خذها على وجهك والاخرى على الراس = حاضر بحاضر كاش ماهيب دينا
ماكل مره يا غبي تربح الكاس = اصبر على ماجاك طول السنينا
عليك يضرسن الحراير بالاضراس = وطالت يديهن يوم قصرت يدينا
على المنصه صار حايس ومحتاس = رفلا وخبزتها كلتها عجينا
رشقه تزيل الغل عن كل مقباس = رئيس شعبه صافح الجزمتينا
من يد ماعدمها مثل يد جساس = هذي يسار وذيك جتلك يمينا
وباكر (باتسر ) بحول الله تحول وتنداس = وخالد نهار الكون فعله يبينا
هذا ترى قدرك مع الخلق والناس = تحت الكنادر 00 يكرم السامعينا
ماعاد لك في دار الاحرار مجلاس = لو فيك دم وتستحي ما تجينا !
برج التجاره طاح مع بنك الافلاس = ودارت عليك من السماء كاترينا
هاذيك رشقه هدت الراس والساس = سبحان ربي واصبحت رشقتينا
وش جابك لبغداد يا نسل الانجاس؟ = قبلك هولاكو طاح ماله عوينا
وش جاي تنشد عنه يا وجه الاتعاس =( والشين شين وماكر الشين شينا )
اخزاك ربي بين موكب وحراس = للبيت الابيض عدت مكسور عينا !
ولسان حالك وانت كاذب ومنداس =(ياليتنا من حجنا سالمينا )
صوت المأذن ارتفع فوق الاجراس = الله اكبر هزت الخافقينا
وعقبال ما يضرب بها كل بلاس = ويفرح لها قلب الجريح الحزينا
تسلم يمين اللي كسب كل نوماس = ممرور تسبد وفرّح المسلمينا

الرسالة الأصلية كتبت بواسطة عبدالعزيزالمرشدي (مشاركة 262742) عبدالرحمن .. لاهنت .. نص معبر .. وبيض الله وجه الزيدي كل التقدير لك ؛

الرسالة الأصلية كتبت بواسطة محمد مدران اليامى (مشاركة 262745) اخــزاك ربــي بـيـن مـوكــب وحـــراس=للبيـت الابيـض عــدت مكـسـور عيـنـا ! ولسـان حالـك وانــت كــاذب ومـنـداس=(يالـيـتـنـا مــــن حـجــنــا سـالـمـيـنـا ) صح لسانك ..مدد.. لاهنت

الرسالة الأصلية كتبت بواسطة نوفل الخيل (مشاركة 262762) عبدالرحمن الله عليك الله صح لسانك ولا فض فوك رائعه لاعدمناك تقبل و دي واحترامي

الرسالة الأصلية كتبت بواسطة سالم بن جلعان (مشاركة 262787) سلمت يد الزايدي وصح لسانك يالمرخان شاعر مواقف كما عهدناك تحياتي وتقديري

الرسالة الأصلية كتبت بواسطة محمد الزهراني (مشاركة 262821) صح لسااانك مدد بلا عدد نص رااائع وجميل اشكرك على هذا النص الشاامخ تقبل تحياتي // محمد الزهراني //