ياسعود
اتمنى ان تشفع لطول غيابي وترقى لأذواقكم ياسعود لاتنشد توردنـي علـى جـال الخطـر=كنـك توجـه يمـي البلجيـك وهـي مزرفـه وكنك تحرك جمر في صدري وطيرت الشـرر=خـل الهمـوم اللـي بقلبـي ياسعـود ملحفـه وطالبك لاتنشد وعلمنـي عـن علـوم المطـر=لاجا الربيع القى الحياه اللـي ماهـي بمزيفـه جرد الصحاري لن سقاها الله غدت روضاً خضر=وتصير لوحه بالخضـار وبالزهـور مزخرفـه والشمس تحجبها الغيـوم اليـن تحسبهـا قمـر=وجـات ام سالـم كنهـا تستقبلـك بالغطرفـه والذود مقبل والفحل لـو تقـرب لـذوده هـدر=كنك يقول لك من متى بينـي وبينـك معرفـه وام الحوار تحن مدري من طـرب والا قهـر=بس الوكاد اشعـر باحاسيسـي معاهـا مرهفـه لاهجرعت مشعان جر القوس من فـوق الوتـر=واليا مشت خطواتهـا خطـوات بنتـاً مترفـه واليا جلست بجالـة المـا واستظليـت الشجـر=وفوق الغصون الخضر نغمه من هديل ورفرفه والله ياهي تسوى المداين كل ابوهـا والحضـر=هذي الحياه اللي ماهي بغـلاف كـذب مغلفـه احلى هوى واحلى نقى واحلى نغم واحلى صور=لكـن حياتـي ياسـعـود مقـيـده ومكتـفـه |
رد : ياسعود
صح لسانك
|
رد : ياسعود
بثينه
دمت ودام تواصلك |
رد : ياسعود
الشاعر/ عوض الطلحي
صح لسانك قصيده تنقلنا الى اراضي الربيع وعطايا الله اعجبتني القصيده ولا تقاطعنا وتقبل تحياتي |
رد : ياسعود
عوض الطلحي قصيده تشفع الغياب جميله لكن التواصل يحتاج التواصل مع الآخرين حتى يبدو راأيهم في قصيدتك تحيه :55: |
رد : ياسعود
صح لسانك ياعوض نص
جميل سعدت بقرأته دام أبداعك وتوهجك |
الوقت المعتمد في المنتدى بتوقيت جرينتش +4.
الوقت الان » 11:23. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع