(( قصيدة الشهر)) .. ((2))
http://bb.eqla3.com/p/5555.gif السلام عليكم ورحمة الله وبركاته احبة الشعر : اكثر من 4 نصوص جميلة ومميزة تنافست على لقب اجمل قصيدة في شعبيات / قوافي البوح لشهر ذو القعده /اكتوبر الماضي وهذه القصيدة استحقت بإجماع مشرفي قوافي البوح ان تكون : ( قصيدة الشهر ) لو مالي الا انت..ياوجه الحياه البشوش=في عالم الانس..من ذا الانس..واجناسها. تكفيني وحق من صاغ الجفن والرموش=واعطاك روحٍ..تهزم الورد بانفاسها. ياعاتيٍ ماتقاوم بالقنى..والجيوش=ولا تقاوم بغير الروح واحساسها. لاتسرج النوْ وظهور الهبايب تنوش=وتذيْر القاع وانا اقولك..واسها. يا انقى من الدرْ..وابقى من النحت والنقوش=واغلا من مجوهرات الارض..والماسها. واحب من راح من عندي,,وجا من الطروش=واطيب من حلوم ليلٍ..هب نسناسها. ماتغري العين عين..وللسواري عروش=يا احساس عيني وضحكتها..ونوماسها. يقدا سحايبْك نجم..وليلتين..وغبوش=تقراك للريح..والبيدا وعساسها. قم جوْد الليل لايسري وكبدي مخوش=يكفي عليها من اللوعات..ماحاسها. خلنا نسري السهر معنا مساري الوحوش=ونفل احاسيسنا والناس..من ناسها. يحدنا الجدي شرق..وغرب حد الحبوش=ونموج من روسنا العيْه تعوماسها. ليله..وانا..وانت ياوجه الحياه البشوش=نعيش لاحساسها..ونموت لاحساسها. قصيدة النحت والنقوش للرائع : محمد مدران اليامي .. |
رد : (( قصيدة الشهر)) .. ((2))
يستاهل والله بن مدران ..
قصيده رائعه .. تستحق هذا الإحتفاااء .. ونشكر اخواننا المشرفين على هذا المجهوود .. اجود التحايا للجميع . |
رد : (( قصيدة الشهر)) .. ((2))
القصيدة وشاعرها
يستحقان التميز |
رد : (( قصيدة الشهر)) .. ((2))
الله الله
تستاهل التميز وانت يابوخالد منصف للشعر الحقيقي صح لسانك بن مدران وسلمت يا ابا خالد |
إقتباس:
كل عام وأنتوا بخيـر وبسلام |
رد : (( قصيدة الشهر)) .. ((2))
السلام عليكم ورحمة الله وبركاته ,,
من العايدين وكل عام والجميع بخير ..الله يعيده علي كافة المسلمين بخير وسلام.. أخي الشاعر محمد الدحيمي واخواني المشرفين اشكركم جميع على هذا التكريم الغير مستغرب للشعراء بهذه الفكره الرائعه وللأمانه أنها مفاجأه ساره جدا بالنسبه لي وتزامنت مع العيد:)الله يجعل ايامنا وايامكم اعياد ..شكرا لكل من شرفني هنا وأكرمني .. ..تحاياي ..لكم . |
رد : (( قصيدة الشهر)) .. ((2))
عز الله ان القصيده وراعيها يستاهلون هالتميز
|
رد : (( قصيدة الشهر)) .. ((2))
يستاهل محمد بن مدران شاعر جميل وجزل ينشر بهدوء ويغيب عن بهدوء ليأتي ويهدينا اغلى الدرر الشعرية شكرا لشاعرنا محمد الدحيمي وشكرا لمحمد بن مدران على امتاعنا بالروائع tsh5 |
رد : (( قصيدة الشهر)) .. ((2))
قصيدة تستحق التميز .. وشاعرها بكل تأكيد يستحق هذا الاحتفاء من شعبيات الأدب ألف شكر شاعرنا الرائع / محمد الدحيمي .
|
رد : (( قصيدة الشهر)) .. ((2))
القصيده كفو
وراعيها كفو واللجنه كفو وافين ما غشوا ذمتهم والشهاده لله يستاهل اخوي محمد بالتوفيق للجميع |
رد : (( قصيدة الشهر)) .. ((2))
اشهد بالله أنها تستاهل التميز هي وشاعرها
وبيض الله وجه من اختارها والله انهم ماظلموا حظهم في الاختيار |
رد : (( قصيدة الشهر)) .. ((2))
إقتباس:
ياسلام عليك يابو بدر .. فكره أكثر من رائعه تنحسب بحسابك وصح لسان الشاعر محمد مدران اليامي .. قصيده رائعه واختيار في محله لاهنتوا |
رد : (( قصيدة الشهر)) .. ((2))
مقدور يامرحبا طال عمرك..تستاهل الطيب والعافيه ,,
شكرا لك على تشريفي هنا |
رد : (( قصيدة الشهر)) .. ((2))
مرحبا يانوره .. تستاهلين الخير ..
والجمال مكنوز بأرواحكم .. شرفتيني والله ..لاهنتي ومحمد الدحيمي يستاهل الشكر والله وكل طاقم شعبيات |
رد : (( قصيدة الشهر)) .. ((2))
مرحبتين يافهد الاحمد ..
تستاهل الطيب طال عمرك .. لاهنت على تشريفي بمرورك هنا ..والشكر ايضا مكرر للدحيمي وزملاءنا المشرفين .. |
الوقت المعتمد في المنتدى بتوقيت جرينتش +4.
الوقت الان » 18:05. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع