للجرح بقيه
لك اعترف من باب الانصاف ياهم انا اشهد انك .. من سلاله اصيله ماشفت من طبيت صدري ولك كم ما هان عندك تترك الصدر ليله؟؟ |
رد : للجرح بقيه
كمل على قلب ٍ طعنتـه . . بـيـمناك كمل ترى نزعات الاشـواق ،، ادت ادت الي الموت الحمر وانت وش جاك سـحابـة ٍ مـرت عليك . . ووتــعـــدت |
رد : للجرح بقيه
خذني عن الهم خذ قلبي من احزاني خذني .. ومابي بهالكلمه تواخذني كن الشقا ) خالقه ربي على شاني خذني قبل لايجي يومي .. وياخذني |
رد : للجرح بقيه
شعبيات وعــشــق لآيــنـتـهـي |
رد : للجرح بقيه
ليتك اخذت اللي بقى مـن بقاياك ليتك رحلت .. ولا بقى لك بقايا ياللي عيوني ماتـشاهـد خطـايـاك حتى عيوبك . . شايـفـتها مزايـا ! قلي..اليا مرت على البال ذكراك وش راح اسوي مع سجين الحنايا لامن نشدني خافقي وين دنياك؟ الآفـق : تصبح في عيوني ،، زوايا لو كان لي قدره على اني انساك ما سقت لك اثمن سنيني ضحايا |
رد : للجرح بقيه
احتاج لك مثل الفرج ساعة الضيق ومثل الفرح .. لامن تكدر مزاجك ومابين .. والله العظيم .. المخاليق اللي يعوض هالخفوق .. احتياجك |
رد : للجرح بقيه
الفرق بيني وبينك .. شي هـو شـي واحـد .. ومـاغيره اني ليا غبت عنك ، شـوي قـامت تصافق بـي الحـيره يا ميت القلب قلبي حي ما يوم ما جاب لك سيره |
رد : للجرح بقيه
اكذب عليك ان قلت لك عفت مابيك مـا قـلـتـها .. ما بـيـن نـفـسي .. وبـيـني يـاشـيخ انـا لاجـابت الناس .. طـاريـك تـطــيـح والله حـاجـتي .. مـن يـديــني ،، |
رد : للجرح بقيه
رغم الشقا ياصاحبي مازلت انا مثل النخيل الشامخات .. اللي تموت .. وما تنزل راسها |
رد : للجرح بقيه
ياخافقي صرت اكرهك بعض الاحيان عـواقب اخــلاصك . . عليـه وخيمـه اكبر ذنوبك للاسف .. انك انسان في وقت .. ما يعطي للانسان قيمه |
رد : للجرح بقيه
بالشعر .. يوم اقحمتم العنصريات عندي عن افكار التخلف .. مناعه ماعرف تصنيف الفرق والجماعات اللي اعرف اني لحالي .. ج م ا ع ه |
رد : للجرح بقيه
الرياض اللي على خبرك وسيعه في غيابك .. كنها متر بــ متر اجمل سنين العمر مرت سريعه يالله اني طالبن منك .. الستر |
رد : للجرح بقيه
كثير شفت .. وكن ماشفت غيرك وكن الذي قبلك .. مجرد تفاهات مع ان ما جربت .. شرك ، وخيرك لكن احس انك عوض كل ما فات |
رد : للجرح بقيه
ما طعنت الا خـفـوق ٍ .. ما عطاك الا الولاء واحتضنت اخر جروحك .. لانها اخر هديه بس انا . مالوم قلبي لو عشق .. هالانطواء عاد من يقنع خفوقي بعدك ان الناس حيه؟ وانت مالك ذنب لا والله معاي الذنب جاء جيتك وذنبي معاي بصحبتي .. ضمن المعيه يوم جيتك جاء معاي بصحبتي صدق ونقاء لكن الموت الحمر . . اقفيت مطموس الهـويه كنت حلم ، وحلم يسوى .. بس لله البقاء ولابقى .. بعـدك ، اهميـه ، لتحقيق ، البقيـه ولاتحسب الجرح منك هزني بالحيل ...لا كــــــل مــاهــــــونـالـك انــــــــــــــــــــــــــــــــــــــــــــــه ( ضيق الدنيا عليه ) |
رد : للجرح بقيه
حدك مدام السالفه مست الساس ملعون ابو قلبي .. اذا جاب راسي انا تحملتك ..على جـرح الاحـساس اما الكــرامه .. جرحهاا حـيل قاسي |
رد : للجرح بقيه
ما تذكر اني قلت لك اخشى يجي يوم نتفارق حتى بلحظتها ضحكت وقلت لايمكن تصير صارت .. وياليتك تجي لحظه وانا بالهم غارق من شان ارد اقول لك تصير ، لامات الضمير |
رد : للجرح بقيه
ما تشين الا تزين وما تضيق الا وتفرج العباد تصك باب ويفتح الله الف باب |
رد : للجرح بقيه
مـن عـاش بـالـدنـيا .. تعلمـه الايـام الوقت يعطي والتجارب .. قناعه ماهو بشرط ان الشجاعه بالإقدام الخوف في بعض المواقف ، شجاعه |
الوسيعه في عيونه تضيق رحابها
نعلم الظاهـر ، ولا نعلم اللـي بالصدور النـوايـا ، الخـافيات ، العليم ، ادرابـها من تلمس في يدينه وش اللي بالجحور لا يـلــوم الـلــي بكـفــه . . تـغــرز انـيابـها |
غلطه لهالحينه وانا ادفع ثمنها
لــولا . . طـهـارة نــيــتي . . مــاتـألمـت هي غلطتي .. ولاانت مسؤول عنها ياصاحبي ماعندي ابلغ من الصمت بـيض النوايـا يـررحم اللـه . . زمنهاا |
ليت واقعنا مثل وصف الصحافه
ينبي الحاضر .. بمستقبل مخيف القيم بالمجتمع صارت .. خرافه التنافس صار ، بالعقل الخفيف والفخـر .. للي يبرهن .. انحرافه لا عجب بالمركز الثاني سخيف طالما الاول .. لمن اكثر سخافه |
رد : للجرح بقيه
لو شافت عيونك من الهجر ماشفت مبطي عيوني اقلعت .. عن سهــرهـا |
رد : للجرح بقيه
مـاكنت قـدام الخيارات . . محتار كـل الخيارات .. المتاحـه . . لعينه القلب حبك وانت صدتك الاقدار وانا ، ضحيه رحت . . بينك وبينه |
رد : للجرح بقيه
وش ذنب قلبي يوم حبك قمت تتغلاعليه يكون في علمك . ترا عقلي لهالحينة معي الحر .. ممكن تملكينه .. بس لاتستعبديه استعبديلك واحدٍ يشبه "ذوات الاربعي" |
رد : للجرح بقيه
انت قربك امان .. وانت اكبر خطر ان تولعت فيك ، اخاف عني تتوب مثل من تنقذه ، قطعة جليد فـ ـبحر فوقها ينتظر في اي لحظه .. تذوب خل عنك المعنى .. للشقاء والسهر العنا فيه .. تخفيف ٍ لبعض الذنوب |
رد : للجرح بقيه
اعــز خـلق اللــه . . تحضـنـهــم الـقـاع وعن وصلهم من يوم مالارض حالت مـا عـاد بــه هـم ٍ . . يـخـليـني الـتـاع وش عاد لو صكات بقعا .. توالت |
رد : للجرح بقيه
ضحكٍ تشوفه لايغرك صناعي الويل خلف الضحكه المسفهله تقدر تقول انه : مجرد مساعي في وجه سـاعات الشتاء الممله |
رد : للجرح بقيه
السعيد: اللي مسح دمعة يتيم والشقي .. اللي تسبب وسفكه واللي اسوء حال من حال العقيم من وهب له خلفه .. بدون بركه |
رد : للجرح بقيه
تدرين يادار الفخر .. منهو يـبي عـزك يـدوم ؟؟ اللي ليا شاف الخطاء .. يـستـنـكـره .. ويـعــيـبـه واللي عليك اكثر خطر حتى واشد من الخصوم من يـمـتـدح ثوب الردى .. ويــبـخره .. ويـطيــبــه ياللي لحـل المعضله .. وصلت لحـدود النجــوم تـرى العلوم .. اللي تحـل المعضلات .. قـريـبــه علم ٍ يـحـل المعضلـه .. قـدامـه الصعب مـهــزوم ويـعـمـــر .. الـمـتـهالـكــه .. ويـربي .. الـمـتـسيــبــه علم ٍ نـثـره المصطفى .. اخـيـر مــن كـل العلوم ماهوب خافي .. انما .. عـنــه العـقــول مـغــيــبـــه هذا الوكاد.. ولو لحقني من بعض ماقلت لوم وعلي .. لو بعض النفوس اتصير ماهي طيـبه سيان .. ماعودتها مبطي على حب الخشوم من هاب كلمة حق .. ياعـل الكريم يـخـيـبــه |
"مانرتقي بالتعارف عند ربي رتب"
والعشره اللي من المفروض صعب تخرب مـاهي بصعبـه .. مـادام النيـه .. مبـيـتـه ماراح يصعب على البايع يلاقي سبب يزعل على صاحبـه مـن لـون "طاقيتـه" وانا بعيني عزيز النفس .. يسوى عرب افـعـالـــه الطـيــبـــه .. مقياس شخصيــتـــه وردي الافعال .. لو كانه مردد نسب عــنـدي لـك الله .. فــلا زادت اهمـيـتــــه واللي يحسب الرجوله ..ترتبط بالشنب هـذا على ( صاحبه ) غطت حموريــتــه |
رد : للجرح بقيه
على بلاطه .. تبـيـن العلم ياغزه ؟؟ يمكن تساعدك اهل الكفر والمنكر قولي لــلاطـفال .. لاتـعـجـبــهـم الــرزه ترى العرب حدها تشجب وتستنكر الـواقــع المــر .. لـكـن .. لله العـزه هذا هو الواقع ودجال .. من انكر |
مع الاسف كانت مجرد ثواره
وش فادكم تدمير برج التجاره ؟؟ حققتو الفرصه .. لمن كان محتاج ماهي خساره ، والله اكبر خساره مليون مسلم راح .. مقابل ابراج |
رد : للجرح بقيه
مات الامل في صدر الاشواق مخنوق ضيقتها .. ضاقت عليك الـوسيـعـــه ماهو خطاك انك تحـدرت من فـوق خطاي انا .. رفعـت نـاس ٍ وضيـعــه |
رد : للجرح بقيه
رساله لاصحاب :chainsaw: الهياط الهياط بهالزمن .. وصل لأصعب حاله :139: خف ياللي ، وصفك لنفسك بحاجة ليزر لو ابرمج ، ماتقوله .. وادخله ، في آله واضغط انتر ، راح تطبع صورة قرينديزر:grins: |
رد : للجرح بقيه
(بعض الحروف اسيوف تذبح بلا حد) وجــروحــهـا .. مـاهي جــروح ٍ طـفيـفــه كانك على قولك على البعد منحد ارحل .. وصفحة ذكرياتك .. نظيفه |
رد : للجرح بقيه
لاشفتها ازعل على الرمش لارف احس هالفـرصه عليه .. حرقهاا واللـــه فلا لي بالهوى بعدها شف وبنات حواء كـن ماللـه .. خلقها |
.... لو تحسفت ....
واذكر غلاك اللي على قتله اشرفت اليا دارت وجيه التصنع .. ظهــرهاا لو شافت عيونك من الهجر ماشفت مبطي عيوني اقلعت .. عـن سهــرهـا |
رد : للجرح بقيه
اتـرك الغـيره .. تـرى مـالك شـريـك اصطبح ، واسمع ، وعد ، ولاتدقق في غـلاك الـلي سبـقـني .. والديك كان حلمك خافقي : حلمك تحقق |
رد : للجرح بقيه
ماتشيل الراسيات .. الرحل المتجوله الخفيف بس لاهبت عليه الريح راح ادر ياللي يعجبك لا قيل راع الاوله ان راع الاوله وحده .. بلال ابن رباح |
رد : للجرح بقيه
اللي تربى .. من مربي .. مثالي فيه الخصال الطيبة امر مألوف والا الضعوف .. بحاجة ٍ للتعالي لانهم اصلاً من الداخل ضعوف |
الوقت المعتمد في المنتدى بتوقيت جرينتش +4.
الوقت الان » 17:52. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع