((((((( رساله لآنسان عزيز على قلبي ))))))))
آسف اخواني الأعزاء على التأخير وعدم الكتابه الفتره الماضيه
اتمنا ان تنال القصيده استحسانكم ورظاكم جميع والعذر والسموحه منكم .. ********************************************** يامنيف وان كلمت وصل سلامي &&& وصل سلامي لابن عمي ابو سعود هذاك له عندي محل ومقامي &&& مشكاي لامن الأمل صار محدود وبعد التحيه بلغه باحترامي&&& وقله ترى (..) من الوقت مظهود واني من الأيام ترجف عظامي &&& والقلب موجودٍ ولاهوب موجود اسهر وعيني ماتذوق المنامي &&& لاصارو العالم مهاجيع وارقود اقلب الأفكار مدري علامي &&& والبال يسرح فالهواجيس ويعود ماعادابه احدٍ يشد الحزامي &&&والحظ اظنه يابن الأجواد مفقود خل الأسامي وش تفيد الأسامي&&& لا صارت الدعوه اقاويل ووعود وانا من اطباعي قليل الكلامي &&& لا شايفٍ نفسي ولا نيب مقرود والله يالولا مكثرين الملامي &&& أني لا خلي دار حاسد ومحسود تقبلو تحيات أخوكم ............. |
هوى بلادي
هلا والله وغلا من طوّل الغيبات جاب الغنايم تونا اليوم نسأل عنك، الحمد لله على السلامه صح لسانك صح لسانك صح لساااااااااااااانك |
<font color="Navy">هلاوالله هوى بلادي الحمدلله على السلامه وصح لسانك على هذه الرائعه
خل الأسامي وش تفيد الأسامي&&& لا صارت الدعوه اقاويل ووعود الله يعطيك العافيه ونورت المنتدى برجوعك وتسلم يمينك وتمنياتي لك بالتوفيق أخــوك :</font> <font color="Maroon">أحمـــــ آل حــــــــارث ــــــــد .</font> |
اخوي : هوى بلادي
السلام عليكم ياحيا الله عودة ها لوجه ونباه انت ويش لونك يابعدي عز الله انك وحشتنا خالص تعود لنا بروعتك المعتادة وصح لسانك ويامرحبا بك نراحيب المطر وتحذيقة خاصة : لوهي على الكيف دايم كان ما فانت ** دنيا بنادم لاكن الوقت متحادي تلين للي يجاهدها ولا لانت ** قفت ولفت ودور زملها الغادي صح الكلام ياهوى بلادي قل صح إقبل ما لك في قلبي من إشتياق وورد وديدحان وقحويان ونفل وزباد وخنه وخزاما ويهق وحرف رف وشمطري وفنون حتى القطف لك في قلبي له زهور يعني لك في قلبي بختصار :D بعد هاذا كله ويختصر <<<<< دكان عطار بس مافيه غير الورود يعني مافيه :- كراعين النمله , ودمعة الديك الغريب , ونخاع الدينصور , وشاكلة الحرباء ,ومخ الجربوع المنتحر , ونون عين الحصني , والزي منه تحياتي إقبلها وخلها تمشي الدنيا بمجراها والسلام |
هوى بلادي
بيض الله وجهك وصح لسانك كفيت ووفيت . تقبل تحياتي ,,,,,, أخوك / عبدالله مران (1)- http://www.eqla3.com/cgi-bin/sh3r/ul...c&f=5&t=000753 |
واني من الأيام ترجف عظامي &&& والقلب موجودٍ ولاهوب موجود
هوى بلادي هبّت نسائمك فسكنت المشاعر صح الله لسانك ومن طوّل الغيبات .... شرفني برأيك في مفاتيح الفصول |
<font size="6"><font color="#0000FF">أخوي/ هوى بـــــــــلادي
خل الأسامي وش تفيد الأسامي&&& لا صارت الدعوه اقاويل ووعود أتحفت المنتدى بهذه العوده الرااائعه سألنا عليك فأجبت لنا بيض الله وجهك ولولا معزتك وغلاك والشوق لقراءة ماتكتب لما سألنا عليك فأنت من الشعراء الذين إذا غابوا إفتقدناهم تمنياتي لك بالتوفيـــــــــق وصح لسـاااااااااانك</font></font> |
<MARQUEE>هوى بلادي</MARQUEE>
<MARQUEE>تنثر الابداع اينما كنت</MARQUEE> <MARQUEE>صح لسانك مليوووون ولا يكفوووون :)</MARQUEE> |
وانا من اطباعي قليل الكلامي
لا شايفٍ نفسي ولا نيب مقرود والله يالولا مكثرين الملامي أني لا خلي دار حاسد ومحسود هوى بلادي قصيدة اكثر من رائعة صح لسانك وسلمت يداك لاهنت اخوك داهم العصيمي |
الله الله الله ........
صح لسانك وتسلـــــم؛؛؛؛؛؛؛؛ أخوك الدكتـــور :cool: :cool: :cool: . |
اخوي جاهم
حياك الله ياجاهم والمهلي مايولي اسعدني ونا اخوك مرورك وشرح صدري والله يعطيك ألف عافيه وصح بدنك تقبل تحيات اخوك |
اخو المدار (احمد )
ياهلا فيك ياحمد والله يسلمك ويسعد أيامك اسعدني مرورك ومرحبابك والمنتدى ونا اخوك منور بالجميع تقبل تحيات اخوك |
[اخوي وحبيب قلبي العزيز الغالي ابو مهنا
مرحبا وألف مرحبا بالغالي ياخوي اولا العذر والسموحه على التاخير والله ياخوك أني مقصر واجد واجد في الرد على الآخوان وكل واحد له حقٍ على أني ارد عليه لكن اخوك يتعيجز يشغل الجهاز على شان الجهاز مديل قديم ماهو سريع الله يكون فالعون ونا اخوك .. المهم انت وش اخبارك بس تراني الليا شفت مشاركتك وقصيدتك كني أنا اللي قايلها :p كلامك اللي قلته صح وصحين بعد اقبل مني هالتحذيقه ///// اعديتني يابو مهنا دنياً تخلي ثقيل العقل يختفي *** اللياصار يفهم بنقص الوقت من زوده احدنٍ تهفه مع الحزم النحا هفي *** واحدٍ تسهله المخراج والعوده وش رايك في هالكلام مهوب صح اخوي هالين انت كيف عرفت هالأسامي كلها كنك ماخذك دوره عند عطار ( وسع صدرك ياخوك ) :D كراعين النمله , ودمعة الديك الغريب , ونخاع الدينصور , وشاكلة الحرباء ,ومخ الجربوع المنتحر , ونون عين الحصني , والزي منه هههههههههههههههههههههه اجل مخ الجربوع المنتحر :D :D :D .......... :D :D :D تقبل تحيات اخوك |
اخوي عبدالله بن مران
الله يحيك وتسلم ونا اخوك وصح بدنك تقبل تحيات أخوك |
اخوي محمد البريكي
يامرحبا بالبريكي والله تسلم على هاالأطراء الجميل ولاهو مستغرب ابشر ونا اخوك تقبل تحيات اخوك |
اخوي العزيز ذيب الغداري
يامرحبابك والله اسعدني مرورك يالذيب والعذر والسموحه على الغيبه والله يجعلك ماتفقد غالي وتقبل تحيات أخوك |
اخي العزيز هوى بلادي السلام عليكم
صح لسانك ابيات جميلة ومعانات كبيرة وشاعريه بحجم الحدث وحكمة تفيض من خلال تلك الأبيات كل الإعجاب خل الأسامي وش تفيد الأسامي&&& لا صارت الدعوه اقاويل ووعود وانا من اطباعي قليل الكلامي &&& لا شايفٍ نفسي ولا نيب مقرود ياسلام على عليك اخوي قليل الكلام واذا تكلمت كتبت الدرر لا فض فوك تحياتي وتقديري لشخصك الكريم اخوك ابونوت0 |
اخوي العزيز ســـــــــــــــــــــــــــــــــــــــر
مرحباً ألف يالغالي والله الليابغيت الصدق الأبداع مايرسمه ألا انت وامثالك أي والله سعدني مرورك ولاهو مستغرب عليك وانت فعلاً سر واجمل الأسراررررررررررررررررررررررر بعد تقبل تحيات أخوك |
اخوي خوي داهم العصيمي
الله يحيك ياداهم ومرحبابك وصح بدنك ومشكور على هالزياره تقبل تحيات اخوك |
اخوي العزيز الدكتور
يامرحبابك يالدكتور والله يحييك ومشكور على على الزياره :D :D :p |
خل الأسامي وش تفيد الأسامي&&& لا صارت الدعوه اقاويل ووعود
|
<font color="Blue">اخوي هوى بلادي
ياخوك والله مقدرين ومعذرين لاكن مانا بمستانسين ببعدك الحقيقة عسى الله يسر الأمور ياخوي وحبيبي القديم هوى بلادي تنشد عن الحال وانا بخير وتقول حضوري يسد وهذا لا مايسد لاكن الي يلمض تحت السؤال ويش يريد ياولد يامياح غدي له حاجة ماعرفناها وصح الكلام صح صح صح ويازينها من تحذيقة:- وصح الكلام صح وخذ تحذيقة :- زمانن سعى باللي حدر لين حطه فوق ** ترقع له النعمة قسى الوقت وشقوقه ليا جاك ولد الأش في منصب(ن) مرموق** يعده حكم والحاكم الله من فوقه ضعيف بخيل لاش كف ولا منطوق ** تحكم به الحرمه مع السوق وتسوقه وصح الكلام قل صح تحياتي بجميع عطور ماسبق ذكره جتك وتقبلها وعسى السعد فال وجهك يالغالي </font> |
اخوي الجوري
حياك وياهلا فيك مرورك اسعدني شاكر لك تقبل تحيات اخوك |
اخوي ابو مهــــــــــــــــــــــــــــــــــــــــــــــــ ـــــــــــنا
حبيب القلب القديم الجديد والحاظر الغايب والله ياخوك ان طلاتك وتحذيقاتك اتوسع الصدر وانت ابخص ,,,,,,,, اما اللي يتلمض :p والله اني مابغيته مير من العجله حطيته ابي اللي يكركر :D وطحت فيه والعذر والسموحه من اخوك اما تحذيقتك صح صح صح صح صح ........ ملاحظه:::::::: اعذرني يمكن اتأخر عن الطله مره ثانيه بسبب السفر العذر والسموحه ياخوك وانشالله اذا رجعت يكون فيه جديد الله يسعد اوقاتك ويطول في عمرك تقبل تحيات اخوك :D :D :D |
<font size="5">اخوي العزيز ابو نوت</font>
<font color="Red"> العذر والسموحه يابو نوت نسيت ارد عليك وعلى طلتك يالغالي وانا ظنيت أني رادٍ عليك ,,, والله وانا اخوك أني من كثر مارديت في وقت واحد احسبني راد مادريت ألا يوم رجعت اليوم على القصيده وعلى ردود الأخوان اتمنا من مشرفنا العزيز انه يقبل عذري ولا يواخذني بعد </font> وحياك الله يابو نوت وزيارتك وطلتك واطلاعك على اللي نكتبه يسعدني ويثلج صدري وتقبل تحيات أخوك |
هوىىى بلادي
ياهلا فيك :) وصح لسانك يابعدي وقصيده جزله من راس جزل لاعدمته لك تحياتي وتقديري سيف السيف :) |
الحمدلله على السلامه مع اني ما ادري انك رايح لشي لكن يقولون من طول الغيبه جاب الغنايم وانت جبت القصايد
|
الوقت المعتمد في المنتدى بتوقيت جرينتش +4.
الوقت الان » 07:23. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع