|
رد : منااااااا (ياووووطن..) اااااافي
الله لمن قفوا بقلبي وراحوا به يجزاهم بمثل ماجاء صدري وجزّه خلوني تقول خبلٍ شقق جيوبه وبيارق الحزن وسط العين مرتزّه هذا جزاء بايع الهطفا بمعطوبة والاّ وش من النداوي تاخذ الوزّه صحيح بعض الوجيه وجيه مضروبة وصحيح بعض الرجال رجال بالرزّه يالله لا امتني مذنب بلا توبة ويالله لا احييتني وانا بلا عزّه تكفا من اول تهزّ رجال محسوبه واليوم (تكفا) من اللي صارت تهزّه |
رد : منااااااا (ياووووطن..) اااااافي
اثار ذا العسكريم يقال له بوظة .. وانا اتغزّل بـ (.... ) .. آآآآآه ياخمرك ياسيدي والنفوس السود ممروضه .. ان راحوا الطيبين .. ازبن ولاة امرك والاّ انت بالله .. تحسّبها كذا فوضة يعني من الباب للطاقة .. تبا تجمرك وتحسّب السالفة سلعة ومعروضة والناااااس .. فيها رجال تشبّك بجمرك والله وربٍ فرض ذكره مع فروضة اني حطبت ( القرض ) ياشاريٍ سمرك واثقل ثقالك .. بعيني ثقل بعوضه وفي ذمّة الداخلية .. ياهل الجمرك السمن ذا سمننا ,, وقراب مخضوضة والتمر تمر اهل بيشه ماهو بتمرك يقطع سوالف سمو العشب يالروضة ياراعي الجنز الأمريكي .. ومتأمرك ياصغير السن يامخنفس على الموضه.. لا جيت بكره تعال وجب ولي امرك المرجلة صعبةٍ ياراعي البوظه .. الله يخليك ويطوّل لنا عمرك |
رد : منااااااا (ياووووطن..) اااااافي
اجزاء من الذاكرة عيّت تفرمت لي .. ياليتها ذاكرة في وسط جوالي كان احفظ اللي اذا غبت يتلفت لي .. وكان احذف اللي مابيه ان جاء على بالي |
رد : منااااااا (ياووووطن..) اااااافي
غابت .. وزاد الهيام وطالت المدّه حتيش .. وانا انتظرها واترجاها بهذلني الهم وانا ماني بندّه ومن دلّة الصبر ..مليت اتقهواها الف جدّه بقولة جيبه ووده واقول ياربي اسلى واتناساها واثار جدّه اذا غابت .. ماهي جدّه ان روّحت .. كنّ جدّه راحت معاها |
رد : منااااااا (ياووووطن..) اااااافي
طفلة ومن صغر سني كنت شاعرها خبلة ومن صغرها .. كانت لي الفرحة كانت لها ضحكةٍ .. تبحث سرايرها وماغير اجامل وهي تلعب بي الرزحة واروح لامدرستها لأجل اناظرها واهرب من المدرسة في حزّة الفسحه معها .. مانيب احسب اولها من آخرها ياحلوها لاضربت يدها تقول : كسحه :):thumb: |
رد : منااااااا (ياووووطن..) اااااافي
جادلٍ هبّل بي بضحة ثمانه الله اعلم بالدحيمي ويش ناوي نوب يجبرني على صغره زمانه ونوب اهج من الزمن كني خلاوي قلت امانه لاتضيعني امانه لاتفنن في شقايه ياشقاوي الهوى لاصاد رجالٍ تكانه جاك كنّه شايبٍ خاوى هواوي ليه ياجيده تطوعني عشانه يامضويني ..وانا مانيب ضاوي يا بنانه جعله بروحي بنانه الاّ انا كلّي علشانه فداوي ان تكلم ضعت في لثغة لسانه احسبه غاوي وهو ماهو بغاوي خذت ضيمة لا تمايل خيزرانه وان تثنّى يانعى وجهي نعاوي |
رد : منااااااا (ياووووطن..) اااااافي
يا آآآنسة .. لومنافي الشمس بـ برنده لكان شفتي ضياء الشمس في بيتك وشلك ( وطعسٍ ) تربّى من شقا زنده .. والسالفة كلبوها خذني وجيتك ؟ طيب واذا .. ! يعني واذا .. ان الوزير مجندّ جنده ؟ ماكلٍ عودٍ .. يشبّه عود كبريتك ! من ولد كنعان ..والاّ من ولد كنده نعرف سلوم العرب .. دستووور / وفْديتك في (ساحل العاج ).. او (نيروبي اوغنده) شرواك ناسٍ .. على نهجك وتربيتك (24 ساعة ) .. فاتحة ( بندة ) ومنك العذر .. يرحم الله حيّك وميتك ماني بحطّاب سمرٍ .. من سمرقنده ولانيب والله راجي صيت .. من صيتك بتلقين في الناس غيري .. حيّ ماعنده ذمّة وشيمة .. وتوقيته بتوقيتك والاّ ( الطعوس ) .. شفتي الطعوس .. اللي تقولين يـ (الرّنده) ؟ عفريتهم شي ! .. ماهو مثل عفريتك ! صحيح انا طعس .. لكن عندي (اجنْده) والله .. لو العافية في ايديك ماجيتك :) |
رد : منااااااا (ياووووطن..) اااااافي
الله الله يابوبدر
رائع بكل حالاتك تحياتي |
رد : منااااااا (ياووووطن..) اااااافي
تدري وش يزيد من حزنك ومن خوفك .. وجرحك متى يعجز اهل الطبّ في طبّه .. الى تعلّقت في حبّ اللي يشوفك .. آخر بشر في حياته ممكن يحبّه |
رد : منااااااا (ياووووطن..) اااااافي
الله خلقنا نكدح للقمة العيش .. من غير رب الناس .. مانقبل احسان يومك تعايرنا على فقرنا ليش .. ترى النبي خير البشر مات فقران |
رد : منااااااا (ياووووطن..) اااااافي
ياعين لاترخصيني سائلك بالله .. الدمع .. ماكل رجالٍ بيصخي به دمع المره .. تستريح ان دنّته كلّه .. ودمع الرجل .. يكسره ويضيّع الهيبة |
رد : منااااااا (ياووووطن..) اااااافي
وحنّا صغار.. كانت تكره أبلتها ! ولدّتني بنجل عيونها القتّال - تقول: الأبله ذي خبله! ومنظر كحلها اللي سال خلاّني.. معاها اصيح .. واكره مثلها الأبله! |
رد : منااااااا (ياووووطن..) اااااافي
ساري / وعن ..إذنك / وآسف لإزعاجك .. انا اشهد اني غلطت وغلطتي غلطة بعض العرب من تشوفه تطلق حجاجك .. وبعض العرب يوم يقبل كنّه الجلطة |
رد : منااااااا (ياووووطن..) اااااافي
لاتكيل صواع قوم الاّ موفّي .. طالما انك .. مانت كفوٍ للمواجه ذبّها للريع .. واتركها تقفّي .. لاتقرنس وانت ماتسوى دجاجه |
رد : منااااااا (ياووووطن..) اااااافي
عدّوي.. ولا صاحبٍ بأصحابي .. ان ماجرحني بالكلام .. احرجني يارب ياملجاي وانت ادرى بي .. لمنّة المنّان .. لاتحوجني |
رد : منااااااا (ياووووطن..) اااااافي
شوفة عيونك ياوطنّا .. يالأمل من فضل ربي عايشينٍ في نعيم شبابنا متريحين بلا عمل .. وشيباننا.. يتلحسون الأيسكريم http://www.youtube.com/watch?v=u7ML6ng2dtU … |
رد : منااااااا (ياووووطن..) اااااافي
#نشبه الصادق اللي مع الكذّاب له خوّه.. مايعرف الكذب والخوّة يقدرها لابد تنشب علية ولو هو مفوّه .. ماهو بكاذب .. ولا خوته بايرها |
رد : منااااااا (ياووووطن..) اااااافي
يارب ياذا اللطف .. كلن مبلي .. الطف بنا .. ياعالمٍ بالنيّة مادري بلانا ..من مشايخ ( ببلي ) .. والاّ سببنا بعض (الإخونجية ) |
رد : منااااااا (ياووووطن..) اااااافي
البارحة جارك الله / والله يروفك .. ماغير اسولف لذيك النار والشبّه من غبّة الشوق ضعت بغبّة طيوفك .. للصبح وانا كذا .. من غبّة لغبّة تدري وش يزيد من حزنك ومن خوفك .. وجرحك متى يعجز اهل الطبّ في طبّه ؟ الى ابتلاك الله بـحبّ اللي يشوفك .. آخر بشر في حياته .. ممكن يحبّه |
رد : منااااااا (ياووووطن..) اااااافي
اقربي يا.. أقرب من انفاس صدري ليّه كل هالدنيا / بلا حسّك / ماهيب تعّبر ذا وانا لاطرقي ولا صحبتي طرقيه قمت اذب الريع يوم اتذكّرك واتعبّر لين شبّ ابرد عظامي فيك/ نارٍ حيّه وانهزم لك/ كل طاغي بالعروق تجبّر! هييه يا انتي يا ام ذيك القذلة الخمريّة كيف تبغين الدحيمي فيك مايتحسّر ؟! الخبل ماهوب ملحوسٍ وبه جنيّه الخبل رجلٍ تحبّه مثلك ولاينغر! سكرّك يالسكّري يفرق عن البرحية من تزاود في حلاها معك وانتي السكر ? |
رد : منااااااا (ياووووطن..) اااااافي
ارزاق .. والأرزاق يامعرّب الجدّ الله قسمها .. للشلي والزلابة واللي يقدّر راحة البال من جدّ المتعبين / الكادحين / الغلابة #الدحيمي |
رد : منااااااا (ياووووطن..) اااااافي
كان اول العشق قبل نشوف موبايل .. يوم التلفون يطرونة ونسمع به للصبح وانا ارقب الشبّاك واخايل .. واقول (هلحين لا.. هلحين ) تطلع به |
رد : منااااااا (ياووووطن..) اااااافي
ضيقةصدر .. والا فكر ياضيقتي .. سعة سعة اللي يعيش مع البشر صادق بهالوقت امعه في عرف تجار الحضر لكل تاجر مرجعه والقاعدة عند التجر : في كل سوقٍ منفعة والعب بمكسبك.. الحجر والمشترى الخاسر.. بعه سبعة ناقص سبعة صفر واثنين في اثنين اربعة الخبل ماكذّب خبر من فرحتة طق اصبعه غير انت يا اغلى من نظر فيّة .. وانا غصب اسمعه يابو الجديل المنتثر كن الهبوب مفزعّة باحطب لك ضلوع الصدر وابرد ضلوعي ولّّعه ادفى على جال الجمر والحرّ طيبة يردعة عشقت طيفك من الصغر وشيبتني وانا اتبعه لامرّ عالبال وعبر حرّ من الصدر اشلعه غنيت لك ( اباعتذر ) وانا بـ(وسط المعمعة ) وتقولي ( مالك عذر ) ياللي ( لبست الأقنعة ) اخذت في الدنيا عبر ماكل بحر ابا اشرعه ياقاتلي .. دربك خضر ان رحت .. فالدنيا سعه وراسك ترى كلما كبر ياصاحبي زاد اوجعه ... |
رد : منااااااا (ياووووطن..) اااااافي
يالطفس لك قدرك ولي مقداري بدري على مثلك يقلل قدري ان كنت ماتدري او انك داري اخر همومي تدري او ماتدري |
رد : منااااااا (ياووووطن..) اااااافي
ياقبْر.. ذا اللي تضمّه / قرم تخشاه العرب اذكره بالحوش هذا يوم وصّاني هنا قال خلّك من خوالك كلّ ماطاح الرطب ولاتحيّر عن عمامك كلما اهتز القنا |
رد : منااااااا (ياووووطن..) اااااافي
مسرح .. واراجوز http://www.youtube.com/watch?v=sQ-6N6fUiQA لوبي ومقهى وطرق العولمة ثاني وفي المطعم الطاولة يقلون محجوزة والمترف اللي جعوده فوق الأمتاني ان تبت من فستقه ماتبت من لوزه والعاذل اللي علشانه تبلاني ان قال جوزه حلفت اني فلا اجوزه يالله يارب تاقا زلّة لساني .. وتاقاني من الوهن والقهر والعوزه ويالله لا احوجتني لا كوز منّاني اموت ظامي ولا ادنّق على كوزه كم ليلةٍ قمت نص الليل جوعاني وقشّرت موزه .. ولاني بآكل الموزه! امسي على ضيقتي والغبن يملاني واصبح تقول حربةٍ في الكبد مغروزه يالقاضي اللي يحرّم كل الاغاني لكن حلال ام كلثومه وفيروزه ياقاضي الأذكياء لالا تغاباني مسرح واراجوز .. والمسرح بأراجوزه الى عدى الذيب يخرش راعي الضاني ويفج نحرّ ( الثني) وعدوته فوزه لكن .. ابأعطيك بيتٍ عذب الألحاني بيتٍ من الشعر يسوى الفين ارجوزة يحشم عدوٍّ بوجهي جاء ولاقاني عن صاحبٍ كلّما اقفي.. مدّ لي بوزة ( بدروز لبنان) يومك مانت لبناني وش دخّلك بس .. في لبنان ودروزه ؟ لاتحسب المرجلة بالبشت يافلاني الله ياكم قرم.. يلبس جنز وبلوزه خذها نصيحة وحشّم لحية العاني والله ماينفعك .. قارون وكنوزه تالية بالقبر وحده بين لحداني مهو بمآخذ.. ملايينه ولا بنوزه وان كان وان كان جوز الهند عناّني وش لي ووش للعنا .. والهند له جوزه حنّا الحميا وحنّا مزبن الجاني نفزع وفي سلمنا الفزعات مكنوزة والغمر فينا يجيب القاصي الداني اليا برز يفخر بناخية ببروزه وقدامنا .. لا تنومس لاش وهداني! والله لنشرب دماهم شرب كازوزه الحق لابد ما نظهره ويباني ونحجّم ونكوي اللي لاذع فيوزه والا انت .. ولا هنت .. ياراكب الرنج البريطاني اللي ليا دق سلفه شبّت اقزوزه وصل علومي لشيخ الدان ياداني .. وقله ترى السالفة.. خبزة ومخبوزة وبكره يعلّمه عن نجراااااااان .. نجراني وبيارقٍ فوق راس المجد مركوزة |
رد : منااااااا (ياووووطن..) اااااافي
ياالبناخي .. ماعاد يفيد التناخي لو بلدنا .. مارعاه الاّ ولدنا كان مافينا فتور ولا تراخي .. ياخي افهم لاتصير حمار ياخي ..! |
رد : منااااااا (ياووووطن..) اااااافي
( بابا ) الزمن عادته يالقلب الشقاوي يسرق الضحكات.. من ايتام (بابا) يالشقي ماعمرها جت بالتساوي .. لا.. (ولكن تؤخذ الدنيا غلابا) مانت باول من توسمه المكاوي وورته دنيا الشقا .. عجباً عجابا ياتجي مثل السروق وكل غاوي وغنّ معهم (ميجنا) والا (عتابا) ياتجي حالك مثل حال الشواوي مثلنا .. غلبان من ضمن الغلابا انت تذكر.. ؟ انت تذكر.. عام الأول ياهواوي يوم اجامل / واتصنّع / واتغابا ..؟ لين ورتني صوادفها البلاوي وخيّرتني : ياشلافي / يا جنابا مامنعني غير منّاع العطاوي وخفت من هيبة كريمٍ لايهابا لأن هالدنيا .. كلّ هالدنيا بعيني ماتساوي .. فرحتي .. لاقالوا اطفالي ( يابابا ) .. المقر بما فيه .. انا ..! واستغفر الله قلت انا ..! |
رد : منااااااا (ياووووطن..) اااااافي
حياتنا كلبوها مغزل بمغزل .. ومن قطننا ماجنينا شيّ ياربي يارب نطلع ولو مرّه ولا ننزل .. تعبت اغبّي ولا ادري ليش انا اغبّي |
رد : منااااااا (ياووووطن..) اااااافي
عندي سؤال وجاوب بقدر السؤال .. سؤال يالهامور ياراعي الثراء .. اذا شريت من البطر رووس الطوال ياهل ترى ترقى لها ياهل ترى ؟ اقول عوذة منك ياولد الحلال وش لك ووش لمغربل عيال القرى لو تشتري باموالك اذناب الرجال ترى الرجال الصدق.. ماهي تنشرى |
رد : منااااااا (ياووووطن..) اااااافي
احسب انك عن جميع الناس غير .. يوم غيرك لو شراها .. باعها ليه ترميني على الضلع القصير .. وانت خابر علّتي واوجاعها لاتصاغرني وانا ماني صغير .. كل شاة معلّقة بكراعها |
رد : منااااااا (ياووووطن..) اااااافي
من صدري المخنوق طار ابيض الريش .. بعض الهوى ملعون خيره وشرّه في كلّ مرّه يغلب الملح والعيش .. لكّن ذا المرّه ماهي كلّ مرّه |
رد : منااااااا (ياووووطن..) اااااافي
ضيقة وفي صدري تناهيت وزحام الله لهم ياقلب .. واحنا الله لنا راحو كذا .. وبلا سلام ولا كلام بالله ذولا احباب.. ياقلب العنا ؟ تغافلوني .. وارحلوا غدراء الظلام راحوا ولا ادري ليش .. خلوني هنا؟ ان جيت انام .. يقول جرحي لاتنام .. وانشد بقايا عطرهم .. طيب وأنا ؟! |
رد : منااااااا (ياووووطن..) اااااافي
( علبة التونة) لا الشعر ولّى .. ولا هي عين صابتنا الشعر نتنفّسه ونهذّب لحونه ان جات للشعر .. ياخي الشعر حرفتنا الشعر ماهو غزل وابيات موزونة المشكله بس فينا .. من كآبتنا ماقد كتبناه لأجل عيون مزيونة احساسنا غير حتى في كتابتنا .. من حزننا نستمد افكار مجنونه نكتب وحزن الشوارع في بساطتنا .. متشاركين الهموم وعلبة التونة .. |
رد : منااااااا (ياووووطن..) اااااافي
حيّالةٍ وفي شرور اعمالهم وقعوا واصبح صليب العظام .. الواهن الناحف ( ان الطيور على اشباهها تقعٌ ) زاحف وخبلٍ لقى له خبلٍ وزاحف |
رد : منااااااا (ياووووطن..) اااااافي
هيّا انتنادم .. ياهل الوجد واللوع على (قفا نبك ) ( وياليت لو هند ) احدٍ على (الويكند) يحسب له اسبوع واحدٍ يقضّي كل الأسبوع (ويكند ) |
رد : منااااااا (ياووووطن..) اااااافي
أخذت في درب الهوى لي فترة .. يالله عسى بالمصطفى لي إسوة نسوان ناقصها عقال وغترة .. ورجال .. تتفاخر بنون النسوة |
رد : منااااااا (ياووووطن..) اااااافي
بعض العقول تحيّراهل العرف وارباب العقول وبعض الأنام بذمتي ماهي مثل بعض الأنام ياصاحبي.. اقنع برزقك خير من تقفي تقول ابوك يابنت الحلال .. ابوك يابنت الحرام |
رد : منااااااا (ياووووطن..) اااااافي
ياطراد بالله براس النايفة ترقى زوّع بصوتك وبيّح كل خافيّه باعطيك بيتين شعر وطرقنا طرقا طرقٍ جنوبي هلالي مع هجينية قال الدحيمي نزعني نازعن شرقا وانا جنوبي وهقواتي جنوبية جهمت ليلي تقل حوّاف واتسرقى غبشت .. واصحى شويّة وارقد شويّة انا اشهد ان الليالي عن بعض فرقا قلبي مع ذيّة وعقلي يقول ذيّة ابوك ياطيبي اللي حرقته حرقا في مدعين الصراحة والمثالية شاعر ولي بالشعر منهج ولي مرقى ما حب( قولوا لها ردوّا لها .. هيّة ) لكن دخيلٍ على ابو خيمةٍ زرقا ومعكم امانة تردون الخبر ليّه يااللي تشوفون ذيك الجادل الطرقا قولوا لها خافي من الله ياخيّة قولوا لها ليش تخلف جرحها فرقى و الله يجازي الردي ومخبث النيّة وودوا لها كلمةٍ بعيوني الغرقا وقولوا لها.. سوّد الله وجهها فيّه ! |
رد : منااااااا (ياووووطن..) اااااافي
نبغى اربعة ياهل البلوت ولا يقابلنا غشم .. اشول وأوزع باليسار.. واعتذر لإحراجها حرّيف وآخذ صن ومغطى واذا خذته حكم علّقت راعي الإكّة المعلقة .. بحجاجها ياناشدن عن ذمتي .. في ذمتي واقسم قسم ان الرجال انواع والرجلة لها منهاجها احدٍ ترك شايبه في المجلس يسولف للأصم احدٍ يبا يفتكّ من العالم وكثر ازعاجها مادام ما انت المعتصم وشبك تسوي معتصم وش جابك لتيماء ووش حدّك على هدّاجها وام النعاج اللي تشرّى في الرجال وفي الذمم ابطت وجات بجرو ذيبٍ ودّعته نعاجها والاّ انت يامال الشحم .. لاهنت يامال الشحم اقلط ومسراها .. مشاريهه على معراجها ضيف البعير له البعير ولا يقلّط عالغنّم هذا بعير وذا طلي .. ودجاجها لدجاجها لا واسفا بك / يا افا .. ماكان والله العشم مادري البلا من علّتك والا البلا بعلاجها اثريك ياراعي السفوح من العتيم الى العتم وتضحك علي تقول اخذت من القفار عجاجها من ديرة الخذلان والاحباط وطيور الرخم عيال تسعة روّحوا وتشيخوا خدّاجها اعوذ بالله من رداة النفس مع سوء الفهم واعوذ بالله من مداخلها ومن مخراجها بعض الرجال شف بعض الرجال .. الى تعافى .. مثل عافية البهم تشحم والى شحمت كثر في شحمها خرّاجها المقر بما فية : أنا .. واستغفر الله قلت لنا .. محمد الدحيمي |
| الوقت المعتمد في المنتدى بتوقيت جرينتش +4.
الوقت الان » 23:19. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع