|
رد : لحظتك الآن .. بكل صدق
الصديق العزيز جداً والقريب علي بن مشاري
اهلاً بك في شعبيات الأدب |
رد : لحظتك الآن .. بكل صدق
ابوبدر اسعد الله صباحك
الاوله : (شكر) شكرا جزيلا على ردك وترحيبك الله يديمك ذخر يالغالي ابن الغالي وانت راعي الفضل دليتني على هالمنتدى لك احترامي وتقديري. الثانيه : ( اعتذار ) والله ما دريت عن الحادث اللي صار لبدر الله يحفظه الا من هذا الموضوع فاقول الف الف الحمد لله على سلامته ولا اراكم الله مكروه . علي بن مشاري |
رد : لحظتك الآن .. بكل صدق
لحظتي /
رااااحة بعد عناااااء ثلاثة أيام وأنتظر ما بعد الراحة ! |
رد : لحظتك الآن .. بكل صدق
عساها دوم وتصيحتي امرح في الراحه يابو تركي ولا تفكر وش بعدها :) |
رد : لحظتك الآن .. بكل صدق
هي مجموعه من اللحظات
الأولى : ألف ألف الحمدلله على سلامة بدر وما يشوف شر وإن شاء الله تشوفه كاشخ وعريس وعياله ينطنطون قدامك , وقسماً بالله إني مثل أخوي على بن مشاري ما دريت إلا توني وأعتذرلك على التأخير يابعدي . الثانيه : ألف ألف ألف مبروك الترشح للمسابقه أنت وأخوي المبدع سعيد بن مقبل وفالكم الفوز إن شاء الله وقلوبنا معكم أينما كنتم . الثالثه : دعواتكم لنا إن المرابطه تنفك عنا ونريح ونقضي أشغالنا , وحسبي الله على الشيعه وياجعل الله يخاذهم أخذ عزيز مقتدر عاجلاً غير آجل . , تحياتي وحبي للجميع |
رد : لحظتك الآن .. بكل صدق
صح لسانك ياابو مقبل ويستاهل ابو بدر وعز الله انك شرفتونا بهاالمشاركه والحضور ولو انا كنا متمنين انا نشوفكم بهاالجيه لكن ان شاء الله ان الجايات اكثر ::heart:: |
رد : لحظتك الآن .. بكل صدق
الغالي زين الخليل:
شكراً لك لا اراك الله مكروه يالوافي .... تسلم يامقدور والمره الجايه اذا قالها الله وتأهلنا نبي نجيكم بالبر ان شاء الله عشان ابو مقبل عنده فوبيا من الطائرات يابو سعد مايقدر يطلع بالطايره مرتين في شهر واحد:biggrin: امتحنا ياخي :biggrin: |
رد : لحظتك الآن .. بكل صدق
ابو مقبل عنده فوبيا من الطائرات يابو سعد مايقدر يطلع بالطايره مرتين في شهر واحد:biggrin:
امتحنا ياخي .................................................. .......... ههههههههههههههه مسكين والله ابو مقبل رحمته:frown: نصيحة يابوبدر قبل اعلان الرحلة شربوه اكتيفيد شراب حق الاطفال لكن يقولن انقطع من الصيدليات صاروا الناس يستخدمونه بكثرة للغياب عن الوعي والعياذ بالله :) وان مالقيتوا فيه حبوب الحساسية زيرتك ولا كلارتين ان شاء الله مارح تضره حبه ولاحبتين شرط يوصل البلد وهو يحلم انه في الجنه خخخخخخخخ لحظتي : http://www.q8boy.com/images/99mp51kl29lh75os2tdx.jpg اجهز جنطتي:) للذهاب للكويت لحضور زفاف وحده من صاحباتي :o.. الله يوفقها يارب :o يارب ما نسى شيtsh1 |
رد : لحظتك الآن .. بكل صدق
ابو بدر
الله يطول عمرك والله معك حق التفكير بعض مرات يضيّع طعم الراحة وابو مقبل يبي له شيخ لا يصير شايل معه بعض ربعك اللي يقول الهلالي :) سولافة بالتوفيق لك .. ولها tsh6 |
رد : لحظتك الآن .. بكل صدق
لحظتي: يالله كأن لي سنة من المنتدى,,::heart:: يسعد مسا الجميع وان شاالله الكل بخير::heart:: + قرات هنا خبر يضايق:frown: الحمدلله ع السلامة يابو بدر.. طالع من الشر والله يصرف عنك وعن الجميع كل سوء |
رد : لحظتك الآن .. بكل صدق
شكراً لك يازخه لا اراك الله مكروه
|
رد : لحظتك الآن .. بكل صدق
لحظتي :
الغير وينه ؟ ياجده .. مابقى حاااااااجه الغير حزني .. وحزني غير ياجده!! يموووون دااااايم .. بمدخاااااله ومخرااااجه اقوووول يمزح .. واثار الحزن من جده!!! تدرين وش اللي انا بس محتااااااااجه ؟ .. محتاااااج من جد .. لأي فراااااش ومخده!! للحديث بقية .. |
رد : لحظتك الآن .. بكل صدق
^ ^ تبي الصدق نبضك والله اللي غيييير tsh6 لحظتي: حنين غريب لأغنية صمت الطريق |
رد : لحظتك الآن .. بكل صدق
إقتباس:
وقايل لك ابو مقبل ولم الشيخ وازهل الباقي ولعل ابو مقبل ماخذ بنصيحه وابيات ابن مطرود الا يقول فيها وادعت ناجح من مطار القريات - - - - - - - - يوم اركبونا الطايرة واشلعتنا لفت ودارت وامرجت بين لحظات - - - - - - - - لولا الكراسي والمحازم ربتنا طاروبنا حمر العلابي خواجات - - - - - - - - زغر العيون وجيههم هولتنا تكفى تشّهد يافهد واقر الآيات - - - - - - - - الموت جانا والضروف اجبرتنا جانا المضّيف قال وشفي خدمات - - - - - - - - قلت نزلّونا بطونا موجعتنا من قبل اشوف الغيم دون السموات - - - - - - - - واليوم اشوفة يافهد من تحتنا عز الله اني ماحسبت الحسابات - - - - - - - - والاّ ترى سيارتي موصلتنا يازين ممشى الأرض لو هي مسافات - - - - - - - - النا بشعيب مجهزين قهوتنا وش جابني للطايرة والمطارات - - - - - - - - والله ماعود اركوبها ان نزلتنا لو تنفجر قامت تذيع المحطات - - - - - - - - رح عاد دور قشنا مع جثثنا الغير وينه ؟ ياجده .. مابقى حاااااااجه الغير حزني .. وحزني غير ياجده!! يموووون دااااايم .. بمدخاااااله ومخرااااجه اقوووول يمزح .. واثار الحزن من جده!!! تدرين وش اللي انا بس محتااااااااجه ؟ .. محتاااااج من جد .. لأي فراااااش ومخده!! لحظه غيرررررر ومازلنا متشوقين يالدحيمي للبقيه سولافه الله يستر عليك وتروحين وترجعين بالسلامه ابو تركي بشرنا عنك يالغالي واخباركم وهالعج يقولون ماينشد عنكم واخبار فهد الاحمد عز الله انا مبطين عنها وفاقدينه من غير شر |
رد : لحظتك الآن .. بكل صدق
الا والله أنت اللي غيييييييييييييييير ياشيخ بكل تأكيد ننتظر بقية الحديث |
| الوقت المعتمد في المنتدى بتوقيت جرينتش +4.
الوقت الان » 16:30. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع