|
[ مساجلة شعرية .. بالنبطي ]
: السلام عليكم ورحمة الله وبركاته ولأنّي أفردت متصفح خاص للفصيح آثرت أن يحظى النبطي بذات الشيء فهو لا يبرح الذائقة .. وهناك من يشاركني ذات الشيء وربما يميل البعض للنبطي دون الفصيح إذاً هما متصفحان .. لهما ذات الشيء و لنا ذات المتعة نفس فكرة متصفح الفصيح الإختلاف فقط أنّ هُنـا نبطي مصيبه لاخذت لب اتزاني لحظتين شرود وجاوزت بخيالي واقْع العقّال واسواره وتخيلت المدى أبيض ولابه جاحد ومجحود ولابه خاين ولابه غريبٍ عن ثرى دياره انا ماقد لحقت اللي ابيه وحظي المطرود سرابٍ لاح لاشباهي وهي تروى مْن انهاره هيفاء التميميه أنهاره حرف الهاء : |
الريم : والف ثانيه ولا تكفي
|
شكراً الريم
|
رد : [ مساجلة شعرية .. بالنبطي ]
ياورد علمنـي وش العطـر نـاوي ...................أوتدري أسكت(يمكن أنساه وأفوق) وإن ما نبت بأطراف صوتي شكاوي ....................حاولت أسافر غيم وأعـوّد بـروق وش عاد لو كثرت علي البـلاوي؟؟ ......................لاصار مالي بالغلا عنـدك حقـوق عبدالمحسن بن سعيد الريم شكراً لـ قلبك .. ::heart:: |
من أصدق الشعر وأعذبه
|
رد : [ مساجلة شعرية .. بالنبطي ]
دامـك تبـى فرقـاي فالله يهنـيـك ارحـل مـع خـل تحبـة ويهـواك بيت الشعر يمكن .. :) لـ محمد الحراب .. ياليت لو احد يصحح لو كنت غلطانه ..tsh6 |
وشكراً أخرى لـ أجل هذهـ المساحة !
كنّ السهر دربٍ عليه بتجيني .. ولا ودي أقطع درب لاماك برقاد ! "البدر" |
رد : [ مساجلة شعرية .. بالنبطي ]
: لكُل من مرّ من هُنـا tsh6 و شُكراً بندر صالح نجدية الجازي ريمـا tsh6 دفنت الغرام بخافقي والقلوب أسرار .........مشاعر هقيت إن الليالي تضيعها غلاك بضميري واضحٍ ما عليه غبار ........تشيل الغلا نفسي وأنا عاجز امنعها يقولون ماودعّك : قلت الفراق وصار ..........والإنسان روحه تنسلب ما يودعها متعب التركي : |
رد : [ مساجلة شعرية .. بالنبطي ]
أبرك ضيوف الهوى !! وأغلـى مساييـره ريحانـةٍ تقطـف اللهفـه مـن أعماقـي ماهيب من قوم : (ابـو دقّـه وتسكيـره) من قـوم : (لاحاسبـت ماتاخـذ الباقـي) لهـا علـى الزيـن تهليـلـه وتكبـيـره أنعم مـن الـورده اللـي فـأوّل الساقـي مدغم ابو شيبه الياء يعطيك العافيه يالريم على هالموضوع الجميل جداا..tsh6 |
نافذة الجمال/ الريم
. خلّووها :) ياأخي.. مأْتشوف ظهـري.. ربمـا ....... تستهين.. بْهالمصايـب.. والمحـن شوفني.. ضيّعـت.. كلّـي ليـن ما ....... باقيٍ... غير احترامـي.. للبـدن لا وربي.. باقـيٍ صـدر.. احتمـا ....... بي.. من الحب الكبير..الممتهـن كلما يكْْبـر معـه.. طاغـي نمـا ....... وكّلما الطاغي نمـا.. شُـدّت يـداً وكلّما اشتـدت سـواعِـدُه.. رمـا ....... لين.. صـوّب كلّي.. بْصـدر الحـزن ماتشوف الضيق.. في روحـي سمـا ....... عن تجاعيـد الشفايـف.. والجفـن صرت انا ويـاه تقريبـاًً.. كمـا ....... أيّمـا خصميـن.. في حضـرة هُــدن ولا لي غير الله.. لو صـدري دمـا ....... ولا لي غير الله في دُنيـا الفتـن: ربي.. لاتجعل.. لي قلباً مُُجرمـا ....... وارضني باللي انكتب مهمـا يكـن * هيفاء خالد ( الكرز). tsh6 |
: عنود فوزي لكما الـ tsh6 وكُل الشُكر نضت حيلي مدارات العطش ياما تهد حيول تعبت استشرق الغفران واعصي طاعة اسيادي ! أبقتل مولدي وادري بـ اصير القاتل المقتول ولكني كسرت المستحيل ونقطة ابعادي على جسر الضياع المنتمي للخوف والمجهول افتش عن سطور الموت عن تاريخ ميلادي ولاأملك غير حبر لدفتر أشعار وقلم مشلول !! وعرفان الحنان : أمي وأبوي وطيبة ابلادي الحميدي الثقفي : |
رد : [ مساجلة شعرية .. بالنبطي ]
يامال العافيه يازين طعم العمر بك حــــــــــالي .. .. .. .. .. .. .. .. .. طلبتك لاتحد من الشعور القلب مشبـــــــــــوبي على كيفي بحبك بأي شكل بكل الأحــــــــــوالي .. .. .. .. .. .. .. .. أبسرف في غلاك وبستمر أعشقك بإســـــــلوبي بلملم لك شعوري وأنثره فالقاف ويـــــــــــــلالي .. .. .. .. .. .. .. .. .. وأبل أوراق شعري بالفلا ويطيب مشـــــــروبي أحس بخطوتك تعزف لحن فيروز مــــــــــوالي .. .. .. .. .. .. .. .. ..من ألحان الغلا لاهوب لا نجــــــوى ولا روبي وأحس بوقفتك لو أنت واقف فالــــــــخلا الخالي .. .. .. .. .. .. .. .. .. كأن المسك الأبيض من تحت خطوتك مسكوبي وكأن الورد يتفتح هنا لاجيت في بـــــــــــــــالي .. .. .. .. .. .. .. .. وأنا دوبي بأول خطوتين الحب يــــــــــــــادوبي بنت ابوهااااا |
رد : [ مساجلة شعرية .. بالنبطي ]
|
رد : [ مساجلة شعرية .. بالنبطي ]
|
: هو زرعي اللي خان ولا فصوله.؟ من دمي اسقيته واداريهِ لااقتـات لو انتظرت الغيث ولا هطوله أجدبت من ياسي وحاكيت الاموات أنا سعيت لشي مـ ابعد وصوله وانا رضيت وصار عندي قنـاعات * هيفاء التميمية : |
رد : [ مساجلة شعرية .. بالنبطي ]
تعبت أسافر في عروقي ومليت = من جلدي اللي لو عصيته غصبني ياما تجاوزت الجسد واستقليت = عن الألم .. لاشك جرحي غلبني أنا سجين الحال .. مهما تسليت = وانا الطليق وكل شيٍٍ قضبني حريتي لاعل .. يا كود ياليت = اما شفت حيٍٍ جاد لي ماسلبني وليت يا ليل التباريح وليت = اما محاني الحزن والاكتبني كل السما في دفتري وان تجليت = مثل الشموس .. غبار قبري حجبني لي صاحب وان ما تخلى تخليت = لا بد ما نهدم .. ولا بد نبني البدر عبد المحسن الريم شكراً لاتفيك منوره بتواجدك ومواضيعك .tsh6 |
رد : [ مساجلة شعرية .. بالنبطي ]
/ \ / ياما عليك النفس يازين شالت هم ٍ لجى في خاطري ماله حدود معك الليالي يوم صديت مالت صارت عقب فرقاك أيامنا سود رغم الظروف اللي عن القرب حالت يازين "أحبك" والأمل فيك مفقود الشاعر : نسيت :frown: ولاعدمناااك يالريــــــــم ::heart:: |
رد : [ مساجلة شعرية .. بالنبطي ]
|
رد : [ مساجلة شعرية .. بالنبطي ]
يااااااابعد عذر الفراق اللي قبل فرقا الخطيّه ...................... يابعد ذنب الزمان .. اللي قبل عذر الخيانه ليلة وداعك .. على كثر الحروف الأبجديّـه ...................... مـالقى من ودّعك حـرفين ينطقها لـسانه ليلةٍ فيها انت ماكنت انت ... هي ماهيب هيه ...................... ليلةٍ يكرم بـها من حـبها قـبل امـتحانه قلت لي : بنساك.. قلت : " الله يهنيك وهنيه ...................... واحـدن خـلاك مـن رباك تنساني عشانه " ! .. قلت لي : " قلبك لا ينسى " قلت : " ليت القلب فيه " ...................... دوره واليا لـقـيـتـه وصّـه ورده مكانه وصك نفسك ولا انا مانيب في حاجة وصـيّه ...................... واعتبر فرقاك امانة .. والله الله في الامانة !! .. - رشيد الدهام - |
رد : [ مساجلة شعرية .. بالنبطي ]
/ \ ( هابي فلنتاين ) .. وتراخت على يـدّ ما تعرف من ( الحبّ ) غير التباهـي وأنا بركن ( المطعم ) اتأمل اش قـدّ هذا المسا حالم .. وهالجـوّ راهـي لي عام .. ما مرّ الفرح لي على حـدّ لا نظرةٍ نجلا .. ولا طـرف ساهـي ولي عمر .. أدوّر لي بهالناس عن مدّ يجتاح بـي كـل الطـرق والمقاهـي ولا من جلسنا بآخر ( الزاويه ) مـدّ سحابةٍ ( بيضا ) .. وقنديـل زاهـي المتألق شعرا ً : سليمان السناني |
رد : [ مساجلة شعرية .. بالنبطي ]
يا سـيّد الناس .. كلٍّ لابس ٍ بـزّهـ :: صـعـبٍ نفـرّق ما بين الخبل والصاحي ! كم واحدٍ مـرّ وقال عيـوني تخـزّهـ :: هو ما درى إني عمى عن قاصر أشباحي ؟! أنـا عيـوني تـتـلّ النجم وتكـزّهـ :: عـن حـاركـ الفلكـ هذي عادة رماحي ! "البدر" |
: والشُكر موصول لكم على جمال الحضور والإضافات tsh6 متعب الخامسي نورة السبيعي ثامر الشعيفان tsh6 ومرّه أخرى .. ومراراً وتكراراً عنود الصيد صالح العبدالكريم بنـدر ريما محمد شُكراً لكم tsh6 يا زين .. للعاشقين ذنوب كثير واللي يحب يغفر بالحيل .. طول الزعل عذروب إلى متى الكسر ما يجبر بـ . بن عبدالمحسن : : |
رد : [ مساجلة شعرية .. بالنبطي ]
|
: هذي سواة اللي عن النوم قزاه ........ طيف الحبيب اللي على خاطره عن خالد الفيصل : |
|
: ياكثر ماشال قلبي شيء اكبر من حموله ولاعفيتي عن غلاه ولابخلك بالوهايب كنه ارحم من همال المزن للزهر بذبوله وانتي اقسى من سموم القيض وكفوف اللهايب حامد زيد : |
رد : [ مساجلة شعرية .. بالنبطي ]
بــالله ياهـل الــفــكــر والــعــقـل والـــديــن .................وش رايــــكــم بــالــي يـفــجــر بــروحــه ويـفـــجــر مـن الـنـاس نـاس مـصـــلــيــن ...............وبـلاســبــب كــم قــلــب يــدمــي جـروحــه واشــعـل فـتـيـل الـفـتـنه بـفـعـلـه الـشـيــن .............تـكـفـيـر مـسـلـم والـــقــتـل هـو طـمـوحــه وفـي فـكــره الـمـعـتـوه تكسر مـوازيــن ..................خـالـف صـويـب الــراي وامــه تـنــوحــه وابـــوه رد الـي يـجـــــونـه مــعــزيــن ..............قــال العــفــو والمــعـــذره والــسـمـوحــه ماخـذ عـزى مـن يـهـتـدي بالشـياطــيـن ................وتـارك طــريق الــحــق ومغـفـل وضـوحــه نمر العتيبي شكرا لبياضك الريم ::heart:: |
رد : [ مساجلة شعرية .. بالنبطي ]
|
: حيااااااك يـا نـورة tsh6 يا لابس الغيم دام العين ممطوره ........لاتترك البرق في صدري من عتابك ناصر المطيري : |
رد : [ مساجلة شعرية .. بالنبطي ]
|
: ما عاد تفرق هي لنا أو علينا ...... البعد موجع وأكثر القرب ذبّاح ! ناصر المطيري : |
رد : [ مساجلة شعرية .. بالنبطي ]
|
: هذاك لا منه زعل قمـت أهاديـه حتى وهو مخطي تعـذرت دونـه يمكن لو أنه يلمس الجرح بيديـه يستغرب ان اللي لمسهـا طعونـه متعب التركي : |
رد : [ مساجلة شعرية .. بالنبطي ]
هنيك ياحبيبي ماتعرف الغلا ......... لوعة الحب ماجربت نيرانها ماتذوقت طعم المر عقب الحلا ....... مثل ناس ٍ تموت وتخفي أحزانها برضو نسيت اسم الشاعر :) tsh6 |
: انا .. انا .. لولاي انا من تكونين اقولها وانا نعم .. فيك مغرور انا جعلتك نور وانتي .. من الطين جرة قلم .. وامحيك من عالم النور فـ . عافت : |
رد : [ مساجلة شعرية .. بالنبطي ]
|
رد : [ مساجلة شعرية .. بالنبطي ]
ياصقر و اهنيك لك جنـاح تطيـر= لى طرى لك نزعت وطرت يم الهوا بين قلبي وبينك فـرق والله كبيـر = لى كفخت انطلقت ولى كفخت التوى انت حايم وانا بالقاع دوبـي اسيـر = في صحاري زماني ذيب ليلي عوى فوق جوك سحاب وحدر جوي هجير = القدم فوق رمضا والخفـوق التـوى |
رد : [ مساجلة شعرية .. بالنبطي ]
/ \ المنكسر شي ماتقدر على جبره ..... مهما تحاول وعذرك ما يواسيني لاعاد تنشد وش الحيله وش الدبره ..... "خسرتني " والأكيد إنك بتبكيني أبني بجفواك جسر فراق وأعبره ..... ماهمني لو وراي الكون يدعيني " مثلي اليا صد ما رده سوى قبره .... طبع ٍ لابوي الكريم وطبع جدّيني " " مسعود اليامي " |
رد : [ مساجلة شعرية .. بالنبطي ]
: يقولون الشعر وصل القلم والصفحه الطرقى وانا اقول الشعر قدح الخيال ونار صوانه حبيبي والبحر سور التراب ودفتر الغرقى لو اني ماكتبتك لامني ملحه ومرجانه نـ . صقر : |
رد : [ مساجلة شعرية .. بالنبطي ]
|
| الوقت المعتمد في المنتدى بتوقيت جرينتش +4.
الوقت الان » 05:21. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع