|
رد : منااااااا (ياووووطن..) اااااافي
#بوح_مختلف
كل السنين اللي مضت لي بذكراك تتساقط من الذاكره كل يومين كنتي هنا.. مادري هنا.. مادري هناك بس الأكيد .. انك هنا وسط هالعين |
رد : منااااااا (ياووووطن..) اااااافي
#بوح_مختلف
ياطيحتي.. حتى اصدقاي اخذلوني تفرٌقوا .. ماكنًي اعنيلهم شي تخايلوا في مقتلي واتركوني هالك ظما .. لاني بميت ولا حي |
رد : منااااااا (ياووووطن..) اااااافي
#بوح_مختلف
عندي سؤالِ .. يازمان الشماته مادمت متقلب .. وثورتك ثوره وقت الضرورة .. نعرف محرٌماته لكن .. ويش (محرمات الضرورة) ؟ |
رد : منااااااا (ياووووطن..) اااااافي
من قال لك رح ( للرقود) وصحٌه
في مملكة ذاته يعيش العاهل ماهي قضيٌة (حبحبة) او (جحٌه) حنٌا قضيتنا ( مثقف .. جاهل) شبٌت على صدر الدحيمي كحٌه وعلاجها ماهو يجي بالساهل تضحك علينا ياوزير الصحٌة ؟! ماكننا مثل البشر نستاهل!! محمد الدحيمي |
رد : منااااااا (ياووووطن..) اااااافي
بالله يادكتور ساعدنا وخذ فينا أجر
نبغا لبعض اصحابنا تحليل حمضِ نووي حنا بلشنا ماعرفنا اللي صدق واللي فجر لاصار ولد اللاش وافي والردا جاء من خويٌ |
رد : منااااااا (ياووووطن..) اااااافي
#بوح_مختلف ياخي انا مثلك اقدر أكتب واقرأ ماني بحاجتك يرحم جد من جابك الموت .. ماهو بفرقا الجادل الشقرا الموت.. لامن دفنت بيدّك احبابك للحديث بقيّة .. ✋ |
رد : منااااااا (ياووووطن..) اااااافي
ابغى مدينة غير كل المداين
وان كان ماتوجد عساها تساهيل مادامت الدعوة هياط ومزاين مزاين ابل ولا مزاين رجاجيل |
رد : منااااااا (ياووووطن..) اااااافي
ابغى مدينة غير كل المداين
وان كان ماتوجد عساها تساهيل مادامت الدعوة هياط ومزاين مزاين ابل ولا مزاين رجاجيل |
رد : منااااااا (ياووووطن..) اااااافي
ام جنيب الذيب في عرف العرب ماعمره يهرول عبث والكلب يستذيب ضعافة ..من رداه وقلته بعض الرجال اردى من ام جنيب واحيل من الشبث في رزّته يعجبك .. وان تبخصه بانت علّته لاينفعه كيٍّ .. ولا مليون راقي لو نفث روابعه متناقضه .. ماتعرف اش هي ملّته الورث ورث الطيب ياحي الوريث اللي ورث من بوه عز النفس والفزعه وفرحة طلّته البعض لامنه تكلم قلت يامال اللوث والبعض يسحرك بكلامه والعرب ماخلّته بعض الفكر ودك لو انه من جذوره يجتثث والله مابغا راعي الفتنة ولا ابغى شلته واللي تعايب راعي المركاض يومنه لهث نعذره لأن الركض ماهو له ولا بجبلّته ماينقد الراعي على من يحرث ارضه لو حرث كلن على الله مرزقه كلن على الله دلّته وانا لك الله ماكتبت الشعر من خبث وخبَث مجرد انسانٍ وكم دمع ٍ عيونه هلّته العتم عتمٍ خابرينه ياسمي والشث شث والسوق يجمع شاري الغلّه وبايع غلّته والشاعر اللي عادته لاهزّه الطاري يبث من خافي اشواقه فريد الشعر تدمح زلته من عادته يستسقي البراق لاناض.. ويحث خطاه في ساقة بروق كاذبه .. مابلّته اخطي .. ولكن ماوصلت الزندقة والا الرفث واضحك ولو مرّ الزمن يغصبني اشرب دلّته لكنّ ماني ملزمٍ في مجلس انسانٍ يغث والا بنات الدهر ياكم من عزيزٍ ذلّته محمد الدحيمي |
رد : منااااااا (ياووووطن..) اااااافي
الصباح اللي رقد بعيون ساره
هو خذا من كحلها والاّ حورها مانشدته عن بياضه او سماره هو فضحها الصبح والاّ هو سترها ؟! |
رد : منااااااا (ياووووطن..) اااااافي
تعال اباعلمك علمٍ مبتداه نهاية
علمٍ وصكات التجارب لقنتني درسه ماهو من علوم السماجة في قناة بداية ماشال هم الغرس غير اللي تعب في غرسه |
رد : منااااااا (ياووووطن..) اااااافي
#شطحه
الجادل اللي حبها جور في جور تقول لي : حس ّ وتكرّم عليّه ماهو مهم تعيش وتموت ياثور بس المهم تعيش وتموت فيّه 😊 |
رد : منااااااا (ياووووطن..) اااااافي
عادتي الجم عنان الفكر واروض خيوله
واسرج المعسوف واعسف كل مهرة نافره واكحلٍ مني غدى قبّ الرمك عجزت تطوله مستذيرٍ ماقدرت اقص جرّة حافره |
رد : منااااااا (ياووووطن..) اااااافي
#بوح_مختلف
الشعر كم وطى قروم ومطانيخ واحيان يرفع قدر ناس حثاله احيان يعطي عدوة الذيب للذيخ واحيان تاخذه الحميا جهالة #وجهه_نظر |
| الوقت المعتمد في المنتدى بتوقيت جرينتش +4.
الوقت الان » 07:11. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع