![]() |
احتريتك!!
احتريتك !!
احتريتك فجر يطوي عتمة الليل الطويل= احتريتك عُمرالاقي فيه معنى للحياه احتريتك حضن دافي .. احتريتك حلم ليل= احتريتك (جَوّ) ينعش فصل قارب منتهاه احتريتك(عذر) يكفي من تفاصيله قليل= احتريتك ، احتريتك ، واحتريتك ، بس (آآآه) ماحَصَل من يَمّ ذيك (الصافنات) الاّ الصهيل= والشقاوي ما تحَصّل من شقاه ، الاّ شقاه ! شِلت هَمّي في ضلوعي مثل (حَجْريٍ) أصيل= شِلت جرحي بالحنايا والتعب ياخذ مداه كنت اظن ان الرجا (معكاز) للحظ الهزيل= مادريت ان الرجا لوطال ، ما بَلّ الشفاه ! كنت اشك إن التمنّي ما يحقق مستحيل= لين شفت (الشايب) اللي تسند اطرافه عصاه ! وش بقى ياعُمرحتى تطلب اسباب ودليل= وش بقى يا(صبر)حتى يعرف المخطي خطاه ؟ ماتشوف الحال مايل، والظروف تزيد ميل= والحصون اللي تهاوى ، صعب ترفدها حصاه ؟ صعب تجمع ياخيالي بين (متلاف) و(بخيل)= صعب تجمع لوتحاول بين (شيهان) و(قطاه) ! لوقدرت تنسّي (الورقا) طربها ، والهديل = ماقدرت تنسّي (المغبون) غَبْنٍ قد وطاه مابقى يابوح من عقب النزول الاّ الرحيل= وَكّل الله ما رحل حيٍ ، وقد حقق مناه |
رد : احتريتك!!
فلسفة لايجيدها وربما لايفهمها الاّ كبار الشعراء العشاق أمثال محمد الطنيني وهم قلّة .. يالله كم انا مقصر فيك ياسيدي واخي الكبير .. |
رد : احتريتك!!
ياليت تقبل اعجابي ومروري على هذا الشعر المختلف مع شاعر مختلف :rose: |
رد : احتريتك!!
إقتباس:
ولو يا أبا بدر ... ماعندنا ماهو إلاّ قليل جداً من كثيركم .. ولقد عفونا عنك هههههههههههههه . لاعدمتك ياتاج راسي . |
رد : احتريتك!!
إقتباس:
|
رد : احتريتك!!
إقتباس:
شاعرتنا القديرة ... بل الشرف لنا لو تقبلتم عظيم شكرنا على المرور العطر .. لاهنتم ولا شنتم . |
الوقت المعتمد في المنتدى بتوقيت جرينتش +4.
الوقت الان » 12:20. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع