|
فايروس Xdark كيف اتخلص منه ؟؟؟
السلام على اهل الكرم والجود وانا اتصفح نادي .........<<< مشفر طبعا لقيت هلموضوع اللي شدني ليمه والموضوع بردوده مثل ماهو نغير من الروتين شوي ونعرض جميع الحلول اللي انطرحت وشاركت بالموضوع ....................... لاني قلت يمكن انه يصيب احد من اخواني الموضـــــــــــــــــــوع السلام عليكم ارجو المساااااااااااعدة بأسرع مايمكن ولد أختي كمبيوتره صاده فايروس لأول مرة اسمع به واسمه X DARK وهو فايروس يطفيء الشاشة ومادري ايش يسوي بعد المهم ان الكمبيوتر مايفتح ابدا وتصير الشاشة سوداء ومكتوب اسم الفايروس وسويت بحث في قوقل عنه ولم اجد سوى رابط مكتوب في عنوانه ( فايروس xdark من تصميمي ) اي انه الموقع موقع هكرز وكاتب الموضوع هو الذي عمل الفايروس الله لايوفقه حاولت افتح الرابط ولم افلح وهذا هو الرابط ياليت احد يحاول يفتحه يمكن يحصل فيه طريقة الحل او الذي يعرف الحل يقول وجزاه الله خير http://www.sqor.net/showthread.php?goto=newpost&t=2772 ياليت بسررررررعة كيف نتخلص من هالفايروس وللعلم ولد أختي عنده برنامج كاسبر سكاي فكيف دخل الفايروس ؟؟؟؟ الكاتب سالم النابتي وهذي الردود اللي حصل عليها وكيفية حلها الرد الاول من سالم النابتي نفسه دخلت بالموضوع بالغصب عن طريق التسجيل بواسطة موقع يترجم ولكني وضعت فيه رابط المنتدى وفتحه وطلع الشخص كاتب هالكلام :- مميزات الفايروس :ـ إطفاء الشاشة بكل مرة تعمل بها اذا كان الضحيه يستعمل شبكة داخليه فسوف يقوم الفايروس بنشر نفسه بجميع الأجهزة الموصوله بالشبكة والإنتشار بالـMIRC والإنتشار بمجلدات النظام وصيغة الفايروس ليست exe بل scr وهي صيغة شاشات التوقف ومن مميزاته تعطيل مدير المهام الـTask manager وتعطيل محرر التسجيل الـRegistry ويعمل مع تشغيل الجهاز وسوف يتم تعطيل الماوس وإيقونة الفايروس هي إيقونة فيديو يعمل ببرنامج Windows Media Player والتسجيل بالريجستري بأكثر من أسم ولن يستطيع الضحيه دخول اي موقع بعد الضغط على الفايروس وانا اضمن لكم ان هذا الفايروس لن يكشف من اقوى برامج الحمايه الى ان انتهي من الأصدار الجديد الله لايوفقه لادنيا ولا آخره ايش الحل معه الحييييييييييييييييييييييييييييييييين ؟؟؟؟؟ الرد الثاني من الواثق طيب حاول تدخل بالوضع الآمن وتحذفه .. لكن يمكن ماتفيد لأنه دخل في النظام ! طيب حاول تلغي شاشة التوقف .. يمكن الفايرس مايشتغل لكنه بيبقى موجود ! الله يعينك يا سالم .. ألي سوى الفايرس شكله واثق من نفسه بقوة الرد الثالث كان من striker انا اللي اعرفه ان برنامج الكاسبر سكاي يصيد أي فايروس مهما كانت قوته حتى الفايروسات المشفرة ببرامج حماية يصيدها. أخوي سالم جرب انك تسوي سكان بـ safe mode وتحذف الفايروس أنا اعتقد أن هالطريقة راح تنجح لأن الكاسبر سكاي يقدر يحذف حتى الفايروسات اللي بالريجيستري وطبعا ميزة safe mode ان معظم البرامج معطلة عشان كذا راح تحد من قوة الفايروس. جرب ورد لنا خبر وان شاءالله نقدر نفيدك. striker الرد الرابع كان من سالم نفسه السلام عليكم ابشركم تم مسح الفايروس واليكم التفاصيل :- بعد نهاية دوامي الساعة 11 رحت لولد أختي وكنت زعلان جدا عليه لأنه للحين صغير بالعمر وأنا حذرته مايحمل ملفات غير ضرورية ولكن حظه طلع زين حيث انه طلع مو موجود :) وقعدت على الكمبيوتر وشفت المشكلة واعدت التشغيل وضغطت F8 وفتح الوضع الآمن وسويت بحث لأسم الفايروس XDARK ووجدته في ملف الويندوز بصيغة exe وسويت له حذف وانحذف وفكرت ان المشكلة انحلت واعدت التشغيل ....... ولكن مازالت المشكلة موجودة ، ففكرت اسوي سكان ( فحص ) بالكاسبر في الوضع الآمن ولكن طلعت لي هالصورة :- http://www.nadi.abdu.net/attachment....tid=1422&stc=1 وهالشيء حدث لي في كمبيوتري وهو ان برنامج الكاسبر مايشتغل ابدا في الوضع الآمن فأيش الحل معه ؟؟ هل فيه طريقة تجعله يفحص في الوضع الآمن ؟؟ اما ان السبب النسخة ؟؟ النسخة التي عندي وعنده هي : 5.0.1.2.1 kaspersky Anti-Virus Personal 5.0.1.2.1 ياليت احد يجيب لي احدث نسخة للبرنامج مع الكراك ويكون سهل تركيب الكراك وياليت تكون النسخة الأحترافية لأنه ينصح بها اكثر من الشخصي الـ Personal المهم نرجع لموضوع الفايروس ، لما مانفع الكاسبر سويت اعادة تشغيل في الوضع الآمن ولكن لما طلع المستطيل اللي يسألني هل اريد ان استمر في الوضع الآمن ام استعيد النظام فاخترت ( استعادة النظام ) والحمدلله طلع لي كم نقطة واقربها قبل 3 أيام واخترتها واعدت التشغيل والحمدلله تم الإعادة بنجاااااااااااااااااااااااااااااح وتم اختفاء الفايروس :) هذا كل ماحدث والحين ياليت أحد يجيب برنامج الكاسبر بأحدث نسخة وكراك شغال 100% سلااام الرد الخامس كان من bsh017 مرحبا أخي العزيز : سالم النابتي ،،، لقد قرأت الموضوع الذي تحدث عن الفيروس فقمت بفتحه من باب تجريب الفيروسات فأصيب جهازي به ,, غير انني قمت بإعادة تحميل نظام ويندوز اكس بي وعاد الحاسب إلى حالته الطبيعية . وشكرا جزيلا الرد الخامس كان من الواثق مبروك يا سالم وإستعادة النظام فكرة سليمه .. وهي الحل الأول والأسهل في الـ XP تحياتي .. هذا هو الفايرس وهذي هي الاقتراحات او الحلول ملطوش بالتاكيد خيتكم الوتين |
رد : فايروس Xdark كيف اتخلص منه ؟؟؟
. :: الوتين :: ياهلا فيك ياخييه بقسمنا زارتنا البركه هذا اول موضوع لك هنا وبحيل الله مهوب الاخير حلو يكون للشخص خلفيه عن الفايروسات وطريقة التعامل معها وأضرارها نجي للموضوع الان أحنا مشكلتنا ماندور برامج الحمايه الا بعد اصابة اجهزتنا اما بفايروس او تروجان لو الواحد مشدد حماية جهازه ببرامج قويه راح يريح نفسه من هالدوخه ومشكلتنا الثانيه مانحاول نعرف وش برامج الحمايه القويه نودي الكمبيوتر لأقرب هندي وحط اللي تبي يابوهناد ونشقل الجهاز ولا ندري وش سوا الحبيب مانبي الكل يهتم بالبرامج وكل يوم هو داخل على موقع برنامج لا ,, اسأل وش الكويس وكيف تتعامل مع البرنامج وخلاص بالنسبه لي أقوى برنامج حمايه ضد الفايروسات هو العملاق الروسي الكاسبر سكاي برنامج جدا ُ قوي وخفيف وسهل التعامل وانا استخدمه من سنه ونص تقريبا مميزات البرنامج : *تحديث أوتوماتيكي كل ثلاث ساعات *لو ضغطنا الفايروس 12 بالـ Win zip او اي برنامج ضغط راح يكتشفه الكاسبر *نشاط مو طبيعي من المسؤولين عن هذا البرنامج قبل انتشار الفايروس تلقاه في قاعدة بياناتهم * حجمه بسيط جدا مقارنه بغيره من برامج الانتي فايروس * تعديل اعدادات البرنامج لاول مره بس ولا عاد تلمسه الا اذا بغيت تسوي سكان يعني البرنامج يعمل من نفسه بس انت زين الاعدادات وهو يعرف شغله مو زي النورتن اذا اكتشف فايروس يقول ترا الفايروس بالمكان الفلاني روح احذفه طيب انت وشوله انا حاطك بجهازي tsh6 أول ماركبته حسيت ان الجهاز مافيه اي حمايه من خفة البرنامج كنت متعود على الدب " نورتن انتي فايروس " ويوم جربت الكاسبر لقيت فرق مو طبيعي بينهم هذي بعض المميزات لكن بإختصار مافيه برنامج ينافس الكاسبر بوجهة نظري كان ودي أذكر افضل برامج الحمايه لكن ماودي أطيل بالكلام نجي للموضوع نفسه ... إقتباس:
لكن الكاسبر بنفس اليوم اللي انتشر فيه هالفايروس عرضه بقاعدة البيانات وانا حملته ومنعني الكاسبر اني افتح الملف إقتباس:
مو الفايروسات لأن الوضع الامن يعطل أغلب البرامج عن العمل حتى الانتي فايروس ما راح يشتغل ما راح يخلي الا برامج عاديه وبسيطه ,, البرامج اللي فيها مشاكل ما تشتغل بالسيف مود إقتباس:
بعض الانظمه مافيها استعادة النظام وبعضها فيها لكن ماتحددت نقطه لاستعادة النظام يعني ما اقدر اسوي استعادة للنظام في وقت سابق وانا ما سويت نقطة استعادة ونفرض اني مسوي نقطة استعادة من قبل شهر انا وش سويت خلال هالشهر هذا ؟؟ يمكن سويت شغلات كثيره وماابي اخسرها لو عملت استعادة للنظام إقتباس:
وهذا كمان مو حل الا انه اخر الحلول عن نفسي انا عمري ماخليت هالحل قدامي الا في حالة وحده بس هي ان الجهاز ماعاد يشتغل ابد ولا اقدر ادخل على النظام عن طريق الدوس بهالحاله مافيه حل غير الفورمات بس انا اقول ان العلاج يكون قبل الاصابه ولازم كلنا نتعلم كيف نحمي جهازنا اما لا سمح الله اصيب جهازنا بفايروس حلنا الوحيد اننا نتابع مع شركات الانتي فايروس وناخذ اسم الفايروس وبياناته بالريجيستري ونحذفهم يدوي عشان نقدر ندخل على النظام من جديد ترا حتى لو مالقينا اي شي عن الفايروس بالموقع نقدر نرسل للموقع نفسه رابط الفايروس ويحملونه هم ويردون علينا ويعطونا الحل باسرعوقت ممكن .. هالامور هذي مهمه ولازم نحرص عليها الله يعطيك العافيه ياخيتي الوتين واسف على الإطالة لك المايك :white: |
رد : فايروس Xdark كيف اتخلص منه ؟؟؟
البركه بوجودك ووجود اخواني إقتباس:
إقتباس:
إقتباس:
إقتباس:
تسلم خيي خالد على الرد الرائع خيتك |
| الوقت المعتمد في المنتدى بتوقيت جرينتش +4.
الوقت الان » 12:44. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع