|
مصطلحات نجدية
يسعد مساكم يا احلى مجموعة .... في اثناء استعراضي لاحد المنتديات وجدت موضوع المصطلحات النجدية ... وحبيت اني انقله لكم لاضفاء جو من المرح بمناسبة امطار الرياض الحلوة
" مير " اختلف المترجمون في تفسير هذه الكلمة ، واتفقوا أن هذا المصطلح مال أمه داعي ، ولا له موقع من الاعراب ، يوضع لتزيين الجملة ،، مثال : الله مير يسلمك ، الله مير ياخذك " غديه " وتعني : كوده !! ،، وفسر الماء بعد الجهد بالماء " ومصع " دعوة عند القصمان وتأتي بعدة أوزان : مصع ، يمصع ، ممصوعا ،، مثال : جرّن مير يمصعن " ياهملالي " ...منتشرة عند النحوتين والنظولين ، مثال : مزنة : مادريتي نورة توظفت ؟ ،، حصة : ياهملالي عنده واسطة ،،، منقهررررة " من تلالتنا" من حمبنا " واخزياه " مصطلح ينتشر عند بعض الناس يقالهم مستحين ، وهم وجيه بن فهرة ، " ووجه بن فهرة هو الوجه المغسول بمرق " " أويق " هذه الكلمة تنتشر عند البلوغين أي الملاقيف ، معناها أناظر وأناظر معناها أشوف !! ،، مثال : حصه : خير وش عندتس رازتن خشتس عند الدريشة " النافذة " ؟؟ ،، مزنة : أبد ، أويق على اللي يفحطون " أعبطه " أعجنه واسويبه فطاير " قوه " كلمة من أصل إنقليزي " والله محنب سهلين " معناها تخاويني؟ ، مثال : حصة : قوه معي للسوق ،، مزنة : مشينا ، كلش إلا السوق ، تخاويها وهي مغمضه " حوّل " وراكم طيرتوا عيونكم بي ، ترى منيب بالنجدة ، بس حوّل يعني : انزل " شنق " تعني : جهة " هماه " وتجي بمعنى " مب كذا - مو " " نيم " وتعني : نائم " تهقى " تعني : تظن؟ ، والاسم منها " هقوتي " اي أغلب ظني ،، مثال : حصة : تهقين نورة تجي ؟ " بوه " أهم مصطلح عند القصمان ويوضع بآخر الكلمة مثال : وشبوه ، جبتوه ، مادريتبوه ، وينهوبوه، وتقول هالكلمة وانت ماط بوزك شوي " يهوجس " سرحان ، يفكر " يكز " يعني يرسل ،،مثال : نوره كزي أخوتس محمد يجيب خبز " بخشة " أدري طلع غبار !! هذه كلمة قديمة جدا جدا ،، وتعني حديقة " أهوه " كلمة قصيمية تعني : عطن ، أو هات ،، مثال : أهوه البيالة ،، حصة : أهوه بشتي يخيّتي صيفت على أبونا ! تراوه يحترين بالسوق!! ويحترين يعني ينتظرني " رماتيز " وهذا المرض لا يصيب إلا العجز فقط !! شفاهم الله ،، لأن الذي قد يصاب به البعض هو الروماتيزم !! ماأدري ليش العجز يسمونه رماتيز مع ان اسمه روماتيزم [c]تحياتي للجميع [/c] |
اضافة
" عسكريم"
أنا اللي مجنني من وين جابوا حرف العين منه ،، هذه الكلمة كلكم تعرفون معناها آيسكريم " الصحيّة " هذا مصطلح خاص بالعجز ! والمقصود به هو المستشفى " مبتريم " ترى هذا مهوب أسم لمضاد حيوي ! ،، هذي الكلمة معناها يدور أو دايخ .. مثال : والله ياحصة كل أمس وأنا راسي مبتريم تفَوْ لا أحد يطير عيونه ..!!!... بصراحة ماادري وشلون ابشرحها ذي !!...يمكن بالمثال تنفهم.. مثال: تفو عند الله سعة !!! وش حيثي؟ يعني وانا ليش لأ ؟.... هذا اللي يقول ( وأنا فاهم الاولانية عشان افهم التانية؟)..!!!..بنحطها في مثال يمكن توضح !!..مثال : كلهم عندهم سيارات ، وأنا وش حيثي..؟؟!!.. زكــُّـــــــــــــــــــه يقولون : وراك زكيت الترمس . يعني لماذا ملأتها ( ترستها ) - حلوة ترستها و أتوقع إنها عربية فصحى مشتقة من الزكاة لأن حسب معلوماتي من أيام الدراسة إن الزكاة هي الزيادة و النماء زتــُّـــــــــــــه يقولون : زته خله يطيح. يعني ادفعه ( دفه ) " الله من اللعانة " يَـك يقولون : أهوه يـك . يعني : اعطني يدك أطلق يديّا الظاهر إني خشيت جو. احلتيه: ارميه تهك : تمزح....كما أنها تعني ( تكذب)... مثال : ..لاتهك علي ..!!! صبخن: ضربن سااااادة..: يعني ..أحسن ...تستاهل!!!..ولازم تقولها وهي ممدودة شوي !!..,وهي صيغة تشمت ..!!..ياساتر.. مفخية بمعنى مرتاحه او مريحه " يكز " يعني يرسل ،،مثال : نوره كزي أخوتس محمد يجيب خبز " بخشة " أدري طلع غبار !! هذه كلمة قديمة جدا جدا ،، وتعني حديقة " أهوه " كلمة قصيمية تعني : عطن ، أو هات ،، مثال : أهوه البيالة ،، حصة : أهوه بشتي يخيّتي صيفت على أبونا ! تراوه يحترين بالسوق!! ويحترين يعني ينتظرني " رماتيز " وهذا المرض لا يصيب إلا العجز فقط !! شفاهم الله ،، لأن الذي قد يصاب به البعض هو الروماتيزم !! ماأدري ليش العجز يسمونه رماتيز مع ان اسمه روماتيزم |
[c]
هعفع عفغهفغ غفغعق 8 8 8 الضحك بالطريقه المبطيه :face: وانا قاعد اقرا موضوعك احس كني محول من لوري وفي يمناي دنانه وفي مخباتي تسعابه 8 8 8 8 8 8 8 8 8 هذا الرد باللهجه النجديه البحته يعني الله يعينك على فك الشفرات :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: :bozo: تحياتي لك المبطي علوك مستكه[/c] |
راياح الشمال
وش ذا الغبرات : الغبار في الجو من موضوعك هههههه بس بصراحه روعة ويصلح قاموس لكاسبر وطقته علشان يفهمون وش نقول ههههههههه وازيدك من الشعر بيت خذ عندك ...... مشصّي : مبطي : قديم مثال : لا تاكلون من ذا الحلقوم تراه مشصّي بفتح القاف هههههه ايه يابو تراب الظاهري ...... هَو : بفتح الهاء وهي علامة تعجّب ! ويقولونها العجز استعجابا من شيء ما مثال : فتو : انتو ليش بتقولو هَو : نوير : هَو حنا نقول هَو ..... ورى : ليش ؟ مثال : ورى ما تسلم يادحيم الله من الشطانه .. وراك قاعد فيذا امحق : كلمة تهزّي اي تطنّز بالشي اللي مايعجب ... مثال : تراها يانوير تقول مانيب طابتن عليهم : نوير : امحق ماصار زعل ذا اقضب : امسك مثال : اقول اقضب الجاده لا افقع وجهك..... سنع : زين - جديد - حلو ويختلف معناها حسب الجملة مثال : يابريه افصخ ثوبك السنع والبس ثوبك ( السمط ) وذي جايين لها تحت سمْط : بتسكين الميم وتعني القديم مثال : وين بشتي السمط يانوير : نوير : شفه على ( التجوري ) وذي تحت بعد تجوري : خزنه مثال : وين حطيتي الدراهم : نوير فالتجوري فوق تحت وسطه ماندري لان الاولين كش شي يوزونه >> يخبونه تحت البسط وتحت الهدوم واكيد نوير رفعت التجوري وحطت الدراهم تحته خخخخخخخخ والى اللقاء مع كلماتن أخرى ولا تخلونا القابله يعني بكره . والف شكر يارياح الشمال على الموضوع الرائع وتحياتي : وتعني مع السلامه مثال : وين بتروح له يابو عيوووون : انا تحياتي |
خخخخخخخخخخخخخخخخخخخخ
الله يرجك مير مت من الضحك :D وش احلى من لهجاتنا المحليه الجميله .. والجميل اننا نصير ملمين بلهجتنا تماماً .. والجميل ان نسخرها في قصايدنا:) مشكور اخوي الغالي.. |
يازين هاللهجه والله مابه زيها ابد ............... ومن كثرها لو نجلس اسبوع ماخلصنا كلماتها بس خلوني اعطيكم بعض منهااااا
7 7 يزقر=يهاوش 7 7 راع=شف 7 7 تكرفس=وقع على خشته 7 7 ييزي=يكفي 7 7 انقلع=طس !! 7 7 شاقص=ناشب!! 7 7 احوووووووووو=ابعد يدك 7 7 سملقي=خراااااااااااط 7 7 شمحوط=طوايل هههههههههه 7 7 يتنطز=يحرج على اللي عنده وهذي المفردات يستخدمونها الحوايله خصوصاً سلام |
لا تناااااااااااااغش
يعني لا تناقش بالسوداني كيف الحال يعني كيف الحال رياح جيت بارد زي الناس بس شفت ابو عيون وابو خدود وضاق صدري ياخي ما احبهم ابد |
مشكورين يا حبايب
علوك مستكة : يا حبي لك ودنانتك وتسعابتك شكرا على تشريفك للموضوع .....
عبدالرحمن الربيع : اش دعوى طلع غبار قسم بالله 99% من المفردات لازلنا نستخدمها ويازينها .... انا فدى هالخشة اشكر مرورك واشكر اضافتك الرائعة .... طــــــــراد : الله يرجني الله يسامحك شايفني قربة هههههههههههههههههههه ، يا حلوك أشكر مرورك ومشاركتك . فارس تميم : يا حلوك واشكر مرورك واضافتك الرائعة . فيصل بن خالد : و لا منهم ابو خدود وابو عيون ..... مشكلتي اضحك وما ادري من المقصود ..... فديتك فيصل شكرا على مرورك . استاذي عبدالرحمن اليحيى : و تلومني . تقبل تقديري واحترامي |
اخوي رياح الشمال
ما الومك والله يلوم من يلومك وخذ عندك ابوعيون= عبدالرحمن الربيع ابو خدود= طراد عبييييص= عبدالله التميمي ابو جبهه= خالد التميي طييططل = فيصل بن خالد هبيبين= انا بنت شليويح= الريم ابوصالح =راعي العنود الشيبه الهرم= ابو نوت <<<<< مع العلم اني اكبر نه باسبوع لا تزعل ياابونوت العتب مرفوع والزعل ممنوع تحياتي لك:) :D :D :) :bozo: |
تسلم أستاذي على التوضيح
عبدالرحمن اليحيى ......................فديتك
نورتني الله ينور دربك من جد اسمع المسميات هاذي وادربي راسي .......... بس عسى ما يجيني اسم مثل اساميكم واقترح انكم تسموني كما يسميني اولاد الحارة (المملوح) :D .. تحياتي استاذي وشرفني مرورك .... :D |
هد اعصاسك رياااح ... اقول هد اعصابك رياااحوووووه ....
منهو (( المملوح )) هاااااااااااااااه .... مملوخ مييين يابو مملوح ...؟؟؟؟؟؟ <== تقولي مب غيران ؟ تحسب اني ماأعرفك ؟؟؟؟؟؟؟؟؟؟؟؟؟؟ مب انت اللي يسمونك (( اللق لق )) عشان سيقانك وعلباك طول بعض ؟؟؟ والله والله والله أمزح زري الكعبة امزح ....... بس ياخي والله أنك حبيب وعاجبني... وودي أتحرش فيييييك ومالقيا فرصة الا هذه ... <== إبلييييس موب آدمي ....!!! بس الله يبيض وجههك لأني متأكد أنك حافظ العبارة المشهورة للكاتب الكبير : (( هبيبين )) وهي رواية (( اللي مايعرف البحر .. يمد رجوله على قد إلحافه )) الللي تقول : العتب مرفوع والزعل ممنوع قائد القوات الشماتية وأحلى واحد بالهالم عبيييييييييييييييييييص |
هههههههههههه
ههههههههههههههههههههههههه هههههههههههههههههههه هه عبييييييصصص الله يرجك على زود منت مرجوج يعني تطلع خبل خالص منتهي:mad: اجل تقول رياح الشمال = اللق لق:D هههههههههههههههههههه ههههههههههههههههه رياح الشمال تذكر دائمآ و ابدآ العتب مرفوع و الزعل ممنوع تحياتي للجميع:) :D :D :) |
ليه يالتميمي
من يوم انخلقت وانا ما اسمع أهلي وربعي الا يقولون راح المملوح جا المملوح طاح المملوح درس المملوح وحبيت أني اقول لكم اللي انا عايشة لكن ..............................................
عبببببببببببببببببوصي حسبي الله على شيطانك لقلق مالقيت أسمن شوي لا واللي قاهرني ابوعلياء ميت ضحك طيب تشوفون والله والله والله والا تدرون وشلون الطيب أحسن .:mad: صراحة عجبتني رياححححححححححححوه سموني بها الاسم والا على الأقل المنسم يمكن ألطف شوي حبايبي دعابتكم ملت قلبي و كياني وتشرفت بتعليقكم و بمروركم :mad: :mad: :mad: وتراني ما زعلت تحياتي و تقديري للجميع |
معليش عندي استفسار..
الا بالنسبه للمصطلحات اللي ذكرها اخوي اليحيى 7 7 7 7 7 7 7 7 7 7 7 7 7 7 7 7 تابعه للمصطلحات النجديه ولاموضوع ثاني وشكراً سلام |
وذمّ
|
| الوقت المعتمد في المنتدى بتوقيت جرينتش +4.
الوقت الان » 09:19. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع