تصدق أني ماأحسب الشوق مشكلجي=لياما فلق غفوتي بمقلاع مسرايه
وكل ماذكرت أبتسامة سنّك الثلجي=أقوم أرتل عن عيون الحسد آيه

الرسالة الأصلية كتبت بواسطة الجازي (مشاركة 289600) أقوم ارتل من عيون الحسد آية .. ^ ^ جميل يامرعي نتابع خطوات شعرك آينما تستقر رحالها .. http://www.sh3byat.com/vb/images/icons/damn.gif

تصدق آخر ماتوقعت منّك=أنك توقفني على حفة الموت
ماهو لحيّ الله حاجه..لأنك=ألذ من السكر وأطعم من التوت
حتى النحل يجمّع الشهد منّك=ويغار ورد/ وود/ وعنبر/وياقوت
أقول: سرّ..السيره اليوم عنّك=بين الشعر/ والقلب /والروح/ والصوت
آمر طلاباتك لحدك يجنّك=وتبني لك القيفان بضلوعي بيوت
وبنعمة رب الشعر حدّثت عنّك=يانعمة اللي منجي يونس من الحوت
ياللي..أن غبت شوي قلبي يونّك= ونة عقاب بن العواجي على نوت
ولاقلت بك هالشعر إلا لأنّك=أستغفر الله تقل تحيي من الموت

قيثارة الشوق لاتعزف موسيقاهـا=ماعاد للشعر داع وللسهـر ملّـه
من غابت اللي عواذلها مراياهـا=يعني هاك الحلم..وينه؟كيف آبصله
راحت..وأناأقول ياربـاه تاقاهـا=ولااااتفرق بعدها خـلّ عـن خلّـه

واللي خلق صوتـك التـؤم مـع البحـه=أنه على ضلوعي ليّا الحين يعـزف لـك
شوقاً..ليّا من غفاك وقـال لـي صحـه=الطيف..وصحيته من النوم يحلـف لـك
إنـه علـى موقفـه ..والحـظ ياشحـه=وأنه وش يقول لك ..وإلا يوصـف لـك
ليّـا طريتـي لعـب لمهنـدك* دحــه=وجت المشاعر من أقصى القلب ترزف لك
ياشاعره..لوشعرتـي بــأن هالقـحـه=أصوات شوقاً مضى له (شعر) ينزف لـك
ماخذتـي يـدّ الفـراق ومعكـم البـحـه=وعلى ضلوعي نسيتي أظفرك يعزف لـك

للحبر بحر.. وللكتابه مراسي=وللشوق أنس وللشياطين تأنيس
بين المرار وبعض طعم المآسي=خيّم ظلام وغاب ضي الفوانيس
راسي وكبد الغيم تنتاب راسي=وأطيح واقف ماحنى راسي أبليس
يابنت..بعض قلوب ماهي كراسي=ولاكل ناحل يرتجي عفو بلقيس
سجلت لك بالحب رقماً قياسي=فوق الصفات ورغم أنف المقاييس
وأحييت لك بالشعر أحلى الآماسي =الشوق خيل وهالأحاسيس فريس
هنا أنتهى عام الغرام الدراسي=أربع سنين ومنهج الجرح تأسيس
لا لأنكسارات الهوى وأنتكاسي=لابو الهوى وأهل الهوى والمتعايس
جيتي سحابه عن ليالي يباسي=ورحتي قصيده قالها:مرعي ونيس

عوّرت قلبي وهو بليّـاك متعـوّر=وواقف على شاطي العشاق ويحاتي
يا [نورعيني ] مُتى ألقاك وتنـوّر=عيني/وقلبي/وروحي/وأتجاهـاتـي

الشعر مقدوراً عليـه=بس السهر وش يقنعه؟
أنـه يبينـي ماأبيـه=ولاأني أحبه ماأمنعـه
أسايره عشان ..أيـه=عيون من عيني معه
يافجر سلم لي عليـه=وباللي بقلبي تقنعـه

ياقلب تحرر خلص من وهمك= ليامتى ليل وشقى وحبايب
يانابضي ..أذا أساؤ فهمك= قلّ أني تايب عن غلا..كم تايب

الله يـافـالــح=كل الضلوع فتوق
طعم السهر مالـح=والشوق ياهوشوق
أن غاب ماأصالح=وإلياحضر معشوق
وأبطيـت يافالـح=أضخه بين عروق

أقري خرابيشي أبي أقرى خرابيشك=ولتسقط الأسما..أن مـرت أسمانـا
عيشي حنيني على فراقك وأباأعيشك=ياباشة الغيـم ..لا لا ينتثـر مانـا
أناعلى نيتي وأنتـي علـى طيشـك=جينا بسرعه وصلنا.. بس ماأمدانـا
شيهانتي يوم أصفف بالغلا ريشـك=لا لاتطيريـن..لا لا تشمـت عدانـا
الله يسعد صباحـي مـع خرابيشـك=ويسعد مسايه..قبل لاأذكر حكايانـا

الرسالة الأصلية كتبت بواسطة احمد عوض (مشاركة 291630) عاااااانق السحاب يا مرعي فوووق يا شعر ؛

يابنية العز والاعزاز=والورد مشتق من لونك
الشعر /والنت/ والتلفاز=ماعوّضوني عن عيونك

هم يحسبوني أباأغني ب(ليلا..هم)=وأنا (بليلاي) مِشعل نص هالدنيـا

أبنتثربك..وسّعي صدرك شويّ=ضاقت مسافات الفضا..وأخنقتني
جيتك..من حدود الضما..دوّري ميّ=عزفت دو..رِي..مِي /حزن وبكتني
غابت..وجيه اللي حسبت أنهم ليّ=وهم حملوني.. فوق ماطاق متني
طخّي وحشهم..مابقى بي لحم نيّ=يا(حلوتي).. قطعانهم وااالفتني
وأن ضاق صدرك..طوّلي بالك شويّ=عطشان أبشرب دمعتك ياذرَفَتّني

الرسالة الأصلية كتبت بواسطة مرعي ونيس (مشاركة 291673) هم يحسبوني أباأغني ب(ليلا..هم)=وأنا (بليلاي) مِشعل نص هالدنيـا

الرسالة الأصلية كتبت بواسطة علي التركي (مشاركة 292139) الله الله يا مرعي تتلاعب بالحروف والكلمات والمعاني كالدمى !! عزفت دو..رِي..مِي /حزن وبكتني أتعبت النوته يا مرعي أعزف أعزف أعزف بكل الألحان تطربنا مرعي قائد أوكسترا لن يكرره الزمن أستمتعوا وأدعوا حفظك الله عازفنا الرائع ;););););)

يا غايبه



أسألك باللي صوّر عيونك



متى تجين بيوم وعد.. وتقسمين



أنك من ذنوب الغياب ..أبن اللذينا






تايبه

أتجاه




مامن ..عيونك





نجاه

صباح الخير قبل الصبح ..قبل يا(حلوتي)تصحين=قبل لاتنثرين السحـر بمراتـك وتشقـى بـك
أنا وقلبي تعاهدنـا.. علـى أنـك هنـا تبقيـن=يجي يكتبك وعيوني..قبل يكتبـك تقـرى بـك

أبـي أتنفـس ..وأنـت لاتخنقنـي=تخنقنـي بوشـو؟ بكثـر غيابـك
أما تجينـي شـوق وإلا أعتقنـي=وأنـا عليـه.. ماأمـر أبـوابـك
وتبطي عظم ماأقـول لـك فارقنـي=وأبطي وأنا أكتب بك غلا وأقرى بك

عيناً.. تَخَطّف على ضو القمـر طيفـك=لاهي..أرّجهنت ..ولاهالليل نـوّر بـك
ياولف..ياللي غيابك ..عـن مواليفـك=جَمّع هالجروح..ونثّرهن علـى دربـك
أحشـم غلايـه ..ولاتطلـق ملاقيفـك=الشوق/والبعد..وأنـا ضـاري لقربـك
وشلون أبحذفك..وماصدقت أنا أضيفـك=للعمر/والـروح..والأزهـار تكثـربـك
هذي كفوفك..وهـذي هـي سواليفـك=وعلى خـدودك دليـل إنـي مأثربـك
ودلعك..وولعك..وتوتاتٍ تحـت سيفـك=وعيونك اللـي تجمّـع سلمك/وحربـك
عزّر..بي شتاك ..لا أموت بضما صيفك=وفكّر..ولونـص ساعه..ليـه أفكربـك
تعال..تـرّ الغـلا ماهـو علـى كيفـك=أما تجي وإلا..لي دربي..ولـك دربـك

كل مابغيت أكتب قصيد=كل مابي..بشوقك هَذى
يامن يضخك هالوريـد=للقلب..ويفوحك شـذا
ياااااأقرب الناس البعيد=والأبعد عن هذي..وذا
مابه قديم..ولا جديـد=إلا أن غيباتـك.. وذى

جرح






ويتكوّن

من غيابك بين ضلوعي

جرح

يرسم أحساسي..وألوّن

وقبل أملّه صحت به

ليّا متى؟

قال: خلّها تجي

وأهوّن

حاملي طبول الحرب

: هم أجبن القوم وآخر من يموت بتلك الحرب التي دقوا طبولها

المهرجون

:يوزعون الأبتسامات بعدد مايحملون من حزن


الفقراء

: فرقاء لم يجتمعوا على قرار لقمة العيش


الورد

: يسوي حاله..فمها عشان يستقطب أكثر عدد من الفراشات

وأقول:لك قمر.. ولاهـي غريبـه=مادام أبوك البارق/وأمك الشمـس
وأقول جرح وأنتـي داه وطبيبـه=نسيتي أن الجرح يبرى من اللمس

تُنـاديـك السمـاء السـابعـة
رَجُـل حـرف ليـسَ كمثـلك أحـد

الرسالة الأصلية كتبت بواسطة همس الشواطئ (مشاركة 292702) المـرعـي تُنـاديـك السمـاء السـابعـة رَجُـل حـرف ليـسَ كمثـلك أحـد هـمـس

روحي

لااااااااا
تجين


قبل لا تعتذرين من قلبي
وتستسمحين من

روحي

بسهو/له

إتعثى بالقلب
وجباله

بـ/سهوله

كنت أحسب إنك غلا
وأثارررريك

بس/هوله

لايغرك..هالجحود
أقدر أنساك

بسهوله

فانيه


ولاااااااتساوي


ثانيه

لاترمشين..اتكسّرين المجاديف=والبحر عينك/ والمجاديف رمشك