![]() |
طاروق جديد
اخواني الشعار والاعضاء السلام عليكم ورحمة الله وبركاته اضع هذه الطــاروق واتمنا انه يكون عند اعجاب الجميـع
يا سلامي على سطح البحر مدته=عد ما طاش موجً بالبواخر عضيم من صميم الذي جوف البحر نضرته=عين ينضربها والعين الاخرى جحيم ولا هـان الجميـع |
رد : طاروق جديد
مرحبا وميزة الطاروق مع جدته *********** ميّزات المعاني من لسان الحكيم
كان هو واثق بالحيل من عدته *********** وش على الناس من حاله ووضعه سليم ماعليش يالسطام انا تليقفت وماادري يمكن تبي احد معيّن - بس جاز لي الطاروق ورديت. تحياتي. |
رد : طاروق جديد
هلا وغلا . عزيز وغــالي يالاعـرابي لايالغالــي . لا ابغـا احد معيـن ولاشي انا عليمـي وانطل ابيات واتعلم ولك افضـل تحيـه واستـلم لا هنــت
البقا يالمرحب خصم من هدته=والعرب تنهم الفارس لضد الخصيم كل فارس تعرف الفعل من لدته=ميرمدري ويش اللي طق راس الضليم .. |
رد : طاروق جديد
مانعرف الظليم ولا انت من بدته ************ والمقاشر خطر لو كان خصمك حليم
كم غشيمٍ هلك من كـلمةٍ ودته ************ في خبر كان والاسباب غلطة غشيم |
رد : طاروق جديد
.
الللللييييييييييل =.. شعار كبار و الله ! والله يا الأعرابي منت بسيط .. وباخل ٍ علينا بالقصيد ومدلع مواسم بهالفصحى هااااه :) .. أوريك ! متابع يالربع واصلوا .. وأنا بصف السطام ولايهون الأعرابي اللي يكتب شعر من تحت لتحت :) . |
رد : طاروق جديد
عبدالله؟؟؟؟؟؟؟؟ - شوري عليك - :white: .
|
رد : طاروق جديد
ههههههههههههه
الاخ عبدالله البكر . حياك والصـف عامر بجود اسمك يالغالي وفالحقيقه لا تاخذ شور . الاعـرابي . الشور عند الله
الجمل سايقه يوم الزمل حدته=مير يارد ويروى لو خشمه شريم ماش غصنً حيا الاتنعرف وردته=وانت اضنك في روضً بالخضاير مديم |
رد : طاروق جديد
اشكر الله وذا رزقي وذي مَـدته *********** كيف ما جات قابلها وربي كريم
الزمل للجمل درب الســــهل قدّته *********** وين ما حط بحموله وربّع يقيــم |
رد : طاروق جديد
البلا ياشعيل.الحمل من ردته=والله اني لحط الحمل فوقك رديم مثل منهو عروقه عشته غدته=غير تضحك لياهبت هبوب النسيم |
رد : طاروق جديد
الجمل لا نوى المنهاج ماصدته ********* شيلة الحمل والطرقه سموم وحميم
لو غيومك تمر القــــاع ما ندته ********* انستر لا تورينا مرضك القديـــــــم |
رد : طاروق جديد
قلت اميز رخاة الوقت من شدته=مير اضن الدهر ساكن وجوه سديم ماني أبشح بقعا باغين طردته=دام ربي شرع لرٍِِجل طرد النعيم |
رد : طاروق جديد
الشعراء
السطام والاعرابي واصلوا شعراء كبار والله يحيكم ومدام عبدالله في صف السطام انا بكون في صف الاعرابي وتقبلوا تحياتي |
رد : طاروق جديد
لو تثور الزوابع بالفضا سدته ******** وانفجر غضبةِ يحتار فيها الحليم
رميةاللي دواليب الزمـن كدته ******** عيب لو ما يوكدها تجي بالصميم |
رد : طاروق جديد
الله يسامحك يالسطام - والصفوف اللي خلوني واقف لحالي.
مع السلامه يظهر اني داخلن غلط . سامحونا كم غريرٍ يجيب العلم عن جدته **** في هروج ٍ يخالطها سوالف حريم ذلك زوره يضيق وتنفجر غدّته **** ساعة الجدّ ويودع بدمعة يتيم |
رد : طاروق جديد
[c]
الله الله عليكم من شعار محاوره من اجمل ما قرأت وانا في صف المبدع .. الاعرابي ولا يهون سطام [/c] |
رد : طاروق جديد
هههههههههه الاخ الكريـم الاعـرابي . اولاً . سلم فكرك واشكرك على تـواضعك باللعـب معي وثـانياً . لك احترامي وتـقديري فوالله اني اول مره تقريبـاً اللعـب مع شاعر معـنى بالنــت وليس تقصيـراً بالشعراء ولاكـن بالنسبه لي انـا اول شاعر اوجهـه يحرجنـي بنقضه وفتلـه دايمـاً كنت انطـل البيت بدون ان اقراه او افكر فيه وهذا ربمـا لأنـي باسم مستعـار وغير معروف ولاكـن بمواجهتـك احرجتني انا خلف الاسم المستعار اما بالنسبـه لمقاطعة . المحاوره حقيقه شفت الاخـوان طرحو محاوره جديده ونضام المحاوره اذا قطع شاعر المحاوره بطلب جديد تنتهي الاولى علمـاً بان المحاوره تاخرة وانا رجل لدي التــزامات في هذا الشهر عمـوماً . تقبـل ولك جزيل الشكر انت وجميـع من حضـر هذه المحاوره عبدالله البـكر الضغط العالـي سالم ابن جلعـان . والله يسامحك على البـيت الاخير . ترى الدعـوه محاوره خلف اسماء مستعاره يعنـي الفـائده . . |
رد : طاروق جديد
اولا الحمد لله على السلامه.
ثانياً كونك انا اول مرّه ادخل محاوره بهذا المنتدى وانت دخلت بقوه وحمستني واحرجتني بنفس الوقت لأنك سكتت وهذي ماهي طيبه بحقي وانا اخوك وانا اول مره اشوفك واعرفك يفترض انك طلبت التوقف او اعتذرت او واصلت او اي شي يرد الاعتبار. ثالثاً - لاتزعل من البيت الاخير فأنا والله ما كنت اقصده والدليل انه ما حصل منك شي يخلي البيت الاخير يعنيك وانما قصدت اثارتك واجبارك على الدخول لأنك اسم معروف وابداعك يعني شخصيتك حتى ولو ورا النت. عموما شرفني جداً وامتعني لقائي بشاعر بحجمك واشكرك واعتذر عن جلافة الاعراب اللي شفتها. تحياتي وتقديري البالغين. |
رد : طاروق جديد
بسم الله الرحمن الرحيم
الاخوه / السطام والاعرابي السلام عليكم ورحمة الله وبركاته اولاً المعذره على تأخر مشاركتي وماقصروتو محاوره شيقه وتشكرون على ابداعكم تحياتي |
رد : طاروق جديد
إذا وجد شعراء بهذا الحجم
من الغش لأني صراحه خايف على الشعراء المبتدئين من الأعرابي وسطام لأنهم غشاشين في المعاني واللي يجهلهم يا وليه محاوره رااااااااااااااااااائعه يشكروووووون عليها وأعتذر عن كلمة الغاشاشين وليعذروني ......؟ لأنهم شعراء كبار ومتميزين وهذا رأيي |
الوقت المعتمد في المنتدى بتوقيت جرينتش +4.
الوقت الان » 07:27. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع