يرسم ملامح سرابك؟!
ليه الوصل لو يفتح اليوم شبّاك=طارت عصافيرٍ بكت في غيابك؟!

أحتاجك الليلة / سهر ..... لاغفيتك= يهزّني كف المسا واتثاوب
واقول: منهو وقّظ الشوق؟... ليتك=تركت بعض احلام واحساس كاذب
على الأقل ألاقي شــي ان بكيتك=لو ابتسامة ذابلة بوجه شاحب
يمكن يذكّرني المســا لا نسيتك=إنه ترك بعضك / سهر.. وانت غايب

.

.
يادمعتي لا لاتطيحين... بشويش / / / شوفيه متعلّق بعيني ونايم

.


.

ياطول هالليل من دونك=ماودي اسهره بلحالي
مستاحشة وينها عيونك؟=تحكي حكايات,, تقرالي
لالا.. تعلقني ردونك=لالا.. تعشّمني بامالي
إما تجيني على هونك=إما تعجّل بترحالي
والله لو كنت مجنونك=اببتعد عنك يالغالي

الصبح يسأل هالعصافير وين انت ؟=شف هالشبايك الحزينة بدونك
طفْلتْك نامت خلفها تحضن الصمت=دام الكلام أقسى من أقسى طعونك
ليتك تجي قبل الحزن يكْسر الوقت= من قبل تصحى/ماتلاقي عيونك

بين لهفـة حضـور وبـارد غْيابـك=عاشقـه تنتظـر مـن قِـلَّةْ الحيـــلهْ
لاهي اللـي تِبَـلِّلْ قـاحِلْ عْتابـك=ولاهي اللّي تجي بالبال تعليــلهْ
مارحمها البُرودْ اللي طَرَقْ بابك=هيجَـنَتْ لِلْبَكــي وارْوَتْ مناديــلهْ
لارِقَـتْ لِلْغَمـامْ اللّـي تَهَـقْوا بـك=ولانـــزل ذا الرذاذ اللــي تغنيــلهْ