شعبيات - (( بابا .. ))

شعبيات (http://www.sh3byat.com/vb//index.php)

- قوافي البوح (http://www.sh3byat.com/vb//forumdisplay.php?f=13)

- - (( بابا .. )) (http://www.sh3byat.com/vb//showthread.php?t=21249)

(( بابا .. ))

يالله كم احب هذا المكان ..
جديدي لكم ولكل الأحبة هنا ..

( بابا )

الزمن عادته يالقلب الشقاوي
يسرق الضحكات.. من ايتام (بابا)

يالشقي ماعمرها جت بالتساوي ..
لا.. (ولكن تؤخذ الدنيا غلابا)

مانت باول من توسمه المكاوي
وورته دنيا الشقا .. عجباً عجابا

ياتجي مثل السروق وكل غاوي
وغنّ معهم (ميجنا) والا (عتابا)

ياتجي حالك مثل حال الشواوي
مثلنا .. غلبان من ضمن الغلابا

انت تذكر.. ؟

انت تذكر.. عام الأول ياهواوي
يوم اجامل / واتصنّع / واتغابا ..؟

لين ورتني صوادفها البلاوي
وخيّرتني : ياشلافي / يا جنابا

مامنعني غير منّاع العطاوي
وخفت من هيبة كريمٍ لايهابا

لأن هالدنيا ..

كلّ هالدنيا بعيني ماتساوي ..
فرحتي .. لاقالوا اطفالي ( يابابا )

المقر بما فيه ..
انا ..!
واستغفر الله
قلت انا ..!

رد : (( بابا .. ))

أتشرف يابوخالد بأن اكون أول من يقول لك هنا:

صح لساااانك مليوووون ولا يكفون

جمال .. جمال .. جمال

رد : (( بابا .. ))

top-1

صح الله لساانك

عزالله .. تؤخذ الدنيا غلابا

افتقدك المكان ويفتقدك القصيد
والبيوت الجزال ومترفات الورق ..

فعلا المكان هذا .. لم يتغير مذاقه الشاعري

شكراً لك

رد : (( بابا .. ))

لايشبهك الا قصيدك

انت علامة فارقة في الشعر

والوعي والتعامل مع الحياة

صح لسانك ابو بدر

رد : (( بابا .. ))

صح لسانك يا خال ..

الله يخليهم لك ويقر عينك بهم ..

أجمل الأماني وأعذبها ..

تحياتي ..