من ضمير الشاعر اللي يميز وش يقول = مرحبا ترحيبة الطيب في مدلولها
يافهدلو يعتزون النصارى والمغول = أنت في وسط الميادين ولا حولها

من هجوس الشاعر اللي تبع دين الرسول=البقا ياللي علومك تسيل اسيولها
انت يانايف تقوله ولا جبت الحلول=واما انا ضربت عرض البلاد وطولها

العقيده ثابته عند اهلها ماتزول = ما تغيرها رجلٍ تخيط همولها
يافهد منته بصاحي ولا أقول مهبول = لا تعّّرض زرقةٍ ماتخاط ثعولها

عاده الايام بين العداله والميول=وانت خل الناس في عدلها وميولها
الفهد يعرف دروب الخروج امن الدخول=ماتهمه رميهٍ ماظهر مفعولها

من يخلي صاحبه جعل عمره مايطول = النصيحه واجبه قدرومرسولها
ما نذمك يافهد ونت رجالٍ صمول = مير أنا من لابتٍ ما تصدّ خيولها

احمد الله واشكره ماني برجلٍ جهول=وانت لا تنصح رجالٍ كبار اعقولها
معليكم زود وانتم تشلون الحمول=اكباركم واصغاركم يرتكون احمولها

أنت في بطنك غشش مير دورلك حلوّل = كان ماحليت نفسك ظهر قصمولها
يافهد وين أنت رايح ترى العقل معقول = لا تناطحني وبندقك في زهمولها

كان تبغى اللي بوسط البطن ماني عجول=اصبر اشويه وتاكل صحن من فولها
انت رجلٍ ماتعرف الطلوع امن النزول=فوق رجمٍ قمته يرعبك مجهولها

فولكم بوجيهكم يامربيت العجول = يارجالٍ فولها ماتعدى حثولها
ذخر أبوي وجدي السيف نطاح الزحول = لا تحارب لابتٍ تتحب نعولها

تربيه مثلك وشرواك مافيها كسول=ماخبرت ان البقر تتثور اعجولها
لابتك من فرع ماهي من اعروق الاصول=شجره بفروعها ماتضد اصولها