صوت الهوى فالنوفذ ؛ يا (حمد) مقلق = وانا لك الله على أدنى شي يقلقني
لو الهدو مسحتي ؛ تلقى العميق أزرق = رغم يباسي ونشف الريق مغرقني
مخلوقة (ضيقتي) من قبل لا أُخلق = من جيت وجه البسيطة ما تفارقني
(حمد) لك الله لو إنّك تلمس الأعمق = عرفت ريح النوافذ كيف تطرقني
لا هبّت الريح لوّح ثوبها الأخلق = في داخلي لين بين الناس يسرقني
أركض مع الريح رغم أنّي هنا مطرق = إحساسي اقدام وامالي تورقني
أكبر من الوهم وادنى من فضا المنطق = شعوري اللي على يأسي معلقني
كذا زماني عليّ بالضيق متعملق = من قبل اردّه شعوري كان ينطقني
في أيّ نفسِ حزينة كنت أنا الأوثق = بأحساسها الملتهب جذواه تحرقني
لا شفت دمعة (مرة) في عينها تبرق = تصوّرت لي حبالِ لين تشنقني
أرهقت ضعفي أو إنّه ضعفي المرهق = اللي اعرفه جهلت اللي يحققني
(حمد) دخيلك أبي هالنافذة تغلق = لو ان شعورك حقيقة ما يصدقني

..

..

م.س.

عذرا أيها السادة

سقط حرف الألف سهوا من كلمة النوافذ

فلتسقط كل الأحرف عمداً او سهواً
ولتكسر كل النوافذ
امام هكذا بداع يامحمد:)