صوت .. صدى
بسم الله الرحمن الرحيم صوت .. أبو سالم [poem=font=",6,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] يابدر ياوضاح ليلك على غير=ذيك الليالي الموحشة في حياتي نورك جبد دلو المغني من البير=وأحياء هشيم اعروقة الذابلاتي وانا بدون ادراك صغت التعابير=في غفلتن من دون مادري بذاتي مجرم غرامن قامت هجوسة اتغير=لجل العيون السجّع الناعساتي ام السحا وام الغنج والتباشير=وام الامل وام الهوى والغناتي يكفخ لها قلب العنا كفخت الطير=فيها حياتن له وفيها مماتي وان قلت ياقلبي على اقل تقدير=نبضك قوي وارجوك قدر سكاتي من ليلنا البارح ومن تالي اعصير=وذا ليلنا الثاني وثالث بياتي هذي الثلاث البيض واقل تصوير=طيفه يلازمني وأهل عبراتي لطفك على والله يجازيك بالخير=لاتبحث سدودي وهي خافياتي حبه مكني واتعبتني المشاوير=رهنت عمري له وانا اروح وآتي <SCRIPT>doPoem(0)</SCRIPT> *** صداي [poem=font=",6,royalblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""] يابدر ياوضاح مسيّت بالخير=احيّت مراسيلك صدى ذكرياتي وأمسيت اغذي الذاكرة بالتفاكير=ولا هنت عيني لذيذ المباتي ياصاحبي والقاف للقاف تبرير=ذيبٍ قنب . والذيب الاخر مواتي عطيتني في موجزك شبه تقرير=وأنا بصور لك سبايب شقاتي من جادلٍ طرقا ..زعيمة غنادير=من عقبها عفت الهوى والبناتي في ريقها لذة حليب المصاغير=لو ان شفايفها ماجات بشفاتي الليا مشت تنبت زهور النواوير=لو هي بقاعٍ مايجيها نباتي ماهي من اللي تدهن السير وتسير=وتمارس بدور الفقر والغناتي ولا تلفّت للوجيه المعاثير=ارسى من جبال الهدى والسراتي مشاعري في وصفها جت طوابير=العشق بين اثنين ..والشوق ذاتي ياعل ديرتها مزون الشخاتير = اللي تلملمني وأنا في شتاتي <SCRIPT>doPoem(0)</SCRIPT> |
رد : صوت .. صدى
.
. علي بن جوخه صح لسانك ولسانه وبيض الله وجيهكم |
رد : صوت .. صدى
مرحبا ومسهلا يا سعيد حضورك شرف لي وللمتصفح صح بدنك ولاعدمتك |
رد : صوت .. صدى
صح لسانك
|
رد : صوت .. صدى
,, هنا قاموس شعري لـ مفردات غنيّة بالشعر الأصيل متعة الشعر وجدناها حاضرة شكراً لهكـذا صوت وصدى أخي علي دمت بـ خير ,, |
رد : صوت .. صدى
من اجمل ما قرأت يا علي من القصايد التاليه
صوت وصداه وكل شاعر يقول الزود عندي ابداع في ابداع ... وحضور مختلف جدا ً حبك وسبك وتصوير وتمكن .... لله دركم على هكذا حضور تحياتي اخيكـ / ـم سالم |
رد : صوت .. صدى
وانا اتفق مع اخوي سالم
صوت وصدى من اجمل ماقرأت شعر حقيقي وقدرة اساتذه صح الله لسانك وفكرك ياعلي انت وابو سالم |
رد : صوت .. صدى
انفاسي دخون
شكرا لمرورك وصح بدنك |
رد : صوت .. صدى
مزون المحمد
تتقزم الردود امام اشادتك دمتي بود |
الوقت المعتمد في المنتدى بتوقيت جرينتش +4.
الوقت الان » 19:57. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع