|
لـحـظـة..!!..إحـسـاس
النوم ماوقّـع بعين الـمضاجع .............لاخطت جرحٍ جا وقضّه خويّه ماعاد فـيني للـمواجع مواجع ............ولاعاد باقي باللـيـالي بقـيّه الوقت يمضي والدقايق فواجع ...........والناس ترزع بالخطـيّه خطيّه |
رد : لـحـظـة..!!..إحـسـاس
تنزف ليالينا أرق وننزف ليالينا القلب بالدرب احترق يبكي خطاوينا احساس يملاه الضياع خطوه في نصف العمر تغنيك عن أول عمر تنسيك وش باقي عمر وتموت في لحظة وداع وآآه آآآه منك يالوداع ليه تقسا وتسكن الصدر الحنون لين ينسا غايته ومنهو يكون ياضحكة سنين الحزن يادمعة أيّام الفرح قلبي انجرح وماعاد ياسعه المدى والامل قوته ظنون والضي لو زوله بدا قبره برمش العيون واسرح بقلبٍ انجرح يومه سرح أشعل الذكرى جمر واحرق إحساسه دخون |
رد : لـحـظـة..!!..إحـسـاس
الصــمــت رحمـه والكلمـه انشقاق
والعقل نعمه تاليها جنون |
رد : لـحـظـة..!!..إحـسـاس
تسأليني : وين انت ..؟!
وين ودّتك الخطاوي ! وين كنت...؟ تسأليني ومن عيونك تنطق الدمعه جواب ملحها جروح حضنته يوم يحضنّي العذاب وراجعه هالحين يمّي..! تسأليني : وين كنت.. ظنّي انّي بزفرة انفاس السنين .. بآخر دروب الحنين .. بوقت نبضاته بشر من بعد ماكان وقتي كله انت ...!!! قبل تقسي وانتي لو أدماك جرحي ماحصل في يوم لنت...! قبل تنسي ويختلط حزني وفرحي واتسائل باقي قدري مثل أوّل أو نقص قدري وهنت...! تذكرين يوم قلتي بترحلين .. والسما فوقي شهقت والارض من تحتي تلين .. ويوم ابعدتي سألتي : تاقف الدنيا لعندي ..؟ إلتفت بكل هدوء وقلت لك : ماتاقف الدنيا لبنت ...! السؤال أحيان يقتل صاحبه وهذا انتي راجعه تسأليني وين انت ..! صدقيني انا نفسي كل ماحطيت نفسي في مكان فجأه أنسى وين كنت ......!! |
رد : لـحـظـة..!!..إحـسـاس
مـ ابتديت و مـ انتهيت شفني حي شفني ميت وش خذيت من الزمن قلّي اشـ خذيت غير خطوات العنا والجروح وكم بيت |
رد : لـحـظـة..!!..إحـسـاس
مديت كفّك بالشقا يوم مدّيت ................كفّي سموحه وصافحتني ملامه إلى متى تنفيني لصبر ياليت ................أرجي بعد غبرا سنينك غمامه |
رد : لـحـظـة..!!..إحـسـاس
النـفـس طـابت من غـثا الوقـت ياسعــود ...........................والأرض ضـاقـت يارفـيقي عـليّه أهــل الــزمـن مابـيـن نــكــران وجــحــود ...........................جـزا الـعـطـا جـرحٍ تشيله يـديـّه يـخــذلـك يــاوقــتٍ بـه الـطـيب مــفــقـود ...........................صـار الوصـل جـرح وصـدود وأذيّه يـمــوت حـيـلـي وانـثر الـمــسك والـعـود ...........................وأقـــول مـاكـل الـهـقـاوي رديــّه ياسعود وش بـاقي من انفاس هالـعـود ...........................الـلـي ربى بيـن الضلوع الوفيّه ان زاد طــيــبـه زادت أيــامــه الـــســـود ...........................وإن قـل نـبضـه فارقته المـنـيـّـه لو تقضي عمرك وانت باحساسك تجود ...........................تبقا مابين الجـرح واول خـطـيّه . . . . . |
رد : لـحـظـة..!!..إحـسـاس
تقبل عليّ الشمس واحيا بالآمال واقـول ياقـلبي تناسا ونيني خلّه يخيط النور جرحك وينزال كلّ الـظلام اللي تشوفه يديني العـمر مرّه ودام للنبض آجال إلحق سنينك قبل تغرب سنيني |
رد : لـحـظـة..!!..إحـسـاس
دايم وعينك تلتـقـي بالـسحايب
...................ماتنزل إلاّ من حـيا في خـفوقــك دامك تـبي عـلمٍ يـرد الطلايب ...................يوم انّ برّك ينعتونه بـْـ ./.عقوقك والله لو تعطي غـيوم وهـبايب ...................ماتـاخذ من الناس أبـسط حـقوقك |
رد : لـحـظـة..!!..إحـسـاس
ماعاد باقي من الغلا غـير ضلعين
......................................ضلع ٍ يبي شوفك وضلع ٍ عصاني قـلـّي متى أفرح وتفرح بك العين .....................................وتـسوق أرضك لين تمسي مكاني إسنين أنطـر في معالـيقي سنين ....................................أقـول يمكـن ما يـقصّـر زماني |
رد : لـحـظـة..!!..إحـسـاس
مالوم عينك يوم لوّحبها الدمع ...............للي رحل من وسط عيـنك لقلبك أول ترانيم اللقا تشعل الشمع .............وان جا الموادع ينزوي فيك دربك |
رد : لـحـظـة..!!..إحـسـاس
ليه انا لا لمحتك ضاع صوتي بين نبرات الحروف ولاقربتي شفت موتي في خطاوي أرضها في وسط عينٍ ماتبي بعدك تشوف |
رد : لـحـظـة..!!..إحـسـاس
دايم وطـيفـك يحـتريني بـعـيني ...............................ماغـاب عنّي مثـل ماغـاب صوتك أرحـل معه يمّـك وتـرحل تجيني ..............................أحـيـابك بـلحظه ولحـظه أمـوتك |
رد : لـحـظـة..!!..إحـسـاس
مداعبة لأحد الأصدقاء
وأتمنى من اخواني العزوبيّه لايقتنعون فيها :biggrin: أوجـعـت راسي بالحـكي رغم انـّـي جاوبـتك كـثير .................................................. .وارجع أقـوله محترق .. ترجع ترددلي الكلام الـعـرس مابي سـيـرته لا تـطـلب انـّـي أسـتخـيـر .................................................. .مره طرالي لكن اشوى عـدت من دون الظلام كـلـّـن يـساير نـظـرته..كـلـّـن بـإحساسه بصـير .................................................. .وانا بعيش بـنـظرتي لوهي غلط أوهي حرام ياخـوي حـرّ بــدنـيـتي وان كـان قصدك لي نـذير .................................................. .ذنبي على جـنبي يقع وان هو وقع خلّ الملام وان كان باقـداري لـفـت عروس تـنـتـظر المصيـر .................................................. .بدعيك تحـضر ملكـتي..ولحينهاا بطّـل كلام |
رد : لـحـظـة..!!..إحـسـاس
كان الـشعـر للمدح ماني بشاعر
...........................كان الـشعر إحساس خذني قصيده ينبض بها وقـت المعاني مشاعر ...........................والـقاف يلعب بين قـلب ووريده ياما سعيـت يكون حرفي منابر ...........................للي عـجز يـنطق كلامٍ يجـيده خلاّ الـشكاوي للنواظر خناجر ...........................يوم الزمان بحكم أقـسى عبـيده |
رد : لـحـظـة..!!..إحـسـاس
أخي فهد
جميلة هي لحظة .. إحساسك .. في انتظار عزفك الجميل .. لك الود والورد .. |
منتهى القريش.. شكرا لجمال حضورك وكلماتك ... لكِ التحية والتقدير
إعـتـلا يـمّ الخـفـوق وباغــت اهـداب الـمـزاج
............................حـرف ضـايع وسط صـدري ياضـلوعي من يجـيـبه صاح ضـلعٍ جـيـت جـبــته والـبحـر بالمدّ راج ............................والحـنـيـن اللي احْـتـريـته قولوا مــاعاد احْـتريبه والنـسـيم اللي بـدربه شـايـلٍ لحــظـة عـجـاج ............................مــا أدوّربــه بــراد ولا نهاري يـنـتـخـيـبـه والقـلوب اللي تـباع وتـنـشرا بـْـسـوق الـحراج ............................ماشـريـته لو بـرخـص وما أسـومه وش أبـيـبـه والـظلام اللي حضـنـته ماحـضـنـته لاحـتـياج ............................كــم رحمته من سـوادٍ أزعـج اللــيل بْــنحـيـبه ماخـذيت من الحـقـيـقه غـير ياربّ الـخـراج ............................مـاجـنيـت مـن الأماني غـيـر طيـبٍ أحتـميـبه |
رد : لـحـظـة..!!..إحـسـاس
وين اروح ودرب يمشيني عنا ودرب جايبني جروح قلت اوقف في مكاني يمكن اسلم وانتظاري مل مـنـّـي قال ابوح وين ارووح أرضي تزفرني لسماي ولامعاي غير تنهيده نفخ فيها شقاي وانولد للحزن روووح وين ارووح والخطاوي ملّت انكار الأثر وعافت العرق السمووح والحنين اللي قطع وقته سفر مالقا الا الجروح وين اروووح قـمت ألـمّ الـلـيل باطـراف العـيـون .................................لـين ما الـظّـلما تـنـفـّـسني عنا والنجـوم الـلي تـدوّر عــن مـتـون ................................شالـها ظـهــر الـسما ثــمّ انحنا يازمـن يركـض على جال الـظـنون .................................مافـهـقـت ايـّام تـقـضيـني هنا إن تـجـمّـع في سـما شـوفي مزون .................................حـدّها تحـجـب عن الـنـظره سنا وان تـنهض حيـلي من بعد الطعـون .................................قـمـت ادوّر بالـغـرايـس عن قنا تـابـس يـديـني ولايـمكن اكـون .................................غـيـر فـلاح ٍ زرع قـلـبه مُـنا ولو خذوا حيله وأرضه مانسا في يوم فرضه وان تنكّد حدّه من همّه يتنهد مايبي يشكي جروحه يبقا دمّه بين حرفه وبين روحه وحتى لو قالوله رووح جاك موته وسط صوته وهو يردد : وين ارووح..!!؟؟؟ |
رد : لـحـظـة..!!..إحـسـاس
للقلم منك وبك عشق
كنت هنا ..وسأكون صمت يقرأ ليفقه الحرف والشعر |
رد : لـحـظـة..!!..إحـسـاس
يَتقطَّرُ الإحساسُ حرفاً مِنْ نقا =فنكادُ عندَ خِضَمِّهِ أن نَغرَقا
شا شاعراً شَفَّ المشاعرِ والرؤى=بوركتَ والإحساسَ تهمي رَيِّقا |
شيخه المرضي , هاني درويش ... وللجمال بكم حكايه ... ممتن لكم ولقلوبكم
ياللي حـملتي (مـن رحلـتي ) زماني
.........................................عودي ترا ضلوعي من الشوق طاحت تـدرين من بعـدك وش اللي خـذاني .........................................طـول الـسهر في وجـد أيّام راحت |
رد : لـحـظـة..!!..إحـسـاس
صباآح ...الغربة ياوطن قلبي
صباآآح ..الشوق يانبض قلبي صباآآح .. الحب يا ....كل حياتي صباآآح من الله مبارك ..مع أنفاس الجمعه ..عطر الله يومك بالحب والخير والرزق والعفو والمغفره |
شيخه المرضي... أنار الله صباحاتك ( بالحب والخير والرزق والعفو والمغفره )
مـابـقابي شي يـسـتاهل رجـوعـك ......................مــابقــابك شي يـسـتـاهل عــذابي في غـيابي أطـلقـيـني من ضلوعـك .......................وان طريت بـلحـظـتك عـيـشي غيابي إيـه احـبك بـس بهرب من جـموعك ......................دام جـرحـك لا تـغـافـلـني سطـا بي واعـذريـني لو سـمحتي من دموعك ......................كـم رحـمـته لـيــن ما أفنت شـبابي واتركيني مابقالي في رجوعك غـيـر جـرحٍ جـدّد بـقـلـبي عــذابي . . . . . |
رد : لـحـظـة..!!..إحـسـاس
يوم الفـكر قــلّـب خفوقي .. وعيني
..................خذتـني انـفاس المسافه خطاوي أقـفت دروبٍ إحـتـريـته تجـيـني ...................جتـني دروبٍ إحـتواها شقاوي ياقـلب مـالت عن حـظـوظه سنيني ..................لالا تـشـد النـبض يمّ الهقاوي حـلمي قـتـله الوقت في راحـتـيني ..................ماعاد يـنـفع في رجاته دعاوي |
رد : لـحـظـة..!!..إحـسـاس
آسف
إذا إني تجاوزت حدّي إحساس أطلق من خياله مشاعر ثوب الغلا قسته ولاصار قدّي ببقا بيوتٍ مالقت .. أفم شاعر |
رد : لـحـظـة..!!..إحـسـاس
فز وتنهّض واترك النوم عنّك ***** ناظر صباحي مايبيني بدونك
|
رد : لـحـظـة..!!..إحـسـاس
اليوم صاحي لابستني القرااااااده
................................لو أقـطـف الورده أبلقاه بطيخ الصبح واضح من بداية سوااده ................................عسا يعدّي اليوم من غير تاريخ |
رد : لـحـظـة..!!..إحـسـاس
وين رحتي
والمشاعر تحتريك ليه غبتي وكل مافيني يبيك شوفي قلبي من رحلتي بس ساهي ولــ انتبهلي هز راسه وقام يقطر من عيونه نبض يسألني عليك |
رد : لـحـظـة..!!..إحـسـاس
ليه ساكت والمشاعر ودها تنطق غلا والبلا انه واضح في عيونك في جنونك في خطاوي ساقها يمّي الهوا |
رد : لـحـظـة..!!..إحـسـاس
كلّي وجع فارقتني وواعدتني لكن انّك ماصدقت وقلبي عندك مارجع |
رد : لـحـظـة..!!..إحـسـاس
دام قلبي هان عندك
باتركك وإيّا دموعك للحسافه للمسافه لليل يسأل مين شافه؟ مين شافه؟ |
رد : لـحـظـة..!!..إحـسـاس
يالله ياخمخوم قووم ماشبعت اليوم نووم يالله قوووم يالله قوووم خل هالصبح يتنفس وخلنا نطير ونحووم قوم قوم & راشد |
رد : لـحـظـة..!!..إحـسـاس
|
رد : لـحـظـة..!!..إحـسـاس
ممتلي كلّي حنين
حتى لو كابرت بأنفاس السنين وتختلف خطوتي كل ماهبت أشواق الحبايب والطيوف في سما شوفي تبين وانجرف يم الوله ماسك حلق المسافه واصرخ بأطول زمان إيـــه ذابحني الحنين إيـــه ذابحني الحنين |
رد : لـحـظـة..!!..إحـسـاس
دام هالدنيا عبور
باقضي أيامي بساطه ولو تلف باجلس أدور وآخذه ضحك وعباطه :) |
رد : لـحـظـة..!!..إحـسـاس
صباح العيد
بفرحته وزهوره صباح انتي حلاه ونوره توّي أحس العيد بشوفتك بلوره كل الحلا بالضحكه والزين في تايوره تعالي حبي عمّـك وده لقلبه يضمّـك جميله ياسنيوووووره |
رد : لـحـظـة..!!..إحـسـاس
يدّ الفراق اللي تحاشيت مدّه
مدّتلي احزاني ومدّيت يدّي غصبٍ أصافح لو تمنيت ردّه عقلي يلزم والمواقف تعدّي |
رد : لـحـظـة..!!..إحـسـاس
صبح(ن) بلـيّاك مثل الليل بالعتمه
...................................صبح(ن) بليّاك ما تاعي عصافيره قـم ياحبـيبي وبدّد عنّي الظلـمه ................................... صبح(ن) بليّاك ما نـقبل معاذيره |
رد : لـحـظـة..!!..إحـسـاس
خلني أرحل طلبتك ولاتقول ارجع عشاني حتى لو إني فقدتك خلّه يطويني زماني |
رد : لـحـظـة..!!..إحـسـاس
لاتحسب ان العمر يمشي بدونك
(من قولتك مع السلامه) وقفبي وشلون أسلى والمدى في عيونك وشلون أنسى وكل جرحٍ نزفبي |
| الوقت المعتمد في المنتدى بتوقيت جرينتش +4.
الوقت الان » 02:25. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع