تعال ياعمـر السهـر وافتـح البـاب=وشرّع شبابيك السهـر وسـط داري
اشعل حطب ليلي مناجـاة واعتـاب=والبـرد هـذا تحرقـه روح نـاري
سولف بكيفك دامهـا ليـل واحبـاب=واقسى على قلب(ن) هجره الخضاري
مادام تدري زولـك اليـوم لاغـاب=يربـك غيابـه بتـخـاذي قــراري
ماني بقايل وش ورى سود الاهـداب=دامك حضرت وفي حضورك مساري
يامرحبا بك كثر ماصـدوا اصحـاب=عني وكثر اللـي سعـوا بانكسـاري
او كثر مايلعب زمانـي بالاعصـاب=واكثر من خيوط البيـاض بسمـاري
لك طلة اللي لاحضر ضيـع البـاب=وضيع مع الالبـاب عـذر انتحـاري
مانتـي لياجيتـي تناليـن الاعجـاب=انتي سترتي اعجاب لـولاك عـاري
مادام جيتـي خلـي الشعـر ينسـاب=ودي احـس بجيـتـك بانتـصـاري
ولا السوالف لو سكتـي لـي كتـاب=اقراك وابـدى رحلتـي بالمسـاري

عز الله إنه منسـاب ، وفيه براد الهبوب وعذوبة الماء الزلال ووارف الظلال..