|
الحكم محفوظ للــّه ثم لخو نوره * ..... * بالسيـّف والله يعزّك يا السعوديـّه
السلام عليكم ورحمة الله وبركاته قصيدة أعجبتني جدا ً واحببت أن أنقلها لكم أستغفر الله وقـت ٍ زادت شروره ____________وأعوذ بإسمـه وسلطانه وكرسيـّه قامت تدور الدواير وأختلف دوره ____________ الله يصون القلوب ويصلح النيـّه ياسرع بث الفضا يـوم أنبلج نوره ____________ والارض نيرانها من فوقها حيـّه أحوال ما تنستر .. وأحوال مستوره ___________ وعلوم ندري بها .. وعلوم سريـّه دقــّيت باب الضمير وطارت طيوره ____________ وأنا لي مع الحدث وقفه وقافيّه ( قناة الإصلاح ) .. خربانه ومخبوره ____________ ماهيب مثل القنوات الفضائيــّه ترسل لك الصوت ما ترسل لك الصوره ____________ أصوات ما تنفهم و وجيه مخفيّه بـ الهمز واللمز تآخــذ لفــّه ودوره ____________ جـحـّادة النور بين الشمس والفيّه واللي يشارك بها ما يقبل ظهوره ____________ والدرق والسرق من طبع الحراميّه اللي جلا فـ الخلا عبــّر عن شعوره _____________ وأن قلت وش فيك قال أم العبر فيّه ! يخون عهد الله وما سن دستوره _____________ ما حرّك الفتنه ألاّ ناس مبليــّه الله يكافى البلا من عنتر وثوره ____________ الثور ينفـخ وعنتر قاضب لحيـّّه يوم ( الفقيه ) افترا في ظلمه وجوره _____________ يسبّ من شدّ عظمه لعنبو حيّـه وش جاه ما حك راسه غير بضفوره ____________ لا يهبد القاع والقالات محميــّه ؟ طيّر عيونه على جرحـه ودكتوره ____________ والجرح ما طاب وآخر طبّه الكيـّه ينقــز بتعبيره و رايه ومنظوره ____________ وترقص معه شلـّة ٍ من شكله وزيّـه والله لو أنّه عضو في مجلس الشوره ____________ ملوي عساها تلوّا فوقه الحيــّه مستاجرينـه يعـدّ عــلوم ماجوره ____________ وأن زوّدا سعر غيـّه زاد في غيـّه نعطيه قرشين لين تسد حنجوره ____________ الشرذمه مالها الاّ مثل هاذيــّه تشرذمت وأصبحت بالحقد مشهوره ____________ معارضين المسارات السياسيــّه لو أن طير السعد ما مدّ دنقوره ____________ ما نبت مع جنب ضلعه ريش حنديـّه الحكم محفوظ للــّه ثم لخو نوره ____________ بالسيـّف والله يعزّك يا السعوديـّه تبقين يا ديرة أهل الجود معموره ____________ واللي يخون العهود يموت في غيـّه لشاعر (( سداح )) |
رد : الحكم محفوظ للــّه ثم لخو نوره * ..... * بالسيـّف والله يعزّك يا السعوديـّه
يوم ( الفقيه ) افترا في ظلمه وجوره = يسبّ من شدّ عظمه لعنبو حيّـه
.. . طيّر عيونه على جرحـه ودكتوره = والجرح ما طاب وآخر طبّه الكيـّه .. مستاجرينـه يعـدّ عــلوم ماجوره = وأن زوّدا سعر غيـّه زاد في غيـّه .. . الحكم محفوظ للــّه ثم لخو نوره = بالسيـّف والله يعزّك يا السعوديـّه الله الله تبقين يا ديرة أهل الجود معموره =واللي يخون العهود يموت في غيـّه أللهـم أميـن شاعر الاحداث والوصف (( سداح )) الشعر ومشالله عليه مبدع في النظم والمحاورة على انه أسـم مستعار وبقوة :) صح الله لسانك يـ ميلاف ولاهنت مليون على تواجدك ونقلك المتميز ننتظرك دائما تقبل سلامي واشواقي الخويطري |
رد : الحكم محفوظ للــّه ثم لخو نوره * ..... * بالسيـّف والله يعزّك يا السعوديـّه
lالرائع ميلاف
تسلم على النقل الجميل وصح لسان سداح والله يحفظ أمن هذا البلد من الجرذااااااان امثال الفقيه ومن هم على شاكلته كن بخير |
؟
أخواني الغالين سعود الخويطري و خالد العنقري مشكورين على المرور والرد لاهنتو والله والله يحفظ السعودية من شرور الحاقدين تحياتي أخوكم ميلاف . . . |
| الوقت المعتمد في المنتدى بتوقيت جرينتش +4.
الوقت الان » 02:25. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع