![]() |
الـــجوكر !!!
ماعد بقى للعين دمعٍ وتسقيه =لاكبر همومي الضاميات الروايا اللي سكن قلبي وعيني وتاليه =أشوف ذكراه الصور في سمايا وش حيلتي في الحزن؟ مقدر اباريه =لو كنت في وجه البرايا برايا ياااا وجد قلبٍ مر الأيام راويه =هدّ النوايا مبدلات النوايا آخايله ..وارثيه..واهجيه ..وابكيه =واكتب على أيامي بدونه ضحايا لو للزمن رجعة..أبرجع لماضيه =وازيل عن وجه الثواني الخطايا واغليه فوق اللي أنا كنت مغليه =وتصوروا قد ايش كبره غلايا؟؟ بكون له موطن سعادة بمافيه =واصدق من الصورة بصافي المرايا بكون له ((جوكر)) بحقق أمانيه =بهديه فرحي لو جروحه هدايا لو جرّح احساسي و بكّى قوافيه =بشوف طعنات الخناجر عطايا اي والله إني في عذابي أبوصيه =واولى الوصايا تاليات الوصايا عزّاااااااااه ياشاعر وعزى هقاويه =صارت سبايا من يحرر سبايا؟؟؟ والمستحيل اللي سباها بيديه =طرد السراب اللي يعطّش ظمايا ياسكة أحلامي على سكة التّيه =ما عد بقى (للحض )) وقفة معايا مودتي // محمد الزيلعي |
الوقت المعتمد في المنتدى بتوقيت جرينتش +4.
الوقت الان » 21:14. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع