مل قلب (ن) لا ذكر خله شطح= عن جميع الناس ما والله درا
شاطح (ن) في نون عينه ماسمح= بانفلات الفكر في بيع وشرا
راكب الي من سلالتها شبح= حجم ستميه جديد المشترا
تو ميراده وفي فحصه نجح=بامتياز الختم واللون أحمرا
لاستوا خطه تقل سيل (ن) طفح =منطلق في سرعه الصوت وسرا
ولا وقف مابين جده والمزح=نعنبو من صممه لين أنبرا
كن عينه عين طير(ن) لاسبح= فالسما وأنهد لصيده ورا
ولاكبس بالنور كل شي (ن) وضح= شفت شمس الظهر فاليل جهرا
وكن بيبانه ولا ساحه فرح = والصبايا يلعب(ن) ستر وذرا
حس شكمانه تقل جني يفح =سندوبه لابتي وادي كرا
والمراتب ذاب سكر في ملح= أختلط لونه وناتجه أشقرا
والهوى بمكيفه لام(ن) لفح= يانسيم الصبح بالله؟ وش ترا
وتندته غيمه وبارقها صدح= والرعد هلل وهلت تمطرا
يانديبي يوم خاطرك أنشرح= دق سلفه والعذر ما نعذرا
طيب راسك يوم راسك لاقدح= بالفعل تذكر وطيبك يذكرا
دون دار صويحبي لا تسترح= عند بابه طف سلف فياقرا
وسلمه مني كتاب(ن) ممسح= فيه كلمه واحده للي قرا
الغلا لاطاح فالقلب وفشح= وش يغير فالطبايع ياترا
بأختصار القول عني لايشح= في وصاله ما كفاه الي جرا

شاعرنا الجميل ..

ناصر الموركي ..

وأبيات لطيفة تركت في النفس حلاوةً وعلى الوجه ابتسامة
" دون دار صويحبي لا تسترح " ..
ماله عذر راع الفياقرا :)

تحياتي لك يا الغالي tsh6