قصيده رثاء الشيخ علي بن جزاع العجل
قصيده رثاء في الشيخ : علي بن جزاع العجل رحمه الله الله يبيحك كثر طيبت نواياك *** وكثر الغلا بقلوبنا لك يحلك ويعطيك من عفوه كثر مافقدناك *** وكثر النجوم وكثر دمع نزلك ويجعل جنان الخلد دارك ومثواك *** وفي ظل عرشه يوم حشره يظلك ومن لذه الكوثر شرابك وسقياك *** ويسقى تراب بالوطا منزل لك ياشيخ ياللي تكوي القلب فرقاك *** من طيب راسك ياعلي طبت كلك ومن نادر افعالك ونادر سواياك *** مافيه شخص بالعرب مبغض لك ولا خاب راعي حاجه لاتنصاك *** زرع الجمايل ياعلي عادة لك وترفا الخمال وتدهل الطيب يمناك*** وعز الله ان القاصره ماتدلك انت الوفا والعز والخير مبداك *** ولا تنقل علوم الردى في محلك ياخو هيا من يوم غيبت محياك ***يرثاك مجلاسك ويبكي محلك ويرثاك فقد وجيه ربعك لملقاك**ومجالس في حضرتك ماتملك اي والله ارثاك وشلون مارثاك ** غابت علي الشمس بغياب ظلك الشاعر- ثاني سعود الشديد |
الوقت المعتمد في المنتدى بتوقيت جرينتش +4.
الوقت الان » 16:12. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع