|
------- (( الــلــي تـــبــي ســمـــــــــــه )) -------
<center>اخواني واخواتي الاعزاء بمنتدى الشعبيات
السلام عليكم ورحمة الله وبركاته هذه مشاركتي الثانية اتمنى ان تحوز على رضاكم واستحسانكم ..... ( اللي تبي سمه ) وش بي اذا شــفت نـجـمٍ ايـتـهـيالـي ***** وابحث عن الصاحب اللي ماظهر نجمه ادورك فـي الســماء ياعـز الازوالي ***** واقـــول عــلـك تـجـي وتـشـــتـت الغـمه يــرتــاح قــلبٍ عــليل بـشر الاعلالي ***** تـبراه مــن عــلته وتـشـيل مـن سقمه تــرا مكــانــك رفــيع ومـنزلـك عالي ***** وقدرك بقـلبي ماتدري ويش هو حجمه اي والله ان الذهب في معدنه غالي ***** وغــلاك وســط الفــؤاد مـوصــل القـمه اذا عـشــقتك يابنت الناس من بالي ***** وعـندي خــبر بالهوى كم ذقت من سمه انا على الحب عشت المر والحالي ***** اقــتات مـن طيـبـتـه واذوق مــن ظـلمه مايــورث الحـب مـن عـمٍ ولا خـالي ***** ولا خــلق واحـــدٍ والحــــب فــي دمــه احــب صــوتك ليا طرق وانا سـالي ***** واحــب حــتى نـفــسك اجـمـعه واشمه بتقول هـذا جــنون واعتـبره هبالي ***** ســمه جـنون او هبال واللي تبي سـمه وسلااااااامتكم .... حسن آل مسفر </center> |
اخوي حسن ال مسفر:
صح لسانك على القصيده الجميله....عذبه بمعانيها وافكارها.... اخي الغالي لي ملاحظه على الشطر الاول: وش بي اذا شــفت نـجـمٍ ايـتـهـيالـي.. اتقوع لديك خطاء مطبعي... هل اردت: وش بي اذا شفت لي نجم ايتهيالي؟ احس ان في هذا الشطر خلل؟ كذلك البيت الاخير: بتقول هـذا جــنون واعتـبره هبالي ***** ســمه جـنون او هبال واللي تبي سـمه الشطر الاول....جنون واعتبره...الواو تثقل الوزن لو تشيله افضل... الشطر الثاني: سمه جنون او هبال واللي تبي سمه... ياليت شلت الواو اللي بعد هبال... يكون كذا مستقيم: سمه جنون او هبال...اللي تبي سمه اخي هذه ملاحظات بسيطه في الوزن قد تكون اخطاء مطبعيه... بالنسبه للقافيه الاخيره ....انت بنيت قافيتك على الميم والهاء...والميم تكون مهمله...ولكنك استخدمت ميم مشدده مما اخلف عندك وزن القافيه الاخيره... نجمه...القمه....القمه ميمها مشدده....هل تلاحظ اختلاف الوزن في الكلمتين؟ هذا قد يكون مقبول في بعض الاحيان ولكن المستحسن لجمال القصيده ان تتفادا مثل هذه الملاحظات. اخي هذه ملاحظاتي. وياليت تنتبه لها في المستقبل. تقبل تحيات اخوك البدوي |
مايــورث الحـب مـن عـمٍ ولا خـالي ***** ولا خــلق واحـــدٍ والحــــب فــي دمــه
احــب صــوتك ليا طرق وانا سـالي ***** واحــب حــتى نـفــسك اجـمـعه واشمه بتقول هـذا جــنون.. اعتـبره هبالي ***** ســمه جـنون او هبال ..اللي تبي سـمه صح لسانك والله يعطيك العافيه تحياتي ;) ;) |
<center>هلا والله ومليون مرحبا بك اخوي الغالي بدوي في امريكا
اولاً / اهم شئ انك طليت على موضوعي بطلتك البهية وياليت كل من يطل تكون طلته مثل طلتك .... ثانيًا / ملاحظاتك على العين والراس يابعدي وبابداء معك من اول ملاحظة وهي البيت الاول الشطر الاول او صدر البيت الاول : وش بي اذا شــفت نـجـمٍ ايـتـهـيالـي.. وهو في الحقيقة ليس خطأ مطبعي وانما لو دققت الملاحظة شوي وانا اخوك كان شفت التنوين تحت كلمة ( نجمٍ ) تحت الميم يعني ان الشطر نطقة كالآتي : وش بي اذا شــفت نجم(ن) ايتهيالي .... وعلى فكرة تعديلك بأخذه في الاعتبار لانه صحيح وغير ثقيل .... الملاحظة الثانية اللي هي البيت الاخير وحرف الواو ( الله ياهالواو ياهو مسوي بي سوايا ) عموما يابعدي الواو في الحقيقه يثقل على البيت في اللحن ولكن في النطق العادي يكون طبيعي وغير تقيل ... ومن الناحية النحوية يعتبر صحيح لانه عطف على اسم الاشارة ( هذا ) لكن بدون لحن الله يخليك ... اما الواو الثاني معك حق انه زايد ومثقل على البيت ..... الملاحظة الثالثة بالنسبه للقافيه فهي كما اشرت انها قد تكون مقبوله بعض الاحيان ومن المستحسن تفاديهامستقبلا ... اخيراً / اشكرك اخي العزيز على زيارتك الكريمة لموضوعي المتواضع واتحافي بملاحظاتك الجميلة التي ابنت لي فيها حرصك على المنتدى ورواده ... وعلى فكرة انا لازلت ابحث عن النقد الادبي الهادف في مشاركتي هذه ومشاركاتي المقبله ان شاء الله .... ولك ولجميع الاخوان اعيد القصيدة بعد التعديل ( اللي تبي سمه ) وش بي اذا شــفت نـجـم(ن) ايـتـهـيالـي ***** وابحث عن الصاحب اللي ماظهر نجمه ادورك فـي الســماء ياعـز الازوالي ***** واقـــول عــلـك تـجـي وتـشـــتـت الغـمه يــرتــاح قــلب(ن) عــليل بـشر الاعلالي ***** تـبراه مــن عــلته وتـشـيل مـن سقمه تــرا مكــانــك رفــيع ومـنزلـك عالي ***** وقدرك بقـلبي ماتدري ويش هو حجمه اي والله ان الذهب في معدنه غالي ***** وغــلاك وســط الفــؤاد مـوصــل القـمه اذا عـشــقتك يابنت الناس من بالي ***** وعـندي خــبر بالهوى كم ذقت من سمه انا على الحب عشت المر والحالي ***** اقــتات مـن طيـبـتـه واذوق مــن ظـلمه مايــورث الحـب مـن عـم(ن) ولا خـالي ***** ولا خــلق واحـــد(ن) والحــــب فــي دمــه احــب صــوتك ليا طرق وانا سـالي ***** واحــب حــتى نـفــسك اجـمـعه واشمه بتقول هـذا جــنون ...اعتـبره هبالي ***** ســمه جـنون او هبال ...اللي تبي سـمه ولك مني خالص التحية والتقدير ... اخوك حسن آل مسفر</center> [ فبراير 21, 2002: تم تعديل الموضوع بواسطة : حسن آل مسفر ] |
<center>هلا والله ومليون مرحبا باخوي فلاج
صح بدنك يالغالي والله يسلمك ويعافيك ... ومشكور على زيارتك الكريمة لموضوعي المتواضع ... ولك مني كل التحية ... اخوك حسن آل مسفر</center> |
اخوي حسن:
اولا اهنئك على هذه الاخلاق العاليه والثقه بالنفس التي ليست بغريبه على انسان يتحلى بكل الاخلاق الحسنه مثلك.. ثانيا: اشكرك على توضيح ما قد يلتبس علي وعلى تقبل ما ابديته لك بهذا الصدر الرحب. لا عدمناك انت وامثالك ويشرفني ان اطلع وان انقد ما اقراء لشاعر مثلك يتمتع بهذه الاخلاق. تقبل تحيات اخوك البدوي |
<font size="4">السلام عليكم</font>
أخوي / حسن تسلم يمينك على هالقصيده ، والله لا يحرمنا من جديدك المتجدد إن شاء الله. <font size="4"><font color="Blue">مايــورث الحـب مـن عـمٍ ولا خـالي ***** ولا خــلق واحـــدٍ والحــــب فــي دمــه </font></font> تسلم وصح الله لسانك يا حسن. تحياتي/علي الحارثي |
السلام عليكم ورحمة الله وبركاته
انا على الحب عشت المر والحالي ***** اقــتات مـن طيـبـتـه واذوق مــن ظـلمه مايــورث الحـب مـن عـم(ن) ولا خـالي ***** ولا خــلق واحـــد(ن) والحــــب فــي دمــه .</font><font size="6"><font color="Navy">الاخ ..حسن آل مسفر........</font></font> ..<font size="6"><font color="Maroon"><font color="Blue">صح لسانك ولا هنت على ما كتبت من الكلام الجميل الواقعي ..... وصحيح ان الحب ما يورث</font></font> |
اخوي حسن آل مسفر
صح لسانك قصيده جميله .... تستحق الاشاده ننتضر جديدك تقبل تحياتي وكل عام وانت بالف خير |
اخوي حسن :)
صح لسانك ولا هنت يالغالي..فعلا قصيده رائعه جدا.. نقرالك الجديد ان شاءالله.. |
اخوي الشاعر / حسن ال مسفر
ماذا اقول ؟؟؟؟؟؟؟؟؟ انت مبدع ورائع بكل معني للكلمه وخصوصا في البيت قبل الاخير هل فهمتني ؟ ارجو ذلك . وعلى الود نلتقي . [ فبراير 27, 2002: تم تعديل الموضوع بواسطة : زوربا ] |
اخوووي .. حسن
صح لسااااااااااانك ولا هنت القصيده جميله ورااااااااااااائعه في المعنا ولكن انا اضم صوووووووتي لصوت الاخ بدوي بالنسبه للوزن ننتظر منك الجديد تقبل تحياااااتي :) |
اخي العزيز والغالي بدوي في امريكا
اولا اعتذر لك ولجميع الاخوان عن التأخير الخارج عن ارادتي وشكرا لك على هذا الكلام الجميل وانا كما سبق وان اوضحت لك انني ارحب بالنقد الهادف البناء .... ولك مني خالص الموده .... |
الاخ العزيز والغالي علي الحارثي
صح بدنك اخي الغالي واشكرك كل الشكر على اطرائك الكريم وزيارتك الغالية وانا لست الا طالب انهج من معينك انت واخواني الاعزاء وسلمت لي يالغالي ..... ولك مني خالص المودة .... [ مارس 11, 2002: تم تعديل الموضوع بواسطة : حسن آل مسفر ] |
اخي العزيز والغالي الاكلبي
يامرحبا ترحيبة ترفع الجندي عريف **** واللي لوا في مكتبه للتقاعد حالته هلا بك ويامرحبا يالغالي وصح بدنك وشكرا لك على الزيارة الكريمة والاطراء الاجمل .... ولك مني خالص الموده .... |
| الوقت المعتمد في المنتدى بتوقيت جرينتش +4.
الوقت الان » 14:27. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع