|
رد : دعوة لتـدوين المشاعر .. ورسم الحروف ..
.
حين تنهمرين في بكائك الصامت العظيم ,, تمنحين الريح مسارب في اضلعي ... سقراط الفكره ناصر المطيري |
لك يامرزوق
. هذي لعيون أخوي الغالي مرزوق بن فيحان :)
وش صوت ام كلثوم والحان وهـاب = لـه قبلـةٍ صوتـه وياخـف دمــه وليا ندهني سيـد تلعـات الأرقـاب = ومن زين صوته قلت : وش دين امه؟ لامن جلس غصبٍ لبس عيني اعجاب = ولامن وقف يدري وعرف ليه أخمـه ولامن زعل دمعه نزل حب وعتـاب = ولا من رضى عيا الفضـا لا يلمـه لا واهنيي مجلسـي بيـن الأهـداب = وليا عهد فـي وسـط قلبـه وذمـه لاسولـف بقلبـي سواليفـه حـراب = في ذمتـي كـل كلمـةٍ منـه قمـه مرات أحسه من حلى الحكي كـذاب = بلسانـه اليـا قـال أحبـك مطمـه له وحشةٍ بيـن الحنايـا ليـا غـاب = ولا من حظر لـه شدتيـن وضمـه كنه ندى الجهمه على أوراق الاعناب = ملحه شرب سكـره لا فـاض يمـه لا من حكى أسهى وأناظـره جـذاب = ولا مـن تنفـس كـل فلـه تشمـه قال اعترف وش فيك ساهي ومرتاب = يلعن ابو منهـو سـرح بـك وعمـه تسهى وأنا جنبك ولا تحسب حسـاب = لاحول من وقض من الصـدر همـه مايدري انه غير عن كـل الاحبـاب = يشره وانـا ساهـي بتقاطيـع فمـه مستغربٍ وشلـون هالثلـج مـاذاب = مـاذاب ليـه وجمرتيـنٍ تضـمـه الشاعر / فيصل اللويش الشمري . |
رد : دعوة لتـدوين المشاعر .. ورسم الحروف ..
.
تسلم عيونك يا بركات |
رد : دعوة لتـدوين المشاعر .. ورسم الحروف ..
عل العموم أي واحد وده يحط إهداء لـ عيوني أنا سامح له :) أنا وشلون أعيش اليوم باقي العمر من دونك ............................ حبيبي لا تطوّلها ذبحني الشوق بغيابك عسى ماشر وش الي صار ؟ علمني وانا عونك ............................ ولكن لا تخليني فديت أهلك .. ومن جابك عيوني ما تنام الليل .. ألا يا حظّها عيونك ............................ تنام الليل ما تدري وش الي صار بأسبابك غديت فـ غربتك قاسي طغى طغيان فرعونك ............................ تركني غيمك الماطر ألا يالله على بابك يقولون فـ غيابك : تاركك وآكيد بيخونك ............................ وأقول آبوك يالعاذل على آبو من تعزوا بك فديتك بس علمني وش الي مغيرن لونك ............................. وأنا برضي غرورك بس تبقى لي وانا أبقى بك أبيك تصير سجّاني وأنا باصير مسجونك ............................. أبيك تحطني نخلة .. وأنا باعيش بترابك أبيهم يكتبوني في سطور الحب مجنونك ............................. أبي أصبح رواية عشق في صفحات بكتابك أنا فيني خليط من الغلا والشوق يرثونك .............................. أنا ودي أكون أول ... وآخر حب ينتابك حبيبي ضحكتي ودمعه لقاك اليوم يدعونك .............................. وتشقيني هموم مفارقك والبعد وأشقا بك وأنا ما ظنتي أقدر أكمّل يومي بدونك ............................... كفااااية لا تطولها .. "ذبحني الشوق بغيابك" هي من قديم ثامر " الله يصلحه " لم أجدها في الأرشيف ففضلت تدوين ما أحفظ منها هنا |
رد : دعوة لتـدوين المشاعر .. ورسم الحروف ..
فراغْ .. وها الشوارع سور وأغصان الكلام ظلالْ ..! أنا وانتي ... وطيب الفالْ تشاركنا فــ ( باونتي ) وعشنا وقتنا أطفالْ ... تغييييييييييييبين الشوارع سورْ وأغصان الطريق أشجان أعيش شعورْ ... واموت فآخر الأحزان ... تغيبين الطريق أخضر .. وعنوان النهاية ( كان ) !! |
رد : دعوة لتـدوين المشاعر .. ورسم الحروف ..
. كذا يعني ..!!؟ عـــــطش دنياااي والشعبان مليانه .. وانت اللي اذا شفتك رويت ولا بغيت الماااااي عطش يا خل ..!! ! :frown: . |
لحظة ياللي تقول روح وكل واحد له طريق لحظة,,,,,لحظة وين أروح!!!!؟ وانت تدري مالي غيرك احضن كفوفه وابوح وارتمي بحضنه وانوح وين أروح والطريق اللي تقول كله آلام وجروح أوله كلمة"وداع" ...وآخره كلمة"ضياع" وبينهم زفرات روح وين أروح!! س . ح |
رد : دعوة لتـدوين المشاعر .. ورسم الحروف ..
صالة المغادره ... الليل .. والشعر .. وانت .. وزحمة افكاري واوراق بيضا .. وقلم مسكين مايدري ... سفر إلى ( مطلع الشمس ) توصي شي ..؟ هذا قلبي .. خله عندك ..! ماني محتاجه بدونك .. بس تكفى .. لا تذله ..! حقي منك إنك تحطه بـ عيونك ..! صالة القدوم وه .. فديتك .. كيف اببعد ..! وانا ماصدقت إني يـ اغلى أحبابي لقيتك ..! |
إقتباس:
بندر... توقيت روعه لحرفك :) |
رد : دعوة لتـدوين المشاعر .. ورسم الحروف ..
. تعبت ادور بين الاحباب .. أحباب ! ....... تعبت أنادي " ياترى وينهم فيه " !! الحظ عوّدني على .. قفلة الباب ! ....... والعمر يجري بي ولااقدر أجاريه ! قالوا : ولايسوى الأمل حفنة تراب ! .......هو فيه أمل جاني وانا قلت : مابيه !؟ - بركات الشّمري - |
رد : دعوة لتـدوين المشاعر .. ورسم الحروف ..
إقتباس:
أنا والله اللي عطشان لجديدك يا خال ! مدد يا أحمد مدد . |
رد : دعوة لتـدوين المشاعر .. ورسم الحروف ..
..
.. إلى أمي .. tsh3 مع حبي tsh3 // أجمل نسـا هالكون وأحلاهن أمي ستر وعفاف وطيب قلب وطهاره لو تطلب نجوم السما قلت : ( سمي ) أمي غلاها دايماً .. بالصداره !!! هي شمعة أفراحي وتبديد همي هي نور عمري بالحياة ومناره .. |
أبفقدك .. اقول والله بفقدك ! مع اني لك يومين بس .. في تربة ضلوعي تخطين بيدك .. بس الزمان بيبعدك .. وشلون بس ما أفقدك ! . |
إقتباس:
يااااااااااااااااااالبّا الشعر والشعور من نهرك المجنون يا أحمد ! . |
رد : دعوة لتـدوين المشاعر .. ورسم الحروف ..
إقتباس:
سفر .. سفر .. سفر .. للشوق طريق متعب يا بندر .. ككتابتك ! . |
رد : دعوة لتـدوين المشاعر .. ورسم الحروف ..
تدري انك لا قدّر الله ورحلت هذا ما يعني ابد اني فشلت ولو تغيب العمر كله مانسيتك كيف انا انساك ياقلبي فديتك ولو طلعت ولو نزلت وتبقى انت اللي احبه وتدري انك تردد الفرقا وتذكرني برحيلك ورغم هذا ما زعلت وبنسى كل اللي فعلت هذا بس لا قدر الله ورحلت . . . عبدالرحمن الربيع |
رد : دعوة لتـدوين المشاعر .. ورسم الحروف ..
إقتباس:
هذا ما يعني ابد اني فشلت ولو تغيب العمر ( كله) مانسيتك ! عبدالرحمن الربيع متعبٌ أنت في استحضار الأخيلة! //لك الألق |
..
. ياصباح اعيونها اللي يحتريني .. ..... قبل هذا اليوم ... قلّي وين كانت !؟ طفلة ٍ آشوفها.... بيني وبيني ! ..... وين مالدّيت .. بالأنظار .... بانت طفلة ٍ ترحل معي وتحل .. فيني ..... في سبيل الحب ما لحظه .. توانت ! جيتها ماشوفها ! من دمع عيني ! ..... أشتكي دنيا قست مايوم ... لانت ! قلت مدري وش أبي ! لكن عطيني ! ..... وامسحت دمعي وقالت : أص هانت ! جيتها ترجف من اللهفة يديني ..... ورحت ولسان الخفوق يقول زانت ! علمتني بالغياب .. انشد حنيني ! ..... واذكر إنه قالي : كانت .. وكانت ! طفلة ٍ أشوفها .. بيني .. وبيني ! ..... وين مالدّيت بالأنظار ..... بانت !! . |
.
ياصباح اعيونها اللي يحتريني .. ..... قبل هذا اليوم ... قلّي وين كانت !؟ طفلة ٍ آشوفها.... بيني وبيني ! ..... وين مالدّيت .. بالأنظار .... بانت طفلة ٍ ترحل معي وتحل .. فيني ..... في سبيل الحب ما لحظه .. توانت ! جيتها ماشوفها ! من دمع عيني ! ..... أشتكي دنيا قست مايوم ... لانت ! قلت مدري وش أبي ! لكن عطيني ! ..... وامسحت دمعي وقالت : أص هانت ! جيتها ترجف من اللهفة يديني ..... ورحت ولسان الخفوق يقول زانت ! علمتني بالغياب .. انشد حنيني ! ..... واذكر إنه قالي : كانت .. وكانت ! طفلة ٍ أشوفها .. بيني .. وبيني ! ..... وين مالدّيت بالأنظار ..... بانت !! بركات هالكونtsh6 |
رد : دعوة لتـدوين المشاعر .. ورسم الحروف ..
سفر إلى ( مطلع الشمس ) توصي شي ..؟ هذا قلبي .. خله عندك ..! ماني محتاجه بدونك .. بس تكفى .. لا تذله ..! حقي منك إنك تحطه بـ عيونك ..! بندر الله عليك انشعت الذائقة ... جيتها ماشوفها ! من دمع عيني ! ..... أشتكي دنيا قست مايوم ... لانت ! قلت مدري وش أبي ! لكن عطيني ! ..... وامسحت دمعي وقالت : أص هانت ! بركاتك يابركات مبدع حتا الثماله .. |
رد : دعوة لتـدوين المشاعر .. ورسم الحروف ..
..
سرقة مقصوده من توقيع .. /عبدالرحمن الربيّع / .. مادريت إني البارح بكيت على جرحك أوعلى جرحي وبديت أنثر دموع الندم وأشكي آهات وألم وأرتكيت على آخر حزن فيني وغمّضت عيني وغفيت . مادريت ؟!!! |
. لا تبيّت لي نواياك وتبوح السكوت ................قول لي : مابيك , قول إنك ملاقي أحد ! قولها وأنا أوعدك من هنا إلين أموت ............ماعد أبيّن شعوري تجاه أحّـد .. أبد !! - إبراهيم الرشود - |
رد : دعوة لتـدوين المشاعر .. ورسم الحروف ..
إقتباس:
لاتعليق / استاذي تعرف رأي بما يخطه مدادك |
ليش جيت.. وش بقى أكثر تسوي! ما يكفّيك الغياب؟ كنت بنسى إنّك أقسى من عرف قلبي "غلاك"..! كنت بخنق صوتي لا منّه تذكّرك و طراك! ليش جيت! ع.ـذبهـ |
رد : دعوة لتـدوين المشاعر .. ورسم الحروف ..
أرسل لي أخي الغالي والشاعر أحمد البوعينين ممازحاً : يا مل قلب(ن) صابه اليوم نابر ........... قلب(ن) هواوي صار للحب ماسور والسبه الي يركبن السوابر ........... عقب المدارس ضاويات(ن) على الدُور :) فأرسلت له : الله يعين الي على الحب صابر ............ الي غدى قلبه من البعد مفطور والسبه الي يركبن السوابر ............. عقب المدارس ضاويات(ن) على الدُور الحب ماهو حب لا صار عابر ............. خصّ الصغار الي يصفون طابور يا صاحبي بذكرك وانت خابر ............. من قبل لا يحجب عن عيونك النور من فترة لفترة نزور المقابر .............. ولا بد ما يصفي على رقمك الدور |
إقتباس:
خصّ الصغار اللي يصفون طابور :) مبدع يا ثامر .. //تحايا |
: وصلواْ له إني آقول :- "لا.. ماله لوا.. ............البقا في راسه , أما الهوى مات الهوى " ! مات من ضعفي ومت آترجّا قوّته ! ........بس هو ما أظنه إلا على ذبحي قوى ! علموه إني ما احبه كثر مايحبني .........والله أكثر –بس عشانه أقول إنّا سوى- ! وعلموه إنه تركني وانا محتاج له ...........حاجتي للدمع , والزاد , والما , والهوا !! قد دعالي إني أنساه لكن مانسيت ! .........يمكن إنه كان يدعي بغير اللي نوى ! او يمكن يقصد إنه دعا علي اموت ! ..........لن أنا لايمكن أنساه وبروحي ضوى !! : : : . |
رد : دعوة لتـدوين المشاعر .. ورسم الحروف ..
وصلواْ له إني آقول :- "لا.. ماله لوا.. ............البقا في راسه , أما الهوى مات الهوى " ! مات من ضعفي ومت آترجّا قوّته ! ........بس هو ما أظنه إلا على ذبحي قوى ! علموه إني ما احبه كثر مايحبني .........والله أكثر –بس عشانه أقول إنّا سوى- ! وعلموه إنه تركني وانا محتاج له ...........حاجتي للدمع , والزاد , والما , والهوا !! قد دعالي إني أنساه لكن مانسيت ! .........يمكن إنه كان يدعي بغير اللي نوى ! او يمكن يقصد إنه دعا علي اموت ! ..........لن أنا لايمكن أنساه وبروحي ضوى !! ابوطارق,,,,,,,,,,,,,, ورب الشعر هناك فارق |
رد : دعوة لتـدوين المشاعر .. ورسم الحروف ..
.
علموه إني ما احبه كثر مايحبني .........والله أكثر –بس عشانه أقول إنّا سوى- ! وعلموه إنه تركني وانا محتاج له ...........حاجتي للدمع , والزاد , والما , والهوا !! قد دعالي إني أنساه لكن مانسيت ! .........يمكن إنه كان يدعي بغير اللي نوى ! الله يا ابراهيم .. يا والله اللي ذبحتني بشوووووووويش .. اقسم بالله .. إنه حسك اللي أموت فيه .. لله درك . . |
رد : دعوة لتـدوين المشاعر .. ورسم الحروف ..
علموه إني ما احبه كثر مايحبني
.........والله أكثر –بس عشانه أقول إنّا سوى- ! قلتها مسبقا / شاعر لايشق له غبار |
. على أمرك يابعد نبض الخفوق وهاجسي ومناي ............... مدامك ماتبي وصلي ، أنا وش عاد يبقيني! أبحفظ مابقى لي من كرامة واستحـث خطـاي ............... على درب الغياب، ووين مـاودى يوديني! عبدالله السهلي (نجداوي) |
رد : دعوة لتـدوين المشاعر .. ورسم الحروف ..
عاتبت والشمس مالت للمغيبْ واضْحَكَتْ والليل ناداه القمر وِشْ يهمّ الحين لو ليلي غريب دام للشارع تواقيع وصُوَر لايهمِّكْ دام حظِّي بِكْ يخيبْ حظّنا تاريخنا فوق السّطُرْ نغلب الأيام لو خاب النصيب يولد الإبداع من حزن البشر ...! |
آآآآه يا إنته! : تعبت آموت في غيابك تعبت الخوف لا جابك! تعبت وما لقيت إلا وهم و أعذار .. حزن وزيف! أموت (اشتا) على زيفك .. و (صيفك) يحتضنّي زيف! ,, ع.ـذبهـ |
.
. ف. س |
.
. يالفراغ اللي تملّكني بدونكـ ....................... دونكـ (الأحلام) حتّى في فراغ! العذبه....tsh3 |
.
. أموت من فرقاك .. وأموت بلقاك ......وأموت من جورك .. وأموت فحنانك كل قضاه يموت مره ويفداك ......وأنا أموت ألفين مره عشانك (ط .tsh3 ) |
رد : دعوة لتـدوين المشاعر .. ورسم الحروف ..
من عـلّم الغزلان لا ذاقت الطرد ........ ما تلتفـت .. حتى ولو خافت تطيح الله خلقها دافيه : إن خشها البرد ........ والله خلقها ناعمه : إن ماشت الريح والله خلق له وجنتين ٍ من الورد ........ واليا سرت ينبت من اقدامها الشيح !! ص . ع |
رد : دعوة لتـدوين المشاعر .. ورسم الحروف ..
صدق شفتك صدق بانت لي ملامحك وعرفتك وانا لي مدّه تصوّر اجلس بروحي وانا مهدود ظني كيف إلى قابلتك واقفيت عنّي ابقى واقف في مكاني واذكر اني ما وصفتك .. صدق شفتك !! ص . ع |
رد : دعوة لتـدوين المشاعر .. ورسم الحروف ..
إقتباس:
ابيات دافئة المعنى / والاحساس مبدع / كعادتك |
رد : دعوة لتـدوين المشاعر .. ورسم الحروف ..
مع إنك رحلت بعيد لكن بقى التذكار ...........ليا شافته عيني تسابق مدامعها دفنت الغرام بخافقي والقلوب أسرار .........مشاعر هقيت إن الليالي تضيعها غلاك بضميري واضحٍ ما عليه غبار ........تشيل الغلا نفسي وأنا عاجز امنعها يقولون ماودعّك : قلت الفراق وصار ..........والإنسان روحه تنسلب ما يودعها متعب التركي |
| الوقت المعتمد في المنتدى بتوقيت جرينتش +4.
الوقت الان » 23:56. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع