وش سالفة هالقصيدة ومن هو دخيل الله الدجيما؟؟؟
 

يا جر قلبي جر لدن الغصون وغصون سدر جرها السيل جرا

هالقصيدة تعتبر من عيون الشعر النبطي
والشاعر هو دحيل الله الدجيما
ولكن من هو الدجيما ؟؟؟
و ماهي مناسبة القصيدة ؟؟؟
واللي يقدر يذكر لنا القصيدة كاملة>>>>>>>> كانه مصخها مع طلباته الواجد
الله لا يهينكم

مرحبا...
تحياتي لك اخوي عزوان...
اتمنى اني افيدك بشي وهذا الي اقدر عليه وسامحني على القصور.....


[mover]هو دخيل الله بن مرضي الدجيما الروقي العتيبي [/mover]


ولقب بقتيل الحب العذري وهذي القصيده كامله وهذه اصح روايه:
[poet font="Tahoma,5,burlywood,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=sp length=0 char="" num="0,black" filter=" glow(color=darkred,strength=16)"]
ياجر قلبي جر لدن الغصوني"="غصون سدر(ن) جرها السيل جرا
واهله من أول بالورق يورقوني"="على غدير(ن) تحته الما يقرا
على الذي مشيه تخطى بهوني"="وعصير من بين الفريقين مرا
لاوالله الي بالهوى هوجروني"="هجر(ن) به الحيلات عيت تسرا
لامبعد(ن) عنهم ولا قربوني"="ولا عايف(ن) منهم ولاني مورا
وأكثر عذاب القلب يوم سنحوني"="بيح بصبري لو بغيت اتدرا
لاضاق صدري قمت ابار الظعوني"="كني غرير(ن) بالدلوهه مضرا
وقلبي عليه اشفق وتبكي عيوني"="والحال من ود الحبيّب تبرا
ياعزتا لي من تفرق شطوني"="يعزا لي ارمي بالسلب واتعرا
ان مت في خد(ن) بعيد انقلوني"="على هدي الزمل مشيه تدرا
ان مت في دافي حشاه ادفنوني"="في مستكن الروح ماهوب برا
بين النهود وقد روس القروني"="عن الهبايب مستكن(ن) مذرا
ياليتهم بالحب ماولعوني"="كان ابعدوا عني بخير(ن) وشرا
والا انهم يوم انهم قربوني"="خلوني اقضي حاجتي واتدرا
وياليتهم فالدرب ماواجهوني"="وياليتهم مازادوا الحر حرا
وياليتهم عن حاجتي سايلوني"="يوم اني اقعد عندهم واتحرا
وياليتهم من زادهم اطعموني"="انا على زاد اليتيم اتجرا
لاقربوا مني ولابعدوني"="ولاميس(ن) منهم ولاني مورا
الخد برق(ن) في علوا المزوني"="تقول براق(ن) من الصيف سرا
وقفت عنده شايحات(ن) عيوني"="كني غرير(ن) باللهاوي مضرا
[/poet]



تحياتي لك اخوي عزوان ولكل الاعضاء وسامحني على القصور هذا والله كل الي قدرت عليه

مشكور وما قصرت يا وين التباشير
على حرصك
انا اللي ذابحني ان اكثر المصادر تذكر ان حبه عذري ولا يجيبون سالفة حبه العذري ومن هاللي حبها
ولا حتى متى عاش ومتى مات و وين ديرته
حتى الابيات تحس انها ناقصة وان فيه ابيات في النص مفقودة بالضافة الى تعدد الروايات
لكن انشالله ان الله يسخر لها ناس مثلك وشرواك يبحثون ويفيدونا

مساء الخير اوخي

هذي القصيده معروفه وهي الشاعر

دخيل الله بن مرضي الدجامه الثعلي الروقي العتيبي

وقصة انه حب له وحده من بنات عمه ومن كثر حبه لها قال القصيده هذي بين جمع من الناس وبعد ماخلصها طق مافي راسه ومات ..

وقال وحده فيه

الهوا قد ذبح له شمري
والدجامه على موته شهود

رد : وش سالفة هالقصيدة ومن هو دخيل الله الدجيما؟؟؟
 

"" ياجر قلبي جـر لـدن الغصونـي - القصه والقصيده كامله ""




الاسم رايان بن صلاح العضياني



ياجر قلبي جـر لـدن الغصونـي
غصون سدر جرها السيل جرا





الدجيماء رايان بن صلاح العضياني

من الثعاليه من الروقه من قبيلة عتيبه

ويبدو أن الدجيما عاش في أوائل هذا القرن

إذ كان معاصرا للشاعر مخلد القثامي المتوفى

حوالي سنة 1337هـ//1919م

ولكن قصة عشقه اشتهرت مبكرا كنموذج لصرعى العشق مما دعى كثيرا من العشاق للإستشهاد به كما في قول عبدالله بن سبيل وهو من معاصريه ، وعاش بعده إذ يقول:


أخـاف مـن مـوتٍ بلـيـا حقيـقـه
مثل الدجيما لاطرد به ولا سيق



وقول شاعر آخر :


الهوى قد ذبـح لـه شمـري
والدجيما على موته شهود



وكذلك قال زبن بن عمير :




يسمى دور محسن والدجيما وابن لعبون
مكنـت اتـلاه وإلا أن أولـه مـافـات عـنـي



ويقول الشاعر عبدالمعين بن عقل بن ثعلي وهو من نفس قبيلة (الثعاليه):


رمح الدجيما اللي قتـل بـه قتلنـي
لحدن دفع سوقه ولحدن طرد فيه


ولقد أورد الباحث محمد بن دخيل العصيمي في كتابة شعراء عتيبه

حكاية هذه القصيده

وفيها يذكر أن الدجيما عشق فتاة من قبيلته تدعى " سميحه" إلا أنه لم يتمكن من الزواج منها مما دعاه لنظم الأشعار التي يشكو فيها من العشق حتى توفى بسبب هذا العشق .


ومن اشهر قصائده فيها :



يأجر قلبي جـر لدن الغصــوني اغصون سدر جرها السيل جـرا
على الذي مشيه تخطن بهـــونى والعصر من بين الفريقـين مـرا
واكثر عذاب القلب يوم اسنحـونى بـيح بصبري لو بغيـت اتـدرا
يا ليتهم بالدرب ما واجهـوني ويليتهم مازادو الـحر حــرا
ياليتهــم بالحب ماولعــونى كان ابعدو عني بخـير وشـــرا
ياليتهم عن حاجـتي سايــلونى يـوم انـى اقـعد عندهم وتحرا
ياليتهم من زاد هـم اطعـمـونى انى علــى زاد الحبــيب اتجرا
لامبعـد عنـهم ولا قـربـوني ولاعـايف مـنهـم ولانى مورا
ياليـتهم عن رايهم عـلمـونى اما يطيب القلب والا اسـتمـرا
والا انهـم يـوم انهــم ولعونى خلونـى اقـضي عازتي واتـدرا
لاو الله اللـى بـالهوا هو جرونى هجر به الحـيلات عيت تسـرا
ياعـزتالي مـن تفرق اشـطوني ويحق الى ارمي بالسلب واتـعرا
لاضاق صدري قمت اباري الضعونى كـنى غـرير بالهاوي مـضرا
وانا منول مـنـعـم للفــنوني على غـدير تحته المأ يـقـرا
وقلبى عليه يـشفـق وتبكي عيونى والحال من ود الحبيـب تـبرا
ادعـج غنج يذبح بسـود العيونى يذبـح الا منه هنف واستمـرا
الخـد بـراق فى عـلو المـزونى تقـول بـراق من الصيف سرا
ان مت في داخل حشاه ادفنـوني في داخـلي الجوف مانيب بـرا
بـين النهـود وعند راس القرونى عـن الـهبايب مستكن مـذرا
وان مت في خد بعيـد انقـلـونى على ظهر زمل ا بمـشيه ايـتـدرا



ولعل ترديد الدجيما بأنه سيموت من العشق

هو ماصنع حوله هذه الاسطوره

((شاعر صرعه الحب))

وهو أمر كرره في شعره عدة مرات كما في قوله :

"إن مت يا مشعان من هن ابن هن.."أو قوله:

يامن خبـر ذبـاح مابيـده سـلاح
ولا هو بنطاحٍ وأنا منه مذبـوح

وقوله :

ان مت في داخل حشاه ادفنـوني في داخـلي الجوف مانيب بـرا

رد : وش سالفة هالقصيدة ومن هو دخيل الله الدجيما؟؟؟
 

دخيل الله ابنه للعلم