هلا ماريا :)
انا بعد كنت حساويه واشترى بابي مزرعه هناك مزرعة نخل خلاص واستقرينا فتره ويوم حمل النخل على انه اناث اخذنا شهرين ماطلع تمر وبعدين اكتشفنا ان النخل كله ذكور(((فحاحيل))) ولا فيه الا انثى وما حملت للاسف ذيك السنه المهم انصدمنا كلنا وانتقلنا من الاحساء للجبيل الصناعيه واشترى بابي سنبوك(((قارب))) هناك في الجبيل المهم يوم من الايام طلع يقنص في البحر وهد طيره<<<مشيها تكفين :rolleyes: وصاد له سمكة قرش وجابها للبيت وذكيناها وفتحنا بطنها وحصلنا فيه مبلغ 3000000 ثلاثه ملايين بربطتهن و10 سبايك ذهب وجوهره المهم فتحنا بطنها يوم شفنا كل هذا في بطن السمكه اغمي علينا 3 دقايق تزيد اوتنقص المهم خذنا المضبوطات كلها وخيطنا بطن القرش وخذنا عليه تعهد مايعلم احد وفكيناه فالبحر الميت عشان ياخذ راحته ويعيش وحداني ويكون نفسه المهم خذنا الفلوس والسبايك والجوهره وحرجنا على الجوهره او الالماسه وجابت 5400000 خمسه ملايين واربعمائة الف ريال وجمس مصفح الظاهر مديله 79 بعنا الجمس على واحد يكد حبحب بـــ40 عنز كل عنز تحتها 2 الا وحده تحتها تيس والتيس هذا مالقى حليب في امه ومات قهر لانه درى انه بيصير فيه كساح وهو لسى صغير وتوفى والـــ40 عنز هذي وديناها للصناعيه وشراها من بابي راعي ورشه وراعي الورشه سكرها وغير مهنته من ميكانيكي ديزل الى راعي اغنام والرجال هالحين ماعليه شبعان اما الجوهره سيمت من بابي بمليار وخمسمية مليون ورفضنا بيعها وفصلتها خاتم وانا هالحينه لابسته في خنصر يدي اليمنى وتسام يدي والخاتم بمخطط على الكورنيش في جده + مجمع تجاري في الخبر ويمكن ابيع بس للي بيفرق السوم وسلامتك :)


اللي علمت ماريا بعلومها كلها
غزيل اللي لسى مابعد فضفضت tsh1