يالمملكه عشتي على دور الايام=دار عزيزه ما يدنس ترابه
الله حفظ سترك عن ايدين الاقزام = والله رضى فيك النبي والصحابه
ويومك خلا قفر ولا فيك مريام = ماغير ذعذاع الهبايب سفابه
وانتي بنور الله ومشكاة الاسلام= مقصد جميع الخلق من كل لابه
الله مسير لك قدم كل الانعام =الزرق لك ينساق ما ينتحابه
ولا عاث في واطيك من فرس واعجام = ومن غرته دنياه لا واعذابه
يبشر بسيف للمقاريد لطام =ولا يوقي شذرته الا جرابه
فهد فهد قدم الصعيبات ضرغام = ليث يهجون العرب من نيابه
فهد فهد وان قام فالامر جزام= جزم على امر نوى واستعابه
مافاته امن ارياه شي والى قام= يفل عقد ما يفل انكرابه
له نظرة ماعومسه زيف الاوهام = الراي ينفذ له ويحسب حسابه
هو العزيز ابن العزيز ابن الاكرام = وهو الكبير اللي يوقر جنابه
راع الكلام اللي جمع فكر وافهام = له تذهل المرضع لاسمعت خطابه
اللي على صيته يلجن الانسام .=راع العلوم الطيبات المهابه
فهد ومن مثله الك درع وحزام= سيف يرز الموت شذرة نصابه
مثل السحاب اللي تزرم ترزام =يبرق مقاديمه ويرعد عقابه
ذرى ضعيف الجنب لا جاه منظام = لا جاه في صدره من الظيم مابه
اقرب الى شعبه من ازرار هندام =الى دعو يبغون منه الاجابه
كمٍ عجوز لها مع الليل همهام .=تدعى له الله بالحسان يجزابه
ولركن بيت التيم للايتام هدام =صرح يظل اللي فزع والتجابه
سطر على صدرك تشاريع واحكام = حكم الشرع سيّي مبادي كتابه
وله موعد من مركب المجد قدام =عن عز داره ما يثني ركابه
ومع مقدم النهظه معه ارجال اكرام=سعوط المجانبن ودوى بتقابه
فالميمنه عبدالله يزر الاعلام =وفالميسره سلطان سقم الذيابه
من موكر عند المواقيف عزام = اهل الفعول الطايله والغرابه
مروين من ضدهم طعم مر الاسقام = واللي يوالفهم يشوف الرحابه
خلوك فالقمه على روس الانام= بصمة فخر للمسلمين انتسابه
ويادار من بارضك نوى زرع الالغام = تندارله في ساعت ما هقابه
هم يحسبون الدار خط بالاقلام =.لا صوبعوا بالحبر محيوا كتابه
مايعرفون الفهد للضد لطام =سيف يبتر كل عرق مشابه
مازعزع الساس القوى سيل هدام = ولا قيّم الصالح مخربط حسابه
يبقى الفهد قايد وال سعود حكام = غصب على خشم الحسود وكلابه