رسايل
وافين يالغالين يا..أقرب اقراب=ودام الوفا فيكم حيا في ربيعه دربٍ طويل ووقت ما قفّلوا باب=وصل الأهل لوّه رسايل سريعه |
الشوق جسر المحبة بيننا باقي=قلبي على متنه الدافي خطاويّه بين الهدب والهدب سحر التعلاّقي=والرمش مشهار جمعه كن لها نيّه ظلّت وجون ليان وغمز طبّاقي=مستوية الحدّ مزهيّه بماريّه |
يوم طاب الراس من فنجال شقرا=أرهت الغيمة على الخاطر بيوتي كنها وقت العشا مقباس غدرا=ضوحٍ وضوٍ كفتني لبس كوتي أسعد الله من وزا فيكم تذرّا=وماهو بعيدٍ نقص كفي وصوتي أنتوا كفوفى وسواكم ما تحرّا=وانتوا العيدين والقوّة وقوتي |
ياوالدي مسّيت بالخير والنور=وعسى المطر فى البير يبريك جمّه زفّـاج ٍ وزمّه مثل زمة بحور=من ساقيه لبلادُ بيتك يعمّه مبروك قرب الصوم ياجعله دهور=وانت بعوافي هِمّةٍ فوق همّه |
يامرحباً بالنور من حيث مابان=ماهبت النسمة على غصون الاشجار ترحيبةٍ من وادي بشعب (بُرّان)=وادي (رثم) يا كم تغرّق بالامطار اللي سبقنا بالتباريك لاهان=قد هي طباع له مراسيل واثار مبروك عيد اجمل مزايين الازمان=اللي بكم يسعد ويا خير من زار |
ياسلام لكم يا طيـّبين الفعايل=مثل رجْل وطيبه ظلّ يمشي معاه لادعانا ( الكفو ) جينا وجمع القبايل=والوفى اللي سبقنا كيف نلحق وفاه؟ |
في حبّكم للقلب صوله وجوله=صولة أصيل ما تعثّر وطاحي للاخت حبٍ زاد عرضه وطوله=لليل قد غطّى وغطّى الصباحي |
ترحيبتي صبّت بفنجال وابريق=خصّيص لـحسين(البزي) دون ريبه لاتعتذر! ما بيننا أيّ تدقيق=غاب القمر والشمس بعده ذهيبه ومثلك سما في عينى ماتــْغيب شرّيق=ذيبٍ وابن ذيبٍ ومن بطن ذيبه |
اشواقى شوقٍ (للخُبر) من مغاييب=أو شوق من (نجران) كانت له ديار
|
القلب مشتاق لحبايبـْه مهيوم=عشـّاق جمعات الغلا لبري لالام للعيد حبّ يشابهه حب موسوم=حب الأهل ميلاف للقلب لزّام ياجعْل لاعياد البهيجه لنا دّوم=وحنـّا بامن وايمان في عزّ الاسلام |
الشعر جاذب لي ملوك و مماليك=عنـّي كفى وان متّ ما حْد رثانـي
|
يامرحبـاً عليـا تتعّبـك لا رنْـت=تحوم لك ياذرْبٍ و كلّ ذربي أسقي عروق القاع من راس وامنْت =بانّ الورق عدوان تحتـاج حربـي نوب مشربك مخلب الكدّ ما اذْعنْت =ونوبٍ بحوم اجنحته يفضِّ سربـي الله ذكرته فـي نعيمـي ولا حِنْـت =يسّر عسيري ثـمْ تخطّيـت كربـي والشاجع المِزبن ترى مزْبنـه أنْـت =والعذْر مطلـوب لمثلـي وضُرْبـي |
يالله ياملـبّـي ٍ داعـيـك يـاوالــي=افـرج لـروح ٍعليلـه سُقمهـا خافـي تسهر عيون الشقي من خاين ٍ سالـي=وتل الهدب دمع عين يهلّ وكّافـي والنوم لا حَـلّ حَلـّه رمش ما يْوالـي=يشهق بصوت النفس م الضيم متحافي يشرح شقا اقدارٍ و .. يبكي على الحالي=عذّاب اذن سامعه يا كيف لو شافي؟ حُول يباس اوله جرّ الحيـا تالـي=والعين تشرق بنـورُ وظلّها لافـي والهُوج تغزي مغازى الضدّ والشالـي=يهزم بفكره عواتـى النُـود ويكافـي ومدّ البحر والجـزر دنيـاك والجالـي=فاحفظ كنوز الزمن وانظم بها الصافـي واصبر وتجني ثمار الطيب م الفالـي=وافرق بصبر الصدر موجٍ عدى نافـي ماجبت زينـة حيـاة الكـون والمالـي=وتاجك وملباسـك الضافـي ولاشرافـي ويالله ياملـبّـي ٍ داعـيـك يـاوالــي=افـرج لـروح ٍعليلـه سُقمهـا خافـي |
ياديرتي حُـــرّة سما تحمي جناحينش فعايل/ أصغر صبي من صلب يام من القمر للشمس يا نجران خفّاق وطايل/ همدان من حومك حيام |
ترحيـــبه
مرحباً يارجالً فى الفعايل تقدّت=بمكسب اجدادها ونسل السلاله ضمان ما ارخت النوّه الدهما عددها وعِدّت=ما ابتدى فالسما هبّ وزار الطمان |
الوقت المعتمد في المنتدى بتوقيت جرينتش +4.
الوقت الان » 17:01. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع