|
زمــان .. المـهـزلــه !!!!! بعد غياب
السلام عليكم ورحمة الله وبركاته
اخواني واخواتي هذه مشاركه لي بعد غياب عنكم ارجو ان تحوز على رضاكم [poet font="Simplified Arabic,4,black,normal,normal" bkcolor="transparent" bkimage="backgrounds/7.gif" border="none,4,gray" type=0 line=200% align=center use=ex length=0 char="" num="0,black" filter=""] هيه يا نجمٍ تعلى ورى ذيك الغيوم= صار لي مده وانا وانت يا نجم ارفقا بس اخيلك ما معي كون صلفات الهموم = واحسب اللي راح من هقوتي واللي بقى غرني وقتي وقبلي بعد غرّ القروم = وما انكتب للعبد بيجيه ما عنه وقا منك يا وقتي بكبدي مثل ضرب السهوم = أو مثل طعنة رماحٍ تزارق باللقا وانت يا قلب العنا خل كثّار الهموم = ايه انا ادري انك طموحٍ وتسعى للرقى حارت الاقدام بين...التراجع والقدوم = مرةٍ اقدم بخطوه ومره افهقا صرت انا وياك يا قلب معطى ومحروم = والزمن عيا علينا يلين ويشفقا كل ما زاد العمر زادت اعداد الخصوم = وكل ما قلت انتهى الهم جدد باللقا ولا ذكرت ايام عمري وانا طفلٍ غشوم = جابت اقصاها عيوني وقلنا يا سقا ثم شعل بالصدر لاهب مثل لفح السموم = ولمت نفسي ليه تنسى وتظهر ما تقا يا زمان المهزله والسفاسف والرخوم = شف زمان الصدق ولى وصار ابك البقا والله اني صرت في كوم والعالم بكوم = ذا مزاجي مع مزاج العرب ما يطبقا لا حشا ما هو تكبر ولاني بمعصوم = مير كلٍّ له طبوعه وطبعي يفرقا ردني طبعي وسلمي وذربات العلوم = عن مماشي ناس تمسح بجوخ وتلعقا ناس تضحك لابغت من ورى شخصٍ لزوم= تدبل الكبد بسوالف بغيضه ومحقا ما عطاني خالقي مثلهم نفسي تشوم = ما ربيت الا على كل علمٍ به نقا صادقٍ في خوتي للرفيق اللي يقوم = لا زهمته يرتبع في مقامه يصدقا وان شكيت المعضله تاجده قرمٍ عزوم = صدرت الاريا وتورد وعنده تنلقا ذاك لو رجله حفت وكثرت فيها الثلوم = ببسط الكفين من تحت رجلينه وقا ما يغمك كون وقت حدا عزيز قوم = صوب نذلٍ ما نفع وان نفع ما ينسقا وحاجة ما تاتي الا بعد حب الخشوم = جزت منها جزت منها وراضي بالشقا وسلامتكم [/poet] |
محجوووووووووووووووووووووووووووز
صح لسانك يالطارق يسعدني انني اول من صافح هذه الرائعه تسلم يمناك ولاعدمناك وبيض الله وجهك قصيده رائعه من شاعر اكثر من راااااائع,,, لك خالص تحياتي والى الامام ايها الرائع,,, أحمــــد آل حــــــارث,,, |
" حارت الاقـدام بين...التراجـع والقـدوم مـرةٍ اقـدم بخطـوه ومــره افهـقـا
صرت انا وياك يا قلب معطى ومحـروم والزمـن عيـا علينـا يلـيـن ويشفـقـا كل ما زاد العمر زادت اعـداد الخصـوم وكل ما قلت انتهـى الهـم جـدد باللقـا " الشاعر العذب الطارق ... قصيدة تجتثني إجتثـاثاً نحو العمق ... إشتقت لهكذا قصيد أيها البديع ... لك الروعة و الجمال ... ومباركٌ علينا العودة مرة أخرى ... ــــ.. . |
وحاجة ما تاتي الا بعـد حـب الخشـوم جزت منها جزت منها وراضـي iiبالشقـا
أنا أشهد القدير الطارق مبدع .. متألق كالعادة . تحية تليق بك |
الطارق
صح لساانك مليووووون تقبل تحياتي اخوك مرزوق البديري |
لسلام عليكم .........
اخوي : الطارق ..............................صح لسانك وبيض الله وجهك كعادتك تطرق قلوبنا بالروائع ............ شكرا لحضورك ..........وشكرا لتواصلك .........والحمدلله على السلامه اخوي منك يا وقتي بكبدي مثل ضـرب السهـوم أو مثـل طعنـة رمـاحٍ تـزارق iiباللقـا وانت يا قلب العنـا خـل كثّـار iiالهمـوم ايه انا ادري انك طموحٍ وتسعـى iiللرقـى حارت الاقـدام بين...التراجـع iiوالقـدوم مـرةٍ اقـدم بخطـوه ومــره iiافهـقـا صرت انا وياك يا قلب معطى iiومحـروم والزمـن عيـا علينـا يلـيـن iiويشفـقـا كل ما زاد العمر زادت اعـداد iiالخصـوم وكل ما قلت انتهـى الهـم جـدد iiباللقـا ولا ذكرت ايام عمري وانا طفـلٍ iiغشـوم جابت اقصاهـا عيونـي وقلنـا يـا سقـا ثم شعل بالصدر لاهب مثل لفـح السمـوم ولمت نفسي ليه تنسى وتظهـر مـا iiتقـا يا زمان المهزلـه والسفاسـف والرخـوم شف زمان الصدق ولى وصار ابك البقـا والله اني صرت في كوم والعالـم iiبكـوم ذا مزاجي مع مزاج العـرب مـا iiيطبقـا لا حشا ما هو تكبـر ولانـي iiبمعصـوم مير كـلٍّ لـه طبوعـه وطبعـي iiيفرقـا ردني طبعي وسلمـي وذربـات iiالعلـوم عن مماشي ناس تمسـح بجـوخ iiوتلعقـا ناس تضحك لابغت من ورى شخصٍ لزوم تدبـل الكبـد بسوالـف بغيضـه iiومحقـا الله الله يابعدي والله انك صادق ...............تسلم حبيبي ماقصرت .. مع تحيا1111111111تي ,, :) :) |
الطارق
دخلت للقلوب بدون طارق صح لسانك وشكرا لفكرك وقلمك تحياتى |
الغالي ... المدار
تسلم يالسنافي ويشرفني شهادة شاعر رائع مثلك والقصيده زادت روعتها باعجابك بها صح بدنك ياأحمد وبيض الله وجهك اخوك.... الطارق |
الرائعه .... عبير بنت احمد
قبل كل شي احب ان ابارك لك على الاشراف وحقيقتاً انت تستاهلين جمعتيها ياعبير ابداع في القصيد وروعه في الاخلاق فالف مبروك والقصيده اعجابك بها زادها جمالا وخصوصاً الاعجاب من شاعره رائعه مثلك تحياتي الطارق |
هلاهلاهلاهلاهلاهلاهلاهلاهلاهلاهلاهلاهلا
هلاهلاهلاهلاهلاهلاهلاهلاهلاهلاهلاهلاهلا هلاهلاهلاهلاهلاهلاهلاهلاهلاهلاهلاهلاهلا رجوعك بعد هالغبية يكفي , وهو بمثابة القصيدة الرائعة . كان أرسلت مشاركة بدون كتابة اي شيء والله راح تلقى الرد عليها. ( يا أخب وينك انت ) . من طول الغيبات جاب الروائع . والله ما خلولي الخوان شيء أقوله عن القصيدة . أنت تعرف رأيي فيك زين . لكن القصيد والله جميلة , جميلة بكل معنى الشعر . صح لسانك ولا هنت وبيض الله وجهك . تقبل تحياتي ,,,,,,,, أخوك / عبدالله مرّان (1) http://www.eqla3.com/vb3/showthread.php?s=&threadid=438 (2) http://www.eqla3.com/vb3/showthread...=&threadid=1041 (3) http://www.eqla3.com/vb3/showthread...15&pagenumber=1 |
الطارق الجميل
فعلا هذا هو الحاصل في هذا الزمن لكن البقية في أهل الخير صح لسانك على هذه الرائعة تقبل تحياتي |
القديره ... قهر يزيد
شكراً لتواصلك ولاطرائك الذي يعني لي الكثير تحيه تليق بك :) الطارق |
عاشق سهر
صح بدنك يالغالي وشكراً لمرورك الطارق |
[mover]تنثر الابداع اينما كنت[/mover]
صح لسانك وبيض الله وجهك يالطارق يشرفني مصافحتها مره اخرى 00 قصيده جزله من جزل تحياتي لك |
راعي العنود
مرحبا يابو صالح والله انا لا غبنا مانشتاق الا اللي مثلك وشرواك صح بدنك ومن قال ابيض وجه تسلم يالقرم ولاهنت اخوك .... الطارق |
| الوقت المعتمد في المنتدى بتوقيت جرينتش +4.
الوقت الان » 17:00. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع