شعبيات - حسرة ايديني

شعبيات (http://www.sh3byat.com/vb//index.php)

- أوزان وأشجان (http://www.sh3byat.com/vb//forumdisplay.php?f=12)

- - حسرة ايديني (http://www.sh3byat.com/vb//showthread.php?t=21047)

حسرة ايديني

أمر في ذاكرة منفاك
أصب الحب في اليمنى
واصب العشق في يسراك
أدللها مشاويرك
وتجحدني مشاويري

منو غيري
يتوضا بدموع الصمت
ويصلي للألم ركعه
ويستغفر ذنب تقصيري

وطن!
ما بي وطن غيرك
كثر ما زاد تقصيرك
كثر مسعاك
لإحباطي وتدميري

حزن!
شكو يعني
لما الحزن يلبسني
راح اوقف
في مسرح قسوتك واضحك
كفايه حبي المجنون
يكون عيون
تشهد لي
يكون ربعي وجمهوري

وادوزن حسرة ايديني
صدى إعجاب
فرح أرتاب
إذا مرت سحاباته
تبللني كذا لحظه
وليش أفرح؟
سؤال يجرح بإحساسي وتفكيري

تبي يعني
على غيابك أعاتبني؟
تبي كل الخطا مني؟
ولا يهمك من عيوني
راح ارقص طرب واضحك
واداري زحمة شعوري

روح ورايتك بيضا
بدمع الفقد باتوضا
واصلي للوجع وارضى
ابـ عذاباتي
وحزني والألم والهم
باحسبها مقاديري

تعب صدري
يشيل الهم من صغري
تعبت أزرع دروب الناس
ورد وانداس
تعبت امشي
مشاوير الوفا واطيح
من التجريح
تجحدني مشاويري

خلاص ابعد وانا بـ ابعد
بكل الحب والتقدير
وزلاتي مع التقصير
صلاة الحب
في قلبك .. على دربك
إذا تبغى بإمكانك
تصليها مع غيري..

http://www.alsabahpress.com/media/files/versions/11.pdf

ملف مقامات الصادر يوم الجمعة الموافق 5-11-2012

رد : حسرة ايديني

على غيابك أعاتبني؟
تبي كل الخطا مني؟
ولا يهمك من عيوني
راح ارقص طرب واضحك
واداري زحمة شعوري

يارائعة فطرتي قلبي وجننتيني
من وين كل هالرقة وجمال هالقلب
مبدعة والله

:rose:

رد : حسرة ايديني

تعب صدري
يشيل الهم من صغري
تعبت أزرع دروب الناس
ورد وانداس
تعبت امشي
مشاوير الوفا واطيح
من التجريح
تجحدني مشاويري
:fff:
أشتقنا لبوح مشاعرك وشعرك
وهأنتِ متألقة في طلتك وروعتك
وابداعك الذي عهدناه
سلمت ِ وسلم قلبك ..
لاتستحقين الاّ الحب والأخلاص
وكل ماهو جميل في الحياة ..
:fff:

رد : حسرة ايديني

ﻻ جديد .. دائماً مبدعه يا شاعرتنا القديره