يقول الشاعر اللي مايجيب الا جزيل القاف
..........................................سلام الله سلامٍ يعجب الشعار تصويره

والا يانايف ابن سعود لا تاقف على ميهاف
.........................................تقدم ياعميل الخير واطلب ربي الخيره

الايامرحبا والطيبه عند الرجال تشاف = نقدم للرجال الطيبه مع طيب السيره
اناخابرك خيال (ن) على صم الرمك عساف = ونا قدام عينك ماتعزوى داخل الديره

خذينا تولة الكادي وريح الطيب ماينعاف
.......................................انا آعرف العطرجي واعرف اللي يدهر كيره

تراني فاهمٍ رطنك وخليت الثقال خفاف
.............................................نباها هرجةٍ ذربه بحكم السن والجيره

تمشى طول عمرك في ديارالخوف ماتنحاف = ونا قامت تناهشني جزازيرٍعلى ضيره
ولاياصاحبي خربوش جعله مايصيرخلاف = ترى مايغرق المركب اليازرت مساميره

اسف على التأخير لبعض الظروف:)

تمشينا وخذنا بالغصايب عالي المشراف
.......................................جميع الروس في حضرة كبير الساحه صغيره

والا يالشاعر المرهف والا يالكاتب الشفاف
..............................................ترى ماكل من يكتب يذب الريع تعبيره

تمشى في ديارك لاتجي في دار أبونواف = تفرنك لين تلقاها وخذلفه وتدويره
ترى مانيب ناطح يارفيقي حذفة الحذاف = ولكن من لحضني بالعيون أطلع عصافيره

ارحب يانايف ولا ابطى من جا:)

عسى الله يستر احوال الوزير محمد الصحاف
.............................................ليا منه تهرج نط من حفره لدحديره

سلاح الذيب ابوشرشور .. والذبان بالبفباف
.......................................وابوقرنين لو ينطح نبي نقطع جراجيره

تحملني ديونك ماتنقد صرفة الصراف = ترانا لاعطيناالريع جافالريع تدقيره
تدرق في جهام القوم لاتعرف ولاتنشاف = علامك ماتبين دام في يمناك تثويره

هلا والله بطلتك ياذيبان يسعدنا تواجدك :)
استلم يانايف

احملك الحمول اعرفك فيك من الحصان اوصاف
..........................................حصانٍ كل ماشال الحمول ارخى مزاميره

انا جني وربي ساقني ياكاظم القلاف
..........................................على راسك عذاب ونار بالمدفع وجنزيره

عسى الله يقلعك مانيب وامن ضربة السياف = تضاحكلي سنونه والبلى نفخة مناخيره
ليامني بغيت اصفك منتب باللقى خواف = شجاعٍ تعتزي دايم على الغاره بخونيره