كان الزمان متناسي
ياالله ياللـي للمخاليـق كـاسـي =فوق العظم جلدِ ومن بينها الـروح كتبت لك ماينقلـه مـخ راسـي =على الهوا ماجابها كذب ومـزوح كان انت ناسي والزمان متناسـي =لاتجمع الثنتين وتصيـر مشفـوح ترى الزمن دوار مثل الكراسـي =وبنك الليالي مالها شيـك مفتـوح موج البحر غدار لو كنت راسـي =مايجدي اللي يرفع الصوت وينوح كم شالت الأيـام هيـن وقاسـي =لو كان فيها ياإبن الاجواد مصلوح ترى المراجـل عايفـه للنعاسـي= ماتجني المربح ليا صرت مطروح والطيب اللي للمحاويـج حاسـي =يمتد كفـه للرياجيـل مصفـوح واليا وردت الجم من غير كاسـي =يشفيك من نبعه ليا كنت مجـروح وان كان صابك في محانيك باسي =خله بصدرك لاتناسـاه وتبـوح لو تفشي الأسرار صار التماسـي = يدري بها اللي للنيميمات مفضوح اللي على منكبك يضرب بفاسـي = وهذي تراها مالها طب وتـروح وترى الخطيه مثل لحس التباسـي= ماتشبع الجايع ولافيـه منضـوح |
رد : كان الزمان متناسي
محمد المرزوقي
صح لسانك بلاعدد ودمت بألف خير تحيااااتي |
رد : كان الزمان متناسي
أخوي محمد
صح لسانك ارجو أن تمتعنا بجديدك ,,,,,,,,,,,, لاهنت |
الوقت المعتمد في المنتدى بتوقيت جرينتش +4.
الوقت الان » 02:51. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع