|
للجميع أقلطوا القهوة والمه !!
أحبتى
بعد السلام والتحيه والاحترام أسعد الله أوقاتكم حتى الان رسمى:mad: ما فيه غير سلامتك مشرفنا عبدالله يقول ليش ما تشارك بالديوانيه طبعا أنا قلتله :) كلما دخلنا شفنا القهوجى مسنتر عندك وعند أبو نوت مطلحه طبعا علشان ما يشطب وحنا ما عندك أحد:cool: الزبده أنا أبجيب القهوة التركيه معى واللى يبى أبصبله بس شوى عاد علشان ما تخلص:eek: السالفه وما فيها علشان يزيد التواصل حلوه التواصل نبى نطلع من الشعر شوى وندش للحياة لكل فرد فى شعبيات بإعتبار أن الجميع أخوان لذا والوضع بعاليه نفيدكم بأننا وبناء على ما ذكر أعلاه سوف نقوم بطرح فكره هى ليست بجديدة للمعلوميه ولكن لامانع من سرقه المذكور للفكره للرقى فى أى مكان:o كل عضو يتم أختياره سوف يتكلم عن حياته من يوم يقوم من الفراش حتى يخمد للفراش يعنى حياته 24 ساعه بس هاه بدون نصب نبى بداهه ومصداقيه واللى يخالف ياويله من عبدالله واحد يمون واشيب عينى شيباه الظاهر أول من راح يشطب أنا الزبده العضو أذا خلص يختار العضو اللى بعده وهكذا وأكل العنب زوج زوج!! طبعا المشاركه للبهوات وللربايع على حد سواء البدايه طبعا أنا راعى الفكره أممممممممممممممممممممممممم أقول المشرفين والمراقبين يروعون بس البدايه بشايب أف قصدى ولد الهاص أخى الغالى : أقلط الله يحيك وسم الله وعطنا اللى فى صدرك تحياتى |
صباح القهوة يا خالد
ومنا إلى ولد الهاص :)
بما انني سبق و قمت بإنتخابه في المعركة بينه وبين بنت الشيريا .. إلا أنني أنفي أي معرفة أو علاقة تربطني به من أي نوع { و نعم الانتخاب } :p وفي حالة أن تأخر المرشح اعلاه ... فأني أرشحك أنت يا خالد لتعريفنا ببرنامجك :) تحياتي للجميع ... ــــ.. . |
اخوي خالد الذيابي
انت ماتوحي طق الباب ياولد يابو حميد ياهل البيت أوك <<< سجلها اوك يا عبد الله مران << بدل ويش اوك اهنيا احد ولا لا ورع .. ورع هاه انت منت ولده هاه صمخ انت ولد من والبيت هذه فيه احد انا ولد خالد ونعم وبك اقلط ابوك هنيا ايه مايوحي الطق على الباب لا فا اقصى البيت يتفرج على LBC على ايش على البسي لا والله اللي منا على ايش يا ولدي انت علا مك ما توحي << ماكنه اولا مسويها في مرتين لا اوحيك بس رح علم ابوك قل الريجيل اللي عزمتهم جوك طيب يابو حميد أقلط اقلط ياولد يالله حيه السلام عليكم عليكم السلام وحب ما تحب كيف الحال بخار وش لونكم بخار وكيف الحال بخار وانت وش لونك بخار وكيف حالك بخار وطيبين كلكم بخار الرديه حاميه LBC شو بي أولو هيدا ياماما شو بعرفتي يعني شو بخار ماما يمكن فاكهه بس موعدنا بيحبوها كتير ___ وانتم طيبين بخار تباني اعلمك منين عطيت اليوم ومن اين سندت هات علومك اول شي ولد الهاص عليه مراويح ومساريح ماهي صاحيه وإن طاعني يختار عبير أحمد وهاذي حبةخشم خلوني اخر واحد اخوي ما يجي منك الا العلم الطيب والفكره ننتهبها الك اسلم يالغالي وتقبل تحياتي اخوك ابو مهنا |
لقطتني محش
رسالتك قريتوها يا خالد لا تسفهني الله لا يسفهك لا تطيع فيني العواذل كان انا مخطي ترى معاد اوالي ومعي راعه ومعاد اللي طوقةٍ في المجاهد اوكي اوكي وشهو عليه مدري الساعة خمسة الفجر قمت اخم خيط وقط خيط ننتضرك يا الهايص سلام |
الاخت / عبير
ياهلا وغلا صباح العود الازرق :D طبعا مشرفه مقدر أقاشرك واحد يبى الشر ياعبير الله يهديك أنا صاحب الفكره:D خلونى بالاخير :) ألا أنتى تولمى ترا الدور واصلك أنا أعرف بعض الشعراء وأن نصب وألا زود أبطير بحلقه;) شاعرتنا الله لايهينك تحياتى |
أوك
واشيب عينى شيباه أبو مهنا ياربى تحيه ياهلا وغلا يقول الوالد الله يطول فى عمره من ضمن قصيدة طويله : يامرحبا من قلب ولسان وحجاج ******** ترحيب روقىٌ وفى عن شعوره لاهوب مضهودٌ ولا هوب محتاج ******** لاشك وده كل طيب يزوره أرحب الباب مشلوع ما فيه باب الله يطولى بعمرك والورع :D أى ورع الله يجيب أم الورع علشان يجى;) أبو مهنا هالحين أنا بالشقه يعنى أبعد عن الطايف بس 700 كيلو وعندى واحد حياته نوم تصدق مرااااات أصحيه أخاف بأنه ميت:confused: والدش هذا ولبنان خصوصا الموت الازرق يقول مشعل بن محيا : فى قصيدة لانها لازم تسافر يم لبنان الشقيقه ******** لعنبو لبنان هذا ما وراه ألا البلاوى شوف عينك حض غيرك يمدحون القناه الاولى والثانيه أريح للاعصاب ياهلا يأبو مهنا وتولم الدور واصلك تحياتى |
ياهلا
ضيف حلقتنا ولد الهاص ياربى تحيه عين لك فراش وعين لحاف :D صارت العيون فنادق الزبدة وربى أدى أنك مشغول بالحرب والكر والفر ولكن كان الله بعونك وبإنتظارك تحياتى |
ياهلا
يأبو مهنا :D وش اللى مصحيك 5 الفجر هذا والله الصباح :) ماألومك والله اللى يتعود على النت يدمن الله لايسلط علينا والعاقبه للفواتير أرحب ولك تحياتى |
اخوي خالد الذيابي
الله يمسيك بالخير قولو اللي تبون وانا حاضر وانا يوم مايكفيني يمكن يومين تحياتي لك واليومين اعذرونا فمان الله صاح الانذار |
اخوي خالد
الهلا بك والغلا لك يالقرم والله ونعم في لابةٍ تنتمي لها ياكثر مافي قلبي الهم من الطيب وابوك علومه مقعدةٍ راسك يا سنايدي والمقلوعة الديوانيه الظاهر تبي تغدي بنا عن القصيد :D ووك أثرك عزوبي :cool: أتيك الخير قله ترى ماقد وطا الفعر واطيك ايه ويش انت يا لبنان ,, كلاخ أزين منه:D 11 سنه مارش سماه :o جو صافي بوحهٍ عام وش لك بالمياه وطرطشتها على ثيابك وسيارنك << يحسبنها مثل شوارع جده:rolleyes: العام فالصيف راحوا له ربعٍ لي من الثبتان اللي عندي <<< واطر جيبي وارسلت لواحدٍ منهم رسائل با لجوال يا مـل قلبٍ ماهـــوب مــرتاح *** ما شـــاف لبنان بعـيــونه يقــنب صـــريره يبـا المرواح *** مـــربــوط عي يـو يفكونه قعــدت فالجــوف وله إصياح *** العســكريـــة ومــلعـــونه قـــعــــدت ومـناحــــرٍ در داح *** اللي مطـافيـــحن إسـنـونه:D :D وانـــا لـياشــفــت بــــرقٍ لاح *** عــيــــوني القشر مفتونه سلمان بعض الحضوض ملاح *** وحضي تزحلق بصابونه مـــرو عــــلى إقلـــيم ابو تفاح *** تعـــينوا فــــيه وش لونه تـــراه مـــذكــــور لــســــــــياح*** وهــني مـــنهم يــزورونه ـــــــــــــ وأما وش مصحيني ليا الفجر امر الله يابو حميد والفواتير عليها معونةٍ بالله بس عسانا نكسب العلم الغانم معك انت وشرواك والباقي في قليط :D الا على طاري قليط هو وشهو بير ولا هبية ولا ديره ولا سزن ولا ويش اخرتها ويش الا ان ما عندي سالفه بعدين اعلمك با السالفه ايات اعلمك ولد الهاص ماهو جاي:D يعله خير ما قلنا تحروا الصدق اجل وين هو ليا هالحين نشبان فالمهاوش سلملي عليه سلم وإلو إني بسلم عليه سلم بوس لي عينيه كانها وساع <<<, يتشرط تحياتي لكم جميعاَ :p :p :p :p :p :rolleyes: |
خالد الذيابي ...
فكره رائعه موفق اخوي معليش يالذيابي فنجال قهوه الله لايهينك أبغى أعدل هالراس الماخوذ :rolleyes: ولد الهاص :D أحلىىىىىىىى يا البرنامج الخطير :) أوكي انا طالعه حبيت أسجل حضور وبس غدي يجي يوم وتقولون يا الرومه وش جدولك :confused: تحياتي للجميع خالد الذيابي عبير بنت احمد أبو مهنا ولد الهاص عبدالرحمن اليحيى الرّيــــــــــــــــــم خارشتهم :mad: |
أخوي خالد الذيابي
بيض الله وجهك على هذا التواصل الجميل وأنااشهد انك لا جيت جيت وجبت معك رائع حتى في مواضيعك ,, حبيت اسجل حضور وأترك المجال للعبير بنت أحمد شكراً لكم جميع ,,,,, |
أخى الغالى : عبد الرحمن.
أرحب يالله تحيه ياهلا وغلا خل عنك تقهو هالكبتشينو القهوة التركيه خلصت الربع هنيا مشافيح مدمنين قهوة مع هالرطب السكرى الزبدة الرسميه خلها:D ;) ولم عمرك والسرا واصلك تحياتى |
أبو مهنا
ياربى تحيه من يوم سار لين وصل أرحب أرحب تقهو من الشاذليه ياخوك لاتذكرنى بالطايف ياحليله مع جو ساجر لا البلا الرياض أهله الله العالم يبى يصيرون دجاج بشوايه أخذت فيه أسبوع لا المكيف ولا غيره يسر سالفة الرجال اللى يقول بقطته بقطته ما ينتبقط :D هاذى تبى مترجم يابو مهنا العلم الغانم حنا نتعلمه منك الله يطولى بعمرك المجلس هذا والله ما هو بقشر الواحد يوسع صدره ويستانس والدعاوى كلها مزوح القصيد تشبعنا منه والله يابو مهنا أنى زهقت من كثر مأكتب لا واللى أحذفه أزود بعد أبو مهنا شكرى لك ولك تحياتى |
أخى الغالى : ولد الهاص
الله يبيض وجهك وافى جدول صراحه حلو بس العمل وقته مو لذيك الدرجه كان الله بعونك ويعلم الله أن من بركات النت اللى جمعتنا بمثلك شاعرتنا العذبه : عبير بنت أحمد تقهوى الله يحيك وعطينا جدولك أذا كان لايوجد عليك تكلفه حلوة تكلفه ;) :D تحياتى |
| الوقت المعتمد في المنتدى بتوقيت جرينتش +4.
الوقت الان » 23:29. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع