|
حظيـت يا عـود الآراك بثغـرها .............. ماخفـت مني يا اراك اراكا ؟؟ لو كـان غيرك يا سواك قتلته ............. مافاز منها يا سواك .. سواكا علي بن ابي طالب |
رد : دعـــوه لتــدويــن المشـــاعر .. ورســــم الحـــروف ..!!
خبزة احساس الفقير للشــــاعر .... خلف الكـريّع
اشعلي يانجمة العشاق ليلك واسهري امشي بنفس الطريق وجرّبي نفس المصير وبلّغي صادق تحياتي /لحزني وقهري يوم كان الشوووق لايرحم ولاعندّه ضمير وان تعبتي من دروب العشق واضناك سفري اذكريني ..تستريح :الريح /ويطيب :المسير واذكري..تاريخي الموؤود بانقاض دهري شهقة الخطوه ( الأخيره ) /طيحة الحلم ( الكبير ) رحلة آمالي..فتات اوراقي..اطلال صوري سكرة اشعاري..رماد ضلوعي ..احساسي الوفير وغدرك اللي..ما احترم صدري ولاصان ظهري وطعنة ٍ من يومها مامرّت ايامي بخير السواد اللي على جفوني من آثار سهري لو عرفتي كيف كحّلني به الليل المرير كنت لاجا الليل..قلّطته على الجفن الطري لين نصّبني السهر لعيون خلق الله سفير وان نفاني للسهر -يامترفه - حكم قدري هالسهر ياما نفى لي من ضحاياه الكثير والبياض اللي تشوفينه تنامى بشْعري من مظاليمه هلال اعرج ونجم ٍ مستجير يارُفات الطيش في تابوت الاحلام البري من خذلني بالبدايه كيف اصونه بالأخير ؟! مابقى لك غير بعضي واستميحك باكثري ضاع مثل النور لما ضاع عن عين الضرير مثل ماضاعت عصافيرك عن اغصان شجري مثل ماضاع الامل عن صبح شباكي الصغير وما بقى لك غير سالفتي .وشعري ..وصوري سولفيهن للشموع الحمر .. والفرش الوثير . واوعدك وقت الحصاد اتجاهل الجوع \العُري بس لاجل اكتب حروف اسمك بحبات الشعير ولاجل اعلّم هالزمان المستبد العنصري كيف يحتاج الغني لخبزة احساس الفقير الرجــــــوله .. لشــاعر الغـــربه سليمان المانع كان الرجولة بالمظاهر والاشكال عزالله اني ماعرفت الرجوله وكان الرجوله بالمواقف والافعال عز الله اني مرتوي يالخجوله ياجارحة احساس شاعر ورحال غريب تايه من زمان الطفوله ماكل من يكشخ من الناس رجال الشخص جوهر وأفهمي ما اقوله سطحية النظره ومعبودة المال مايعجبك شكل الغريب ونحوله شكلي غلط لكن على الكود حمال ودرب الفخر نفسي عليه معلوله والشاطر اللي يفتهم رمز الامثال كم داس وقتك من سلايل جموله لاني بمغرورٍ ولاني بحيال لي روح عن باقي الخبول معزوله باني لي اهدافٍ عظيمات وآمال والغيم من شافه ترجى هطوله ولايندمج درب الدناسه والافعال والاصل يعرف من يتم بأصوله |
. الجرح خلّه .. لاجل الايام ... ذكرى ! ......... بس لاتجي في يوم ... وتقول ... نادم خابرك تفهم بالأحاسيس .. وادرى ......... يوم ٍ أخلّي القلب .. لرضاك .... خادم ! يوم ٍ أجي ملهوف .. وتقول بكرى ! ......... وبكرى أخاف الموت .... يابن الأوادم !! عادي جدا ً ! . |
رد : دعـــوه لتــدويــن المشـــاعر .. ورســــم الحـــروف ..!!
إقتباس:
للعادي جداً...... حضور باذخ أعجااااااااااااابي مع التحيه :) |
رد : دعـــوه لتــدويــن المشـــاعر .. ورســــم الحـــروف ..!!
0 0 يا نفسي وش ورى الدنيا اذا كـان المـدى قبـري وانا فـي كـل تنهيـدة اشـوف المـوت قدامـي :( للفكر / حيدر الجنيد .......................... |
. الطفوله : ( ألطفـ ) ( ولــه ) ! طفلة اتسولف لي عن الحب... بشويش .. .... وانا كذا .. بـ شويش ../ مجنون ... طفلة ! لاقلت ( احبك بس ) .. صفت لي الجيش ! .... جيش الرموش ... اللي غزتني بـ غفله ! وقالت بهمسة ذايبه... (أممم بس ايش ) ! .... هـ ( الأممم ) هذي بس ياخوك .. حفلة ! سكت ! قالت : ( أووه من دون .. تطنيش ) ! .... ومافيه عرق ٍ ... بالجسد ..../ ماعزف له ! ( واموت بك ) قالت : ولاتوّكلك ... عيش ! .... تعبت أدور ... ( مفردة ) ...... تنوصف له ! طفلة يجرّح .. خدّها ... ملمس الريش ! .... حتى .. ( الخطا ) ... لاسوّته .. ينتصف له ! علمتها : إنّ الأماني لها .......... طيش ! .... وعلمتها : إن ّالمواعيد ............ جفله ! دنقت ! طاحت دمعتي واصرخت : ليش !؟ .... قلت : التعب ..... يابنت غصب انجرف له قالت وهي ( ..............) ... بشويش ! .... ( بشويش ! .. لاتبكي من الحزن .. طفله ) ! مدامنا بالكون هذا ..... نبي نعيش ! .... دنياك ماتسوى من شفاك ...!!!!!!!!!!! ذات براءة ! عادي جدا ً ! . |
رد : دعـــوه لتــدويــن المشـــاعر .. ورســــم الحـــروف ..!!
طفلة يجرّح خدّها ملمس الريش .... حتى .( الخطا لاسوّته ينتصف له علمتها : إنّ الأماني لها .طيش .... وعلمتها : إن ّالمواعيد ...جفله دنقت ! طاحت دمعتي واصرخت : ليش .... قلت : التعب يابنت غصب انجرف له الله يديمك ياشعر ..!! اما هكذا صباح والا فلاّ ..!! |
. يا ناعمة .. وأدري مشاعرك الدفينه ناعمة ! ................... ولا القسى مني .. إلا فكرت بأفكار ٍ خطا الحب والغيره وحيل إبليس .. وإنتي فاهمة ! ................... وش في يديني دام انا احبك وتاعبني البطا .. عبدالله البكـر .. . |
رد : دعـــوه لتــدويــن المشـــاعر .. ورســــم الحـــروف ..!!
أ .. ب .. ت .. . . . هـ .. و ... ي .. هذي هي أصل الكلام هذي هي كل الكلام .. إختاري منها اللي تبين حرف .. أو عشرين حرف وغيريها كل مره .. غيري الفين مره .. غيري مليون مره .. مايتغير أي شي ..! كلها صارت : أحبك .. |
. يا ناعمة .. وأدري مشاعرك الدفينه ناعمة ! ................... ولا القسى مني .. إلا فكرت بأفكار ٍ خطا الحب والغيره وحيل إبليس .. وإنتي فاهمة ! ................... وش في يديني دام انا احبك وتاعبني البطا دام أنا أحبك وتاعبني البطا ! :( وتاعبني البطا :( تذبحنا ياعبدالله بهدؤك ! حرف .. أو عشرين حرف وغيريها كل مره .. غيري الفين مره .. غيري مليون مره .. مايتغير أي شي ..! كلها صارت : أحبك .. كلها صارت : أحبك تقتلنا يابندر باإحساسك ! :( شكلكم متفقين ! :( . |
!!
. ويل قلبي .. لارحلتي عن عيوني ../ للغياب ! ..... وين أودي .. وجه صبري! ...لاتولجني ... الحنين !؟ علميني ليه نعشق وآخر العشق /.. العذاب !؟ ..... وعلميني ليه .. نهوى .. وآخر الحب /...... الأنين !؟ عن اذنك ! بموت ! . |
رد : دعـــوه لتــدويــن المشـــاعر .. ورســــم الحـــروف ..!!
ياللي غضبتي من غيابك .. عليَّه لو كنت حي افــ.. غيبتك كان كلّمتْ بس اعذريني وش طلع في يديّه آنا بعد غيبتك من حسرتي مت..! |
. إن تبعتك..أتبعك من طيبي و واسع بطاني ..............وإلا أنا لاجيت أكيد إنسان عز الله بكيده!! حامد زيد |
. ترى المواصل منك مايخلق العيب .. .. .. .. .. .. .. .. .. بالعكس لامن غبت جتني المصايب عبدالحميد الضويان |
رد : دعـــوه لتــدويــن المشـــاعر .. ورســــم الحـــروف ..!!
اااانا ادري بحبي ملا كل دنياك وانك زماني يوم كلي زمانك |
رد : دعـــوه لتــدويــن المشـــاعر .. ورســــم الحـــروف ..!!
.. والله إني كنت ألوم اللي يضيق إن غاب خلّه لين جرّبت المحبه والفراق وقلت ( توووبه ) !! لعنبو جد المفارق فيه هـــم وفيه ذلّــه أثر كل الحب لذّه والفراق أكبر عيوبه :( .. |
رد : دعـــوه لتــدويــن المشـــاعر .. ورســــم الحـــروف ..!!
لم تكن الجهات .. اربعه قط .. هي جهه واحده فقط ..!! من .... 17 سنـه ...... ما بقالي منك إلا : ....... فرشة حلاقه / شماغ / صوره / تراب الوضو من..... 17 سنـه ... والفكر لا من تجـلّى ...... ما يـشوف إلا خــيالك كـن خـلق الله قضـو أمس شفتك بالمنام تقولي : حاول تسلّى ....... ليه حـزني ضايقك في هالسنين اللي مضـو يا يبه .. ما تدري إن الحزن ..عنقوده تدلّى ........ من قبل لا ادري بأن جروح فرقاك نجضـو لا تغرّك دمعتي .. وإنت إتعرفني ..آتغلّى ....... هه شفني هه: مسحت دموعي لكن ما رضو وش اسوّي ..دام قلبي من سواليفك تملّى ........ وش اسوّي .. دام حسّك ريح و الايام ضو وش اسوي..كل ضلع لشيبتك وكبر وصلّى ........ وش اسوي.. و الجوارح بعد غيبتك مرضو وش اسوي .. والفرح حدّه إلى منّه تعـلّى : ........ يذكر إن باقي بصدري لـه تباريح ٍ مضو وش اسوي..والفرج من ضيقتي عنّي تخلّى ......... وش اسوي..والوجيـه إن طحت كّلي لاحضو وين ابلقى لي عزوم ٍ : بالصبر تقدر تحلّى ........ وين ابلقى لي مكان : الوذ يمـّه لا انهضـو مدري ليه اليوم احسـّك راجـع ٍ للبيت..ولاّ !؟ ........ لا تقول: إنـّك خلاص بتغيب .. وسنينك قضو .! ص . ع |
رد : دعـــوه لتــدويــن المشـــاعر .. ورســــم الحـــروف ..!!
الليـــله احساسي غريب عاشق و انا مالي حبيب حبيــت كل الناس لاموني حبيت كل احبابي باعــوني قلت احب الحب احسن قلت احب الحب اظمن لااحـــن ولااتـــوه ولابعد في يوم احـــزن الملتـــاع |
. يا صبح طمّني عسى قلبه بخير . . . . يا صـبح جب منه الخبر والبشاير للشوق لذعه .. والوله طعنته غير . . . . وفالقلب ماباقي فضـا للخساير يا صبح قله كلمة ٍ دون تقصير : . . . . "قطع الوصل/قطع الحشا والضماير" زياد بن فهد ، |
. عودة .. إلى لب إبراهيم الرشود !! هلا باللي ترك ربعه وخلانه .. على شاني ! ...................... وأنا مثله مخلي كل هالدنيا على شانه .. هلا به .. طول ماهو مهربي لا كثرت أحزاني .. ....................... هلابه طول ماني مهربه .. من قلة احزانه ! دخلت بذمته من غربة ٍ تعبث بوجداني !! ....................... وعقب ماني دخليه بالمحبه .. صرت سجانه .. إبراهيم الرشود .. . |
رد : دعـــوه لتــدويــن المشـــاعر .. ورســــم الحـــروف ..!!
أنا مدري وش إحساسك ومدري وش تظنيني أنا الصادق في عينك كنت و صرت الكاذب الخوّان أنا أخطيت ما انكر ولافيه عذر يكفيني سِـوا اني احبك حيل واني دايما ً انسان انا ادري بمدى جرحك وادري الحظ جافيني يطول الوقت ما أخطي وإذا أخطيت كل شي ٍ بان انا شفت الزهر مايل وظنيته يناديني قطفته .. يوم ضميته .. لقيته للأسف ذبلان عرفت انك زهر عمري عرفت انك بساتيني وغيرك قيض مايروى .. سرابٍ يشقي العطشان انا لو ماحصل ماكان وشهو اللى يدرّيني بأنك ماسواك انتى .. سكنتى القلب والوجدان انا اسف على اعذاري عجزت ألقى عذر فيني يليق بغلطتي في حقك ويرجع كل شي ٍ كان احبك كثر أخطائي وادري انك تحبيني وادري لو تفارقنا فلا نقدر على النسيان اذا تقوي على فراقي وبعدي عنك .. خليني انا مليت من دور الكرامة ولعبت الغفران قليل العمر ياللي انتي دموعك ما تساويني حرام انه يضيع فراق هي من قلها الأحزان ؟؟ . . . . للشاعر / عبدالرحمن بن مساعد |
رد : دعـــوه لتــدويــن المشـــاعر .. ورســــم الحـــروف ..!!
شدني غــلاك من غير مادري ودلني على هاالمكان اســرني وتل قلبي وعلني وان شفتك كاني معقود اللسان اتعبـــني \حبـــك ضمى اي انا |
تعب فقط !
. أرق .. وأغني للتعب / وانشد من البحر / الغرق ! أرق .. واسولف للأمل حزني ... على خد الورق ! \ / تعبت انا أنثر هم قلبي على الناس .. ..... وتعبت ادور للحقيقة ....../ حقيقة ! يلعن ابوه .. شعور .. لابوه إحساس .. ..... لاجيت أسوي من جراحي / حديقة !! شف لي طريقة لاغدى دربنا ياس ..! ..... تعبت انا ترديد ..( شف لي طريقة ) !! \ / \ . |
رد : دعـــوه لتــدويــن المشـــاعر .. ورســــم الحـــروف ..!!
بركاتك يابركات . . . . تعبت انا أنثر هم قلبي على الناس .. ..... وتعبت ادور للحقيقة ....../ حقيقة ! يلعن ابوه .. شعور .. لابوه إحساس .. ..... لاجيت أسوي من جراحي / حديقة !! شف لي طريقة لاغدى دربنا ياس ..! ..... تعبت انا ترديد ..( شف لي طريقة ) !! . . . ياللهول شف لي طريقة اعبر فيها عن اعجابي بحروفك ... سلم قلبك ونبضك .. لك كل الود . |
رد : دعـــوه لتــدويــن المشـــاعر .. ورســــم الحـــروف ..!!
ماقلت لي شي وش خليت ماقلته ؟ ................ اسكت وخل الكلام لجرحي الدامي لو غيرك اللي يسولف ماتحملته ................. لكن على شان عينك هانت الامي اصبرلي شوي لو دمي تثاقلته ...............بحاول أستوعب اللي صار قدامي الحب ضحكة بعينك بس ماطلته ..........عمرك بهالكون شفت أبسط من احلامي ؟ القلب لوماخفق لك كان ماشلته .............ولوماأنت ملهم قصيدي جفت أقلامي هذا قصيدي بعينك لو تجاهلته ............ينزف على شأن يروي قلبك الضامى متعب التركي |
رد : دعـــوه لتــدويــن المشـــاعر .. ورســــم الحـــروف ..!!
إقتباس:
:) |
. الله يسامح من زرع سوسنة آه ... بالصدر .. وبتربة غيابه زرعني !! محمد علي العمري |
رد : دعـــوه لتــدويــن المشـــاعر .. ورســــم الحـــروف ..!!
لا عاد تتفلسف.. علي وتنـظّر خل الجــروح اللي بلا ادوى.. بلا ادوى ماني مصدّق .. وأنا لي عين تنظــر؟؟ هذا .. مريض وذاك .. نقـّــال عدوى مايغبنك شوف ابــــدويٍ .. تحــضّر المـــوت.. لاشفت احــضريٍ .. تبــدوى محمد الدحيمي |
رد : دعـــوه لتــدويــن المشـــاعر .. ورســــم الحـــروف ..!!
. يامرسال المراسيل .. عـ الضيعه الأريبـي خـد لي فـ دربك هالمنديل .. وأعطـيه .. لـ حبيبي ! ................. |
رد : دعـــوه لتــدويــن المشـــاعر .. ورســــم الحـــروف ..!!
ادري سما عينك مع الليل غيمة وأدري هواجيسك كثر ماحكينا بس ادري انك من عرفتك حليمة تأمّلي طيبي .. وسمّي علينا |
رد : دعـــوه لتــدويــن المشـــاعر .. ورســــم الحـــروف ..!!
إقتباس:
قاتل الله الغياب ياخالد ! من زماااان عن طيش حرفك |
رد : دعـــوه لتــدويــن المشـــاعر .. ورســــم الحـــروف ..!!
إقتباس:
هذا انت يابوخليل ما تغيرت ! مجنون رسمي هذا البيت من النوع اللي يعيش مية سنة ويمكن اكثر .. لبيه ياقافك |
رد : دعـــوه لتــدويــن المشـــاعر .. ورســــم الحـــروف ..!!
أنا باكر مسافر من ديار الغيث والهمّال .......................... إلى دارٍ لها عامين تستسقي ولا تسقى ! وباكر عيد ميلاد السواقي وأغنية في البال ........................ عسى ذيك الزهور بطولة العطر وعسى تبقى عساها للندى اللي كل ما اشتاق الوصال وسال ........................ تسامى لين يصبح في نظر من شاهده يرقى ! محمد علي العمري |
رد : دعـــوه لتــدويــن المشـــاعر .. ورســــم الحـــروف ..!!
إقتباس:
صح لسانك :) |
رد : دعـــوه لتــدويــن المشـــاعر .. ورســــم الحـــروف ..!!
فزّت مشاعر خفوقـي لاقْبـل بْزولـه
للفارس اللـي لفـى مليـون ترحيبـه بالقلب ذي دلّتـه ... قومـو وصبّولـه فنجالـه القلـب وقْهوْتـي تماريـبـه خلّوه يقدع ( حلا ) ذوقي على أْصولـه طاب المذاق بْحضوره مع كبـر طيبـه اليـا طلبكـم ... دخيـل الله تلبّـولـه هانت له الروح ... لبّو لـه مطاليبـه لو هو طلبني عظيـم الحـب بِيْنولـه له روح روحي مـدام الله بلانـي بـه ما كنت اعَرْف الهوا ... أو ماني بْحوله لين الشموخ بْحضوره يعـزف الهيبـه الفارس اللي لفى شفت ابيـض خْيولـه شوق البنات ان لفى ... محْلى عذاريبه عذروبه انّـه كريـم النفْـس بفْعولـه له صيت طيّب ... ووافي في مواجيبه تكفون يا عزوتي روحـو وقولـو لـه اليا طلبني ... ارحّب به واهلّـي بـه للشــــــــــاعره الكبيره /// حلا شمّر |
. البارحة طاح غصن الصبر .. من بالي ! ... لين استراحت على الأهداب ..... / عصفورة ! عصفورة السهد والتحنان .. يالغالي ! ... عصفورة الهم ... / والغربال .../ وشعورة ! شي غريب ! كيف انا احس بحضوري .. وانت عن عيني ... تغيب ! وين آكون !؟ وكيف آكون !؟ وآنا في يد الظنون ..! خابرك مثلي تخاف البعد .. هذا ! خابرك مثلي حنون .. بس مو مثلي .. حبيب ! حِس في رعشة خفوقي ..! في مراراتي .. وشوقي .. حِس في دمعة تهاوت .. من تعب عيني ... وموقي ! مت .. من طفل الحنايا ..! ... مت من شوقي .. / عليك ! مت من شوف الهدايا ..! ... ذيك تبكيني .... / وذيك ! قامت تنادي .. معايا .. ... رد يالغالي .. / .. نبيك ! . |
رد : دعـــوه لتــدويــن المشـــاعر .. ورســــم الحـــروف ..!!
الوقت بعدك غار من كثر طاريك قام يترزّل بالملل والسآمة وشلون ابسلى عنك يوم السلا فيك جنّة قلوب محصّنة بالكرامة |
رد : دعـــوه لتــدويــن المشـــاعر .. ورســــم الحـــروف ..!!
طوّل غيابك سنين وهالزمن طوّل ....................... وابطيت اقدّي جروحي واتبع ايامي ايلين حلمك مِن اِعنان السما حوّل ......................... وانا حطبت الضلوع لحلمي السامي خلاص مانيب انا محبوبك الاوّل .................. بـ ارمي رصاصه بصدري واقتل احلامي نواف الشمري . |
رد : دعـــوه لتــدويــن المشـــاعر .. ورســــم الحـــروف ..!!
طوّل غيابك سنين وهالزمن طوّل ....................... وابطيت اقدّي جروحي واتبع ايامي خلاص مانيب انا محبوبك الاوّل .................. بـ ارمي رصاصه بصدري واقتل احلامي نواف الشمري مع تدوين الأحاسيس الرقيقة والأبيات الرائعه لا أملك الا أن أسجل اعجابي مع أنها موجعه جداً يانواف |
رد : دعـــوه لتــدويــن المشـــاعر .. ورســــم الحـــروف ..!!
.
طوّل غيابك سنين وهالزمن طوّل ....................... وابطيت اقدّي جروحي واتبع ايامي ايلين حلمك من عنان السما حوّل ......................... وانا حطبت الضلوع لحلمي السامي خلاص مانيب انا محبوبك الاوّل .................. بـ ارمي رصاصه بصدري واقتل احلامي ياعماااااااااار يانواف طوّل غيابك انت عن بوح القوافي , بجد من مده طويله لم نقرا لنواف الشمري فاالبوح اشتقنا لقراءة الشعر (الحقيقي ) .. صح قلبك .. . |
| الوقت المعتمد في المنتدى بتوقيت جرينتش +4.
الوقت الان » 06:43. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع