إنتـ .. ـماء ..!
. .
الأرض فيها ناس ما تشبه لـ .. ناسي=ودّي أطير اليوم عنها قبل بكره ..!
. . |
رد : إنتـ .. ـماء ..!
لو الحجر مثل البشر يملك إحساس=أمدى درج بابك يملّ إنتظاري! كل يوم أجي واراقب الدرب .. والياس=يطعن فـ ( خاصرتي ) وييبس خضاري! وأقاومه بالحب .. وبـ / قوة الباس=وأطيّر أسراب الأمل في مداري وإن هبّني من يمّ غيبتك نسناس=غنّيت من غبني .. وزايد مراري! لا عاد لي قلبٍ .. ولا عاد لي ناس=ما دامك إحساسي .. وناسي .. وداري ! |
رد : إنتـ .. ـماء ..!
عطني نفس! .. ودّي أحبك .. ومخنوووق
............. من طاري الفرقى .. وذكر المواجع ..! |
رد : إنتـ .. ـماء ..!
يا نوارس .. ليت لي قلبٍ من الأيام دارس .. وليت لي عمر ٍ قصيييييير .. وليييت ما بيني وبين الموت حارس ..! |
رد : إنتـ .. ـماء ..!
يا صاحبي .. والبرد واقف على الباب=أنا هنا بارد .. وخايف .. ومنهك! أبي الدفا .. وأتذكر وجيه الأصحاب=ما ألقاه حتى أذكر تفاصيل وجهك!! |
رد : إنتـ .. ـماء ..!
يا عمّي لا تقول إنّك حزين=يا شين الحزن لا خان الوقار! اشوفك من بعد طول السنين=تعيش اليوم لحظة إنكسار! واحس بداخلك جرحٍ مكين=عسى ما أنت بـ ( ضحيّة ) إنتظار؟!! |
رد : إنتـ .. ـماء ..!
يجوز اسوّي كل شي فـ ( غيابك )=لكن أرد الدمع .. لا يمكن يجوز! واللي غسل ضيق الخفوق بـ ( رحابك ) = ما شي غير الدمع في بعدك يفوز!! |
رد : إنتـ .. ـماء ..!
يطيب لي التصفح هنا .. فـ هنا بوح متميز وبطعم آخر !! فـا لتعذر مقاطعتي .. همس |
رد : إنتـ .. ـماء ..!
إقتباس:
ويطيب لي هذا الحضور الجميل .. ويسعدني .. شكراً لأنك هنا يا همس .. تحيّة لـ قلبك .. :) |
رد : إنتـ .. ـماء ..!
لو البحر يدري عن الحب وشلون ..=تسدّ عن كثره .. حلاوة قليله! ما اوعز إلى موجه من أمواجه تمون ..=على نصف هذا الخفوق .. وتزيله!! |
رد : إنتـ .. ـماء ..!
هنا لـ ( الصمت ) صوت وحضن وانفاس وعيون وروح=هنا لـ ( الحكي ) نبضٍ وجل ، هنا لـ ( الصدر ) تنهيدة! هنا يا حضرة الكرسي تموت قلـوب ، تحيـا جـروح=ولا تبرح مكانـك لـو يعيـد الحـزن بـك عيـده! هنا وان قلت يا حظـك ليـا مـرّك فـرح ومـزوح=اقـول: الله فـي عونـك علـى الحـزن ومواعيـده! |
رد : إنتـ .. ـماء ..!
شفني وأنا فـ ( عيوني ) الحزن ساكن=وإن لمتني .. مانيب حمل الملامة! تبيني افرح؟ .. ودّي أفرح .. ولكن=ما به فرح يكفي لـ ( نصف ) إبتسامة!! |
رد : إنتـ .. ـماء ..!
في غيبة إحساس المحبة وش يصير؟=لو نطفي الشمعة ، ونجلس فـ ( ديجور ) ؟! اللي تحمّل موتة الحس من غير..=داعي ,، بيقدر يحتمل غيبة النور !! |
رد : إنتـ .. ـماء ..!
يا صاحبي لو طال درب المعاناه=لا ينكسر قلبك .. وتفنى عزومك! كلٍ وله همٍ كبيرٍ قد أضناه=شف همّ غيرك .. تصغر أكبر همومك!! |
رد : إنتـ .. ـماء ..!
لو إن ما لي حسّ .. ما عشت في ضيق=ولا قلت لإحساس الحزن داخلي .. بسّ! لا تصبّ لي لو شفتني يابس الريق=صب الفرح .. مابي الحزن .. طاااالبك حسّ!! |
الوقت المعتمد في المنتدى بتوقيت جرينتش +4.
الوقت الان » 14:58. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع