’, درب الثرثرة ,’
http://onfinite.com/libraries/844621...40/405/bd0.jpg صباحكم جنّة سـ نسير سويا, على درب الثرثرة فيه سنسكب يومياتنا / احاسيسنا / اهتماماتنا,, نثبت بخطواتنا على مفترقاته بصمات حياة انبثقت داخلنا, و حياة عشناها واخرى عاشت حولنا,, بإختصار: هي دعوة للرحيل على درب الثرثرة نفكر/ نبوح / نشتكي / نشيد / نفرح / نحزن / نستشير / نسأل .. .. إلخ لنقترب من بعضنا البعض أكثر وأكثر ليلى |
صباحكِ سكر...
اليوم وانا في قمة الضيق رن الجوال... رن رن رن...
اطالع بالاسم ومكتوب ( الاستاذ سعد )!! اول اعرفكم بالاستاذ سعد... هو مدرس رياضيات وزبون عندي... انا مو فاتح محل انا قالب غرفتي محل صيانة كمبيوتر يعني احد من الجماعة خرب كمبيوتره وماله خلق ( يدق ) 11 كيلوا عشان يوصل لمحل الصيانة يجي وينزله عندي ولا يروح فكركم بعيد ترى اللي اطلبه منهم بس دعوة صادقة ان الله يوفقني... نرجع للجوال اللي يرن... وقتها مالي خلق مررره وانا عارف الاستاذ سعد ما دق الا في كمبيوتره شي... المهم بعد المقدمات ( شلونك ووشلوني )... هو: مبروووووووك ( وهو فرحان مرررره باين عليه )... انا: الله يبارك فيك لكن على ويش ( فكرة انه حصل لي وظيفة اذكر اني مقدم على ادارة التعليم اكثر من خمس مرات وكل مرة يقولون عندك واسطة تعال ما عندك توكل على الله... الغريب انهم يقولونها علني )... هو: فزنا؟ انا:؟؟؟؟؟؟ هو: فزنا بالمسابقة حقت الاناشيد الاسلامية... انا: والله ( بصراحة خبر جاء بوقته طرت من الفرحة لاني انا اللي مسوي الهندسة الصوتية وتركيب المؤثرات على الانشودة وبعد اضفت صوتي عشان اقرا المقدمة اللي تعرف بالانشودة والمدرسة التابعة لها... والصراحة تعبتني هذي الانشودة لاني اختصرت عمل يومين في ساعة لان الاستاذ سعد ما تذكر الا باليل لان بكرة اخر موعود لتقديم العمل)... هو: هذا الفوز بتوفيق الله ثم بمجهوداتك يا حريف!! انا: لا تطيرني بالعجه يا استاذ كل اللي سويته ما يستاهل لانك جيت متاخر وبصراحة انا لما عطيتك العمل ما كنت راضي عنه 100% بس شسوي الوقت كان قصير... هو: الله يعطيك العافية ترى المدير حق المدرسة يقول سلمني عليه ووده يتعرف عليك وحتى الطلاب بعد!! انا: الله يسلمهم... هو: بكرة موعد التسليم وترى احنا المركز الاول على ادارة تعليم الـ........!! ومدرسة سـ......!! اللي العام حصلت على المركز الاول صارت بالمركز الثاني... . . . انتهى الاتصال... . . . ليلى... ثرثرة كنت ابحث منذ 7 ساعات على من يسمعها وكان مصيرها ان تسمع هنا بدلا من آذان الاصدقاء الذين حين اريدهم حتى يسمعوني لا اجدهم والعكس صحيح... اتعلمين ان تجد ثمرت التعب بالتعلم والمثابرة بعد 6 سنوات شي مفرح كنت ولازلت اقضي 15 ساعة على الكمبيوتر بين تصليح وتصميم وكتابة...الخ . . . ثرثرة قد تكون مزعجه لذا اعتذر اذا كانت كذلك ولكن مثل هذه الصفحات تروق لي لانها خير من يسمعك حين تريد الحديث باي وقت... . . . ليلى شكرا من القلبtsh6 |
رد : ’, درب الثرثرة ,’
اهلين المجلجل شمس الدرب اشرقت بثرثرتك الجميلة ومبروك ألف مبروك على فوزهم اللي هو فوز لك بالفعل والله يعطيك العافية ويجزاك خير,, احب مساعدة الناس انا واستمتع جدا وانا اخلق السعادة في حياتهم بالضبط اجد نفسي هنا لمه اخدم الناس:) وعموما من الان أنت منت بحاجة احد يسمعك طالما درب الثرثرة يجمعنا بنقول فيه كل اللي نبي وماعليك اختك ليلى بتسمعك وتسولف معك سلم لي على استاذ سعد وقول له تقول لك ليلى: مايصير استاذ رياضيات ومايذكر شغله الا قبل موعد التسليم بيومtsh1 |
رد : ’, درب الثرثرة ,’
ليلى شكراً على الموضوع الراقي tsh5 ثرثرة صادقه فيها أحترام لمشاعرنا ومشاعر الآخرين نفكر/ نبوح / نشتكي / نشيد / نفرح / نحزن / نستشير أفكر في سعادتي بأننا محظوظين بالأنقياء الموجودين هنا وحرصهم على أحتواء المكان بمن فيه من مراقبين ومشرفين وأعضاء متميزين بدون أستثناء أبوح بمدى طموحي للنشاط أكثر في قسم الأستراحه وهذا الموضوع أجمل مبادرة أشيد بروعة كل من أنضم لنا حديثا من الأحبة أخوان وأخوات و صديقات بداية من ليلى النقية ونتوء وسرِاب وقلب طفلة وغيرهن والمجلجل وكتّاب متميزين في مواسم وقافلة الحكايا وقوافي البوح أفرح بهذا التقارب الأخوي النقي نحزن على أسلوب المؤمرات والدسائس والبهتان والظلم بشكل لا يرتقي للإنسانية بشيء أستشيركم عن اقتراحات لتنشيط الإستراحه أكثر للتقارب أكثر بين بعضنا البعض ونضع أيدينا مع المشرفين الأعزاء حسن ال مسفر وفيصل بن خالد أشكرك ياليلى على الموضوع tsh3 وأهني المجلجل على أنجازه tsh5 |
رد : ’, درب الثرثرة ,’
الراقية / نورة هذه ليست ثرثرة هذه درر ألقيتها هنا نورة الدامر هنيئا لنا بكtsh3 |
رد : ’, درب الثرثرة ,’
فيني طبع سيء جدا محد متأذي منه كثري :( لو تضايقت والا اهتميت لامر تلقوني اكل اكل غير طبيعي ولا المفاجيع بزمانهم بجد شي محبط اختي تقول لي كويس هالرغبة اللي فيك تتحول للاكل الطعام ماتحولت لاكل البشرtsh1 الان اكتب لكم وانا اكل من امس وانا اكل الله يعل من علني قولوا امييين;) وفي حال سعادتي فرحي / راحتي النفسية مايطب بفمي شي احسن اني شبعانه لدرجة اني مااطيق الاكل لو شفته قدامي مافي هنا استشاري نفسي يترجم لي هالسلوكين التابعين لحالتين نفسيتين مختلفتين:rolleyes: |
رد : ’, درب الثرثرة ,’
الله يبارك فيكم :)
اهلين ليلى :) تدرين خاطري اخنق الاستاذ سعد على تاخره لما عطاني الانشودة بس حرام هو انسان طيب تدرين اجمل ما فيه قلبه رحيم وانا دائما اذا جات الاختبارات اوصيه على الطلاب( بصراحة معرف احد فيهم وفوق هذا المدرسة اللي يدرس فيها مو المدرسة اللي تخرجت منها ) واقول له تذكر ايام ما كنا طلاب وش كنا نقول على الاستاذ اللي يصعب اسئلة الامتحانات عشان كذا انت ما ترضى احد يقول عنك مثل هذا الكلام سهل الاسئلة وخليها ( سهله ممتنعه )... . . . ليلى... ترى لي بعلم النفس:D من جد انا مهتم فيه لان كان خاطري اكون طبيب نفساني بس الظروف ما ساعدتني... لا تخافين الامر مجرد تنفيس عن الضيق وبعد تعويض عن عدم الاكل لما تكونين فرحانة;) شفتي حلينا المشكلة:55: . . . الرائعة / نورة الدامر :) عن نفسي راح ادور لكم العاب زينه تليق بالمرحلة الرائعة اللي نعيشها الحين :) . . . ارجع أقول: يجب ان نعلم ان الوفاء لا يولد مع كل البشر!! هو صفة نادرة يتحلى بها البعض... لذا لا تعتب على شخصا كنت تعتقد انه وفياً!! لان فاقد الشي لا يعطيه... . . . المجلجل |
رد : ’, درب الثرثرة ,’
ههههههههههههههههه عاد انا ناويه الطالبات نيهtsh1 الله يستر بس بجيب اسأله ماتنحل:) وانواع التعقيدtsh1 لا امزح بكون عادله بس ماراح اجيب اسأله سهله لازم عشان نفرق بين الطالبة العادة والطالبة المجتهدة والطالبة الذكية والا موtsh1 يالله ادعوا لي اخلص الماجستير بسهاله والقى وظيفة في الجامعة عشان انتقم:D المجلجل شكرا على تحليلك النفسي:) بصراحة شي, حسسني بمدى القرب بين الطب النفسي والحاسب الالي;) وبالمناسبة أنا اشوف إن فاقد الشي يعطيه هذا طبعا اذا كان انسان سوي ويتمنى ان غيره ماينحرم من اللي انحرم منه ولا يمر بشي سيء مر فيه:) |
رد : ’, درب الثرثرة ,’
ودي اهذري بس مستحي :rolleyes: اهذري = اثرثر tsh4 اكيد ابرجع واهذري حتى تطفشون مني tsh4 مودتي |
"جادك الغيث إذا الغيث هما"
طليقة البقاء/ ليلى المساحة التي تنمو مع كل تواجد, لا يكفي صاحبها الشكر الواحد؛ بل حتى سيلٌ من الشكر قليل!, لذلك وعلى مبدأ" إذا طلعت شمس النهار فإنها .. أمارة تسليمي عليكِ فسلمي", فإن تواتر الشكر والامتنان أمارته عدّاد الزيارات, وأكثر! * المشرفون الجدد: تأبط شعرا على ملتقى الحوار .. ثامر الشعيفان قوافي البوح .. عنود في قافلة الحكايا .. خربوش أبو خطمه في ميدان المحاورة .. إبراهيم الوافي في مواسم .. متعب الخامسي في الخيمة الشعبية . ويسهر القوم جرّاهم "ويحتفلوا" :) * المشاركات ـ هُنا ـ بمثابة الأثرالحقيقيّ الذي يؤكد ـ فعلاً ـ صحة العنوان! * لو استقبلت من أمري ماستدبرت؛ لحررت وثاق ـ بعض ـ القناعات التي سطرتها في اللقاء وفي مشاركتٍ أُخر, بالرغم من إيماني "باستيلاء النقص على جملة البشر"! 8 8 8 سأثرثر في الكلام أعلاه في خانة موضوع جديد >>>>> خربها tsh4 :p |
رد : ’, درب الثرثرة ,’
LAYLA
بصراحه لي فترة وانا اشطف موضوعك اشطف =امر من جانبه لكن شفت الكلام بالفصحى وانعقد لساني والا ودي اتكلم معكم :) بس يوم قريت ردك حق الأكل انشرح صدري وانطلق لساني وابشري بالثرثرة :) بحكم إني كنت طبيب نفسي قبل ما اتفرغ للإشراف في شعبيات بعطيك تحليل مناسب لحالتك :) تقولين إقتباس:
في هذي المرحلة تكون المريضة تعاني من شحنات السالبه لذلك تحاول تسوي معادلة لها وكلن حسب طريقته ناس مثلك با الأكل وناس بال البكاء انا اعرف واحد اذا تضايق يغسل حوش بيتهم :) يعني هي بختصار حالة نفسيه عكسيه في حالة الفرح والراحه تسمى مرحلة التشبع وفيها تتسوى الشحنات لكن ولايهمك علاجها بسيط اولاً عليك بالقرايه حاولي تقرين كثير ثانياً عليك بزيت الزيتون حطي ثلاث نقاط في فنجال يكون مليان مويه حارة مخلوطه بزنجبيل تشربينها على الريق وانتِ مغمضه لمدة شهر وماقدامك الا العافيه .. فيه علاجات شعبيه يمكن اجيبها لك بعدين ........................ اخ فوزي وش عندك جايب طاري اسمي في راسك شي اخوي ؟؟<< يدور الشر tsh4 ( صورة دكتور في يده الاولى وردة حمراء والثانيه عجرى tsh4 ) |
رد : ’, درب الثرثرة ,’
إقتباس:
ترى الشي الوحيد اللي ببلاش هو الكلام;) مايردك الا كيبوردك tsh1 ولا تستحي,, ماسألتك,, من وش مستحي, من بنت الجيران:D |
رد : "جادك الغيث إذا الغيث هما"
إقتباس:
فوزي المطرفي,, أنتبه مني, تراني مااعطي مبررات بأثر رجعيtsh1 يعني وقعت ولاحدش سمى عليك:rolleyes: الحين تخليني اطاول السحاب ومن غيمة لغيمة,,, ومافيش حد قدي وفي النهاية تخربها بموضوع ثاني:o والله شوف, انا احب كل واحد يسوي اللي براسه ولاازعل ابد, يعني زعلي من النوع العتيق اللي ما يجي بسالهtsh4 مثل ذا الرجالtsh4 بغترته وعقاله, احسه عتيق بصراحة اي سعودي احسه عتيق هههههههههههههههه <<< بتنجلد:D : : الوفي / المطرفي / فوزيtsh6 ابي كل يوم منك شكر وامتنان لحضرتنا:rolleyes: على وتيرة ( كل يوم مشاركة على الاقل:) ) والاقتباس ادناه, خير و اوفي شاهد على استحقاق درب الثرثرة لخطوات الواثقةtsh5 إقتباس:
وفي انتظاركtsh6 |
رد : ’, درب الثرثرة ,’
إقتباس:
اثاري شعبيات كلها دكاترة متقاعدين:D لجل شعبيات أم الفدائية الادبية اللي انتم فيها:D بس عجبني تحليلك ولد عم تحليل المجلجل, والا مو؟:rolleyes: وبعدين وش هالعدائية اللي بينك وبين الفصحى يعني عشان كتبنا بالفصحى ماترد :( يالله حضورك الان يغفر لك ماقد كان منك, من مرور بلا تسجيل حضور <<< يا شيخه:D ودامك ماشاء الله لاقوة الا بالله في يديك شهادة الدكتورة وفي الاخرى عجرا معناه من اليوم ورايح أنت اخصائي نفسي لدرب الثرثرة وامن الطرق هنا, بس امن طرق شعبي;) شرط تعطيني العجرا نهاية دوامك هنا:D تعرف احنا العرب, مانتجمع بمكان الا نتخانق في النهايةtsh4 عشان كذا اي سلاح لازم يكون معي عشان اخبط بها اللي يتمرد على الاخر هههههههههههههههههههه الله لايجيب تمردtsh6 عموما نفسيا كلي تراكمات بجي هنا اطرحها وعليك تجمعها, وتزج لي بالنتيجة والتحليل;) :D |
رد : ’, درب الثرثرة ,’
: : احس كني خبصتها:rolleyes: هع هع : : |
رد : ’, درب الثرثرة ,’
صباحكم سكر...
كيفكم جميعا:) كيفك ليلى لا يكون لسه تاكلين:D اقول بعافية عليكtsh4 . . . وين غزيل tsh1 ليش ما تبربس معنا:frown: غزيل تعالي وشرط اجيب لك كبسة ضبان >>> مشتهي ضبان حييييييييييييل:55: على طاري الضبان يوم الثلاثاء الماضي في مجلة الجزيرة اللي تجي مع جريدة الجزيرة كان فيه اعلان عن وجود 20 ضب وللبيع:D انا مت من الضحك :D الحين متى صارت هذي الضب ينباع:D الضبان هذي هي حول البيت تحوم بس لسه هريانه خلها لما تسمن وبعدها يصير خير:D . . . ايه شباب خلونا نسولف كذا:) <<< ينبسط مع السوالف:D |
رد : ’, درب الثرثرة ,’
هلا المجلجل أنا الحمدلله بخير ونعمه وابشرك نوبة الاكل عندي توقفت:D أنت كيفلك..؟ بشرني عنك.؟ وبعدين مالقيت الا سالفة فيها ضبان الله يقرف شيااطينك:frown: انا اذا شفتهم احس بشفقة تجاه اللي ماسكهم:rolleyes: مسكين بيجيه يوم ويندمtsh1 |
رد : ’, درب الثرثرة ,’
اهلين ليلى :)
انا بخير ولسه طربان من فوز برشلونه امس على بنفيكاtsh4 وان شاء الله يزيد الطرب بكرة لما يفوز الاهلي;) . . . ههههههههههههههههههههههههههه هذي مشكلة الحريم هذا الوقت اللي نص حضرية ونص بدوية:D ما يحبون الضبان:D شوفي امهاتنا اول يحبونهم وخاصة الثربان لما يغمسون فيها التمر:) بس بصراحة انا محب الثربان;) |
رد : ’, درب الثرثرة ,’
ضبان..! ثربان....!! الله المستعان:frown: بعدين لاتقول حريم قول نساء:rolleyes: وبعدين أنا مو بدوية ولا حضرية,,, انا بنت ابوي<<< ياشيخه:D |
رد : ’, درب الثرثرة ,’
: : احم احم احم:rolleyes: عندي سؤال.. عندي سؤال ونسيته ,, ,, نساني زود الغلا نسيت اقول في حضورك ,, ,, اشتقت لي والا لاtsh1 لا لا امزح:D بجد عندي سؤال بس لاتضحكوا عليّ لاني احسه سؤال غبي وعندي احساس انه انضحك عليّ من اول فيه بس ماعلينا,, برضي فيني فضول السؤال وبطرحه / أرضا:D ياجماعة الخير مواسم ذا مايتكلم صح؟:D ماينطق ولا بحرف يعني هو مو بني ادم مثلناtsh4 وش هالتعبير:D اقصد, هو مومشرف / هو مجرد نك نيم يستخدم من قبل الادارة لبصم التميز في النص فقط لاغير:rolleyes: والا مو..؟ عاد انتم ادرى,, انا حديثة عهد بكم وقليلة الالتصاق بموضيعكم فـ عذرا لو اني جبت العيد:D وبسtsh6 |
رد : ’, درب الثرثرة ,’
تابع للرد اعلاه: بليز اللي فيه ضحكة يضحك في نفسه يعني اياني اياكم اشوف احد كاتب ههههههههههههههههههههههههه في رده على سؤال:D خلوها تحسب سخرية مغيبةtsh1 |
رد : ’, درب الثرثرة ,’
إقتباس:
ماقدر لازم أرد , يدي تحكني :D ياأنا ضحكت ضحك على سؤالك :D وأنا أكتب الرد بدموع اضحك http://www.sh3byat.com/vb/images/icons/0111.gif أتخيل أنه ابونا , ونفسه شينه ودايم معه عصا ولا يحب يحكي أحد وينام بدري و يصحا الفجر يبي يطّاق مع أي أحد :D شوفي عزيزتي باقولك الصدق :) هو يوزر, يستخدم بس لختم التميز فقط , بعد اتفاق مشرفين القسم على النص , يعني يستخدم من أحدهم :) حليت لك اللغز اللحين :D أرتحتي tsh1 الله يوسع صدرك يارب :) انتي عسل والله tsh3 tsh5 |
رد : ’, درب الثرثرة ,’
اعترف ان ليلى مشروع قلم ناجح في كل المجالات:) اعترف ان المجلجل دايم يحرجني بطيبته:) اعترف للمجلجل اني ما اكل الضبان<--ايه هينtsh4 ما اكل الا الاسماك وخاصه حقت الزينهtsh4 8 8 8مضيعه تحسبها في الاعترافاتtsh4 انا تسني سمعت شكوى من الاخت ليلى وشرحت الاسباب فبما انني ولافخر استشارية نفسيه في الطب السلوكي والادراكي اقول والله المستعان ان الاخت ليلى تشتكي من متلازمة الصحن وانها حاله تزول بزوال المثير اللي هو الصحن:) واذا كنتي تشتكين من احد الاعراض ارجوا ارسال ملفك الى عيادتي اللي تعرفها اقرب بلديةtsh4 الاعراض: 1_ميول الى الانسداح جنب الصحون وذلك بصفة مستمرة 2_الضحك الهستيري اذا شفتي السماط 3_حدوث كوابيس مزعجه تتمثل بصوت صحون تطيح من مكان مرتفع 4_الاكل باليدين الاثنتين في آن واحد 5_اذا كلمك احد وانتي تاكلين تطيرين عيونك فيه وودك تعضينه مع تحيات استشارية الطب النفسي والسلوكي والادراكي وطب الاسره وطب ولاتسمي غزيل روبير سماحه<---تراها امريكيه من اصل لبناني وعيونها خضر و(هويدي)للتمويه وعشان ماتنظلوني تؤبرونيtsh6 |
رد : ’, درب الثرثرة ,’
الجازي اهم شي ماكتبتي هههههههههههههههه اضحكي بدموع او بدون دموع بس لاتفرغي هالضحكة كتابيا:D بس كيف يالجازي, عجبتك صح؟؟tsh1 طلعت ذكيه, يعني اسأل واجاوب:) كويس طلعت اجابتي صحيحةtsh4 ماشاء الله عليك طلع خيالك واسع اشوك ضبطي لمواسم شخصية وجسديتها;) بس اهم شي انك ضحكتي:rolleyes: |
رد : ’, درب الثرثرة ,’
هلا والله وغلا بالمضيعة / غزيل:D وانا اقول الدرب منور ليه,, على بالي بمرور المطرفي قامت حكومة شعبيات وانارت الدرب وسفلتته;) خخخخخخخخخخخخخ <<< يا دمك:rolleyes: :: تدرين عاد وقت اللي تجيني هالحالة ماادري عن الصحن يعني مااميزه عن الاكل شوي واكله:D :D يالله رحمتك فيني |
رد : ’, درب الثرثرة ,’
حي الله غزيل:)
انا عند شرطي جبت الضبان في كرتون لانك تقولين ما تاكلين الضبان;) http://shleewe7.jeeran.com/Dhab%20hunt.jpg . . . وبما انك ما تاكلين ضبان جبت لك مفطحtsh1 http://img87.imageshack.us/img87/8953/2006030366io.jpg . . . غزيل :) الحين سمك الزينة هذا ما فيه شوك مثل السمك العادي:) اذا فيه انتبهي على نفسك:55: . . . ليلى... من جد عندي سؤال اذا تعرفين حله زين والا يحله واحد من الاعضاء اللي بشعبياتtsh1 كلمة حرمه جمعها حريم صحtsh5 نساء؟ وش مفردها؟؟؟؟ عن نفسي والله معرفها قلت يمكن الاستاذة ليلى تعرفها:D . . . حي الله الجميع وخاصة الجازي:) |
رد : ’, درب الثرثرة ,’
إقتباس:
بصراحه ماهوبمكان اعتراف بس لجل عينك تكرم مدينه اللي تبيه:D حيااااك خيتوtsh3 |
رد : ’, درب الثرثرة ,’
المجلجل وش هالصور, جبت لي الغثياااان:frown: مسكينه غزيل متحمله:rolleyes: بالنسبة لسؤالك فاللي اعرفه ان مفردة النساء هو امراة مو متأكدة من الاجابة لكنها اجابة مقنعتني لاني دايم اقرأ هالجمل رجل من الرجال امرأة من النساء ولا اظن في مفردة بالطيقة اللي تفكر فيهاtsh1 ان شاء الله اكون فدتك بتحليلي:) |
رد : ’, درب الثرثرة ,’
شكرا ليلى :)
بس تعالي شو تقولين الطريقة اللي افكر فيها ما فهمت:confused: . . . مبروك لكل الهلاليين الفوز بكاس ولي العهد:) بصراحة تستاهلون الفوز:) اليوم اول مباراة بدوري السعودي اتابعها للنهاية >>>> متحطم بعد ما كاد النصر ينزل للدرجة الاولى عشان كذا عاف الدوري السعودي كله وانتقل للدوريات الاوربية:frown: اليوم انا شجعت الهلال مو عشان الهلال نفسه لا عشان نواف التمياط ومحمد الشلهوب يعني تجي الكورة مع ذولي اشجع الهلال تنقطع منهم الكورة اقلب اشجع الفريق الخصم للهلال:55: هدف التمياط بلعبة الشلهوب رووووووووووووووووووووووووووووعة وصفقت له كثير >>> انا نصراوي بس مو متعصب احب اللعب الجميل... زمان كنت اشجع ابو يعقوب يوسف الثنيان مثل ما اسوي مع التمياط والشلهوب:) . . . :) |
رد : ’, درب الثرثرة ,’
المجلجل مافهمت سؤالك..؟ اللي هو بسبة سؤالي اللي ما انفهم؟؟ ومبروك الفوز للهلاليين يالله من زمان عن الكورة:rolleyes: كنت مجنونة كورة بس الله تاب عليّ من التشجيع والمتابعة:D بس ماتاب عليّ من اللعب:) هع هع احب العب كورة اناtsh1 |
أ نــــــا أ نــــــــا ..
:bighat: يــــــــــاولــــــد ...
تـــغــــطــــواااااا ....... ؟؟؟؟ :D .................................................. .................................................. ................... هـــى كلمتين ... أنا أول مره أدخل لا أشقر لالا أمــر أيه هذي أشواا .. وأدري أن في عالم غير ( قوافي البوح) مسكين وش أسوي شاعر وبس.. وبس = لا أشوف لا أحكي لا أسمع وشو ؟؟؟؟؟ ماعلينا ... بــصــراحه شــدنـــي كــثــير الموضوع .. وأهنيك على الفكره يا أخــــتـــااااااااااه لــيــلـــى .... وبأذن الله تجيني فرصه وكذاااااا وأشاركم وتملون مني ... وطبعاااا هناااا ماراح أصــير شاعر ؟؟ .................................................. .................................................. ......................... آيــــــه صــــح .... وكــــذا = كلمه كل دقيقتين أقولها .. وبعدين أقولكم ليش .. وكذا :) |
رد : أ نــــــا أ نــــــــا ..
إقتباس:
اهلا اهلا,, ب فهد وكذا:D ارحب الدرب دربكtsh4 بس اكيد ولزمن وحتما تعلمنا وش قصة وكذا واكيد ولزمن وحتما ماراح نمل منك يا فهد tsh1 |
رد : ’, درب الثرثرة ,’
افكر ليه احنا مجتمع مايعرف ابسط ابجديات دوره سواء على الصعيد العام والا الوظيفي اللي بتكلم عنه هنا هو الصعيد الوظيفي اتصلت بجامعة الملك سعود عشان ااخذ منهم اسماء كتب ردت عليّ الموظفة وقالت الموظفة اللي مسؤلة عن اسماء الكتب غايبة..!! اتصلي بكرة..!! طيب سؤال : مو المفروض , تكون هناك موظفة اخرى تحل مكانها, والا بلاش موظفة اخرى سالفة الكتب هذه , مسألة الوقت فيها حساس جدا يعني المفترض ماتأجلني الى بكرة نفترض الموظفة ماداومت بكرة كمان, اتعطل انا:frown: الوقت ضيق, والمهام كثيرة والجماعة في عالم ثاني..!! موقف اخر: اتصلت على جامعة الملك عبدالعزيز ابي اكلم رئيسة القسم, عشان اخذ منها تفاصيل وموعد السمينار وابلغها بكذا شي..!! ردت عليّ السكرتيرة وقالت لي الدكتورة في اجتماع وقفلنا تدرون,, حتى ما قالت لي من معي؟ ودك ابلغها شي..؟ اعتقد هذه ابسط ابجديات السكرتارية والا ماتوافقوني..؟!:) بصراحة ارتفع ضغطي مع هالصبح الله يعين بسtsh1 |
رد : ’, درب الثرثرة ,’
ليلى...
على هونك يا خييه :) الفساد الوظيفي وعدم المبالاة منتشر هنا بشكل عجيب غريب يخلي الواحد يصيبه احباط:frown: طولي بالك وخذي نصيحة من مجرب اذا بغيتي شي اسعي له قبل يجي موعده بـ 6 شهور انا مجربtsh1 . . . سين سؤال/ وش معنى الكلمة هذي ( السمينار ) ترى انا مالي دخل ومعرفة بمجتمع طلاب الجامعة:) . . . وبعدين يا ليلى لا تعممين ان السكرتارية كلهم كذا >>> الاخ تراه معه دبلوم سكرتارية وما يرضى احد يعيب او يشوه سمعت مهنته اللي لسه ما توظف فيها:D |
رد : ’, درب الثرثرة ,’
هلا المجلجل نصيحتك في حالتي هذه ماتنفع:frown: لانهم مبلغيني بموعد الامتحان يوم الخميس ماقرروه الا يوم الثلاثاء فمايمدي استبق الاحداث بقفلوا الخط بوجهي وقتها:rolleyes: يرضيك ينقفل الخط بوجهي:rolleyes: لا, دامك مارديت شكلك راضي:rolleyes: ههههههههههههههههههههههه <<< وش تبي ذي:D والله من حر مافيني قمة انكت:D باسلوب / دوري حرش وحطي فيه حرتكtsh1 سمنار ياخيو مادري وش ترجمتها بس هي عبارة عن عرض مشروعي/ رسالتي في قسم البنات للدكتورات والطالبات:) طبعا هالسمينار يسبق مناقشة الرسالة فخمتوا..؟!tsh1 |
رد : ’, درب الثرثرة ,’
: : نفسي اكل حلى بالرغم اني اكره الحلى:frown: بس مدري شفيني ودي فيه:rolleyes: : : |
ها نحن ذا, على دروب كنزنا
الدوحة المتسعة / ليلى لا أخفيك.. تمرّ أوقاتٌ كثيرة, وأنا أحاول تدبير شيء لائق بالأصدقاء, وعندما أجد من يمتهن صناعة التنفس للآخرين, ويقدم لهم مكانًا واسعًا بحجم صوت فيروز ـ الذي أحبّه ـ, ويمتص كلّ أوجاعهم وأحزانهم ويخرجها بطريقة فيزياقلبية؛ لتتحول من الحالة الصلبة القاسية إلى الحالة الفرائحيّة التي تنتشي معها الأيام. أقول: عندما أجد من يفعل ذلك, أقدم الحسد "الأبيض" قبل الغبطة "البيضاء"!!, رغم محاولتي الشديدة في كبح جماح شيطاني!, هلاّ أخبرتني كيف للغة أن تعبّر إذا كان كلّ الذي في طاقتها :" رائعة وجميلة ومذهلة ومثيرة... وولاشيء يفي"؟! ذات حُلم عابر كأنّه ضحكة من أحب.. تخيلت نفسي أن لو كنت صاحب هذا الموضوع أو هذه الشُرفة المشرقة بالأصح, فأنّى لي براءة الكلمات, وجاذبية الطلعة وكاريزما الـ هههههههههه"؟ بحق ياليلى .. الموضوع أشبه بتذكرة سياحيّة للقمر,, فإن كثر السهارى, فلا تتأخري بحمل قلوبهم داخل متاع " الثرثرة", أمانة! * ومن ثرثرة أخرى.. لازلت في صدد موضوع جديد لا يكون داخل هذا المتصفح >>> مقرود:D برب. |
رد : ’, درب الثرثرة ,’
المطرفي / فوزي وش اسوي فيك..؟ ياخي ابعدني عن الحسد لاتلون فيه وتقول ابيض واسود والا حتى رمادي الحسد حسد,, والغبطة غبطة ,, تبي الموضوع هااااااااك يفداك بس فكني ترى حظي مايحتاج كمان انحسد وشعري ماعاد باقي فيه هههههههههههههه طبعا الجماعه اللي هنا, ماهم دارين وش سالفة الشعر:D انت بس اللي داري;) تصدق عاد يوم شفت ردك ما اكد لي انه انت الا فعل ماضي :) :) <<< غبية بس فعلا خيو كلامك مخجل, ويرفع المعنويات الله يسلمكtsh6 : : وش رايكم اكمل سالفه السكرتارية اليوم كان لي لقاء هاتفي معهم الله بس يسامحهم رجوني خلوني نسيت باقي الاسئلة لا عرفت متى الامتحان ولا وين |
رد : ’, درب الثرثرة ,’
جايه اقول لكم بس: أني مصدعة:frown: سلامtsh3 |
رد : ’, درب الثرثرة ,’
مرحبا :)
شلون الجميع ان شاء الله بخير:) . . . ليلى سلامات :) . . . مع السلامة:) |
الوقت المعتمد في المنتدى بتوقيت جرينتش +4.
الوقت الان » 14:30. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع