صبّحكم الله بالخير جميعاً

>> حاط الفوطه على كتفه ورايح يغسل وجهه

يا ساااااتر يبو زياد



منين طحت على هالصوره
يقولك يروح الزين ويبقى رسومه :D

هذي شكله حبيبة اخو ميثا
يوم كان معسكر بحي الطرب :)



بس دقّق بالصوره
ما كنّه ناقصها عصا المكنسه وتطير !



لك اهلنين وسهلنين

غاده



وما خفي أعظم من أنطيناك
انا اذكر مبطيييييي << يأشر بيده على ورى :D
كانت صلاة تراويح برمضان وجيت اصلّي وبجنبي شايب المهم الإمام يقرا يوم وصل عند الآية ( اليس الله بأحكم الحاكمين ) قال هو : تسيف يا البناخي إلاّ بلا سبحانه معظم شانه !!!

عاد انا من الحماس نسيت الصلاة وقطّيت معه





وبنفس الفتره من مبطيييييييي السابقه
شويب من الجماعه ويأم بمسجد صغير المهم متعوّد اذا صلى الظهر يتغدى على طول ويقيّل ببيت الشعر ويتنبّه على محاري العصر ويروح يأذن
شكله على حالته هذي من سنة جدّي
حدى المرات خانته شكله الظروف واللياقه :)
تغدى وقيّل اثره ما ابطى وقام وطش نعوله قدامه وجاك طاير للمسجد ويأذن العصر والوقت توّنا بدري بعز القايله ، لحد هنا وانا الأمر عادي عندي نسي وأذن
بس البلا ان الشيبان اللي حول المسجد كلهم جو يصلون عاد واحد منهم يقوله : هه يبو عيد شكلك اليوم وراك شغيله ومصلي بنا بدري :D


وإلا ما عندهم مشكله مصلين بدري مصلين بدري الله لا يعوق بشر
مع كذا سبحان من عطاهم هالشيبان طهارة القلب ومحبّة الله على النيّه

مساكم الله بالخير


غاده والله يا ضحكت على سالفة ابو راشد :D

لا عاد جد
حدى المرات بقريه بحايل خطيب الجمعه حقهم شويّب مره وهو بنفس الوقت عمدتهم
المهم اول ما ركبو المكرفونات بالمسجد عندهم وافقت بعده بيومين الجمعه ويخطبهم
قال : اسمعنّي يا الحريم اللي قاعدات تزينن غداكن الحين
واسمعوني يا الهملّق اللي نايمين
واسمعوني يا اللي بالمسجد
ترونا من تالي من جرف لدحديره والناس ما عادت مثل اول
ترو الله مهو عاجز يدلقم هالكوره اللي حنا عايشين به ، يدلقمه ويلزخنا به
مار ارجعو مثل اول ولا تبلشونا


عاد سبحان الله على بساطته بس اهتدى على يده عمّال واجد

صباحك نور


لا حنّا نتكلم عن الشيبان الله يطول بعمر الحي منهم ويرحم الميت
بس سالفة " يا قيس قم " مدري وشي
عطيناها كانها عندك

العمّال يعتبر انهم اهتدو ودخلو الإسلام
مشكلتك تفهمين بالمقلوب :D

وانا وش دخلني
اذن الفجر ونزلت اصلّي

تصدقين عاد يا زميله :D << اخر كلمه خاشه عرض
عموماً تصدقين عاد وانا جاي من المسجد مشي وبراااد وجو رايق وهادي
اقول بنفسي يا سلام لو حولنا بالحي اللي حنا فيه جبال وتمطر بعد شوي
واروح اتسلّق الجبل واجيب زهرة اللوتس عشان اداوي جدتي :)

لا عاد صدق والله
افكر فعلاً لو حولنا جبال ولا فيه اضاءة شوارع << وش عنده ابن عدوان
وربي راح يكون لدخول الأوقات ولليوم بشكل عام جو ثاني واحساس اجمل

بعد ودام الدعوى تخيّل ..
ودّك بعد تكون فيه بقاله صغيره بطرف الشارع معلّق سراجه
وتروح تشتري من عنده هوب ليمون .. وإلا اسكريم اكياس :D

سعيد


يا هلا وغلا بك
تو ما نوّرت الشقه

يالشقه اللي كل اهلها على الدين
........ طيب وكرم ومزوح ربع وأخوّه
لاتدفع ايجارٍ .. ولافيه تأمين
......... تعال واللي بخاطرك .. قوم سوّه




عزالله ما نبي الا هذي
وجمعتكم


قم اجل جب لبدر طفاية حريق
نبيه يبودر لنا السقف :D

:D



ابو رياض هذي شقة تكرن
كله كوم وعلبة جبن الكيري اللي فوق التميس كوووووم

هههههههههههههههههههههههههه

ذكرتني اول يوم الواحد لا جا يتعشى حط الخبزه على فخذه وحط الجبنه وادّهر دهن
واذا شلت الخبزه الا طرف فخذك جبن :D