أكره فصول العشـق بالمسرحـــيّــه=لانّ الفراق يكون فيهـــا النهــايه
ماجيت بلعب معـــك دور الضحـيّــه=هذي حياتـــي صدق ماهي روايه
وشلون ابشرح وأنـت كل القضـيّــه=متخـــرّج ٍ فينــــي بعلـــم ودرايه
يا صاحبي والظـلم فــي العنجهـيّــه=من يقنـــــع الظالم بتغييــــر رايه
خلك معايـــا كـــان تبغـــى المعـيّــه=عمر العشق ماصار حكي ودعايه
صعب الخويّ يروح ويترك خويّــه=وانت السفر عندك أكـــنّــه هوايه
لحظة وداعــك يوووه ياهي قويّــه=واللي يزيـــــد الهم كثــرالوصايه
لا توصّـني مانـــي بحاجه وصـيّــه=ولا تهزّني وتقول حرص وعنايه
واللي وهبْــــك الحـــب مني هديّــه=واللي عطاك الحـــق بامر الولايه
واللي وضع لك شان وسط البريّــه=والي خلق حسنك .. وخـــلاك آيه
انّــــي احـــس البعــد عنّــك منـيّــه=ويلي لاصار المـوت رغبه وغايه
يا معذّبــــي ارجـــوك إرفق علـيّــه=نصف العشق تعذيب ونصفه رعايه
لا تذنــــب ْبحقـي وخـــلّ الخطــيّــه=يالله عســـاك تــــدلّ درب الهدايه
احلــــم انا بلقياك .. واحلـم بجـيّــه=وتقول لي:- تعبــان ذقت الكفايه
واقول لك "بي عنك" هات الاذيّــه=الاّ السفــــر دامـــه "بداية نهايه"

وشلون ابشـرح , وأنـت كـل القضيّـه
............................مـتـخـرّج ٍ فـيـنـي بعـلم ,ودرايـه

:

فيصــل الخالد

وراائعـه , من رواائعه .. ولا جديــد
رائـع .. ياخالد .. حد اللاحــد
صح لســانك .. وسلم بنــانك

ولاهنــت ..!!




tsh6

أبو خالد ..
مرحبا والله ومسهلا .. أنور البوح :) ::heart::

أكـره فـصـول العـشـق بالمسرحـيّـه
.............. لانّ الـفـراق يـكـون فيـهـا النـهـايـه
ماجيـت بلعـب مـعـك دور الضحـيّـه
.............. هـذي حياتـي صـدق مـاهـي روايــه

ما أرق قلوب العاشقين ؟
هم يكرهون الفراق حتى في " فصول المسرحيّة " ! . .
فـ كيف والفراقُ نهايةٌ طبيعيةٌ لا بد منها ولا مفرّ عنها

واقول لك "بـي عنـك" هـات الاذيّـه
............. الاّ السـفـر دامــه "بـدايـة نـهـايـه"

إلا السفر يا أبو خالد إلا السفر


لاعدمت هـ التواجد

الله الله الله عليك من شاعر ,,,
فيصل الخالد ... ونجم يتلألأ بسماء شعبيات الرحبه
شاعر نسعد بتواجده وتواصله
وقصيده فيها من روح فيصل الكثير ...
انتي مسميها يا هي قوووويه
وانا بسميها لا للسفر :)
صح لسانك مليون يا فيصل
وننتظر جديدك بكل تاكيد

تحياتي ... احد متابعيك
سالم

صح لسانك يافيصل


قصيدة جزلة من شاعر لا يقبل إلا بالجزالة أن تكون له عنوان


لها جو خاص


معانيها تلامس الوجدان


لاهنت على الإبداع والتألق


أزكى التحاااايااا لك

يــا معـذّبـي ارجــوك إرفــق عـلـيّـه نصف العشق تعذيب ونصفه رعايه

واللي وضع لك شـان وسـط البريّـه
................والـي خلـق حسنـك .. وخـلاك آيــه
انّــي احـــس الـبـعـد عـنّــك مـنـيّـه
...................ويلي لاصـار المـوت رغبـه وغايـه
يــا معـذّبـي ارجــوك إرفــق عـلـيّـه
.......................نصف العشق تعذيب ونصفه رعايه


الله عليك يافيصل
اطربتنا وامتعتنا
رائع بمعنى الكلمة
الله لايخلينا من هذا الحضور المتميز
ولا يحرم شعبيات منك
تقبل اعجاب اختك
كل الورورد اللي بالعالم tsh6