اختلاف الرأي ،، بين مطرقة التشويت وسندان الحقد
 

[c]
مساء الخير جميعاً :)

الحقيقه اول مره اكتب بالديوانيه ولا ادري هو موضوعي يناسب هنا ولا مايناسب لكن الشكوى لله ان شفتوه مايناسب انقلوه ولا احذفوه ..:)

انا متابع من فتره طويله للمنتديات الشعريه مع اني "قليل المشاركه" ولكن اتابع الردود والاراء حول القصايد المكتوبه ،، واللي لاحظته واكيد انتم لاحظتوه بعد ،، المجاملات والمبالغات بالمديح وكن الواحد يقول للكاتب (لو هي ذبيحه ما عشتك) .

ولكن اذا عرف السبب بطل العجب .. بالامس القريب قريت قصيده لأحد الشعراء المعروفين (بأسمائهم ) ورديت عليه رد خالفته على مضمون القصيده بأسلوب محترم لم يحتوي على اية تجريح ،، وتفاجئت اليوم ان ردي انحذف ..!

الحقيقه اني استحقرت حركة المشرف لحاجتين :
الاوله : ان المشرف يجامل الشاعر "لشهرته" وخايف ان ردي يزعله ..!
والثانيه : ان ردي كان مجرد وجهة نظر ولا فيها اي تشكيك بشاعرية الكاتب ..!

والشي الثاني ان البعض من الكتاب ،، ياخذ موقف منك .. اذا كنت صريح معه واذا سلمت من "مقص" المشرف ماسلمت من "حقد" الكاتب :(

المشكله ان بعض الاعضاء يلاحظ ان القصيده للشاعر الفلاني مكسره ومع ذلك يرد عليه بقولة " صح لسانك يارائع يامبدع يا .. " :(

الى درجة اني مره من المرات قريت قصيده تمدح شخص وفيه قصيده بنفس المنتدى تسب في هالشخص بشكل غير مباشر .
واحد من المشرفين راد على القصيدتين كلهن ،، وهو يمدح ويقول والله انك صدقت :D باالله عليكم فيه اكثر من كذا تناقض والمشكله انه مشرف :(

هذا غير القصايد المثبته اللي بعضها مكسر .. وانا كمتابع ومبتديء للشعر تسبب لي لخبطه بأفهام الوزن .. لأن الفاهمين يقولون مكسره والمشرف يثبتها وش معناتها ذي ...‍!


اسف على الاطاله ،،
ممنوع الرد " بصح لسانك " :D

[/c]

[c]

اخي راجي اول شي حياك الله فالديوانيه وشرفت ياراجي ولا كلفت ولاتقاطع كل ما خذت ازرقنا
وثاني شي موضوعك من ناحيتي انا معجب فيه وجميع ما قلت صحيح يا اخ راجي
مشكور على طرح هذ الموضوع ودمت بخير
هدبان[/c]

[c]

اخي العزيز راجي السلام عليكم

صراحة انا مؤيد لكلامك في احيان كثيره

واعتقد ان فيه عوامل كثيره تؤثر على التصرفات

مثلا لا حصرا

قبولك لشخص الكاتب ، اسلوب كتابته ولهجته واخطائه الطباعية والاملائية ، بالاضافة الى ما قلته انت سابقا

مثل المجامله وكذلك جهل الشخص المعلق او بعض المشرفين وعدم ادراكهم لما يجب ان يحذف وما يبقى بدون حذف
عموما اخي الله يستر ما اكون من خالفك الرأي :)

تقبل تحيات واعجابي لصراحتك الرائعة

اخوك ابونوت

[/c]

كم بيض التميلح
 

[c]

هديان
هذا من ذوقك :)
والف شكر على مشاركتك يابعدي :)

ابو نوت :)
نورتنا :)
الحقيقه من واقع تخصصك كمراقب عام وشاعر لك صولاتك وجولاتك اتمنى انك تقضي على هالظاهر :)
وانا ياطويل العمر مااقصدك ولا كنت اتكلم عن شعبيات ،، كنت اتكلم عن المنتديات الشعريه بشكل عام :)
وماشفت منك الا كل خير .. واشكرك كثير على مشاركتك وتفاعلك مع الموضوع :)

[/c]

الحقيقه اني استحقرت حركة المشرف لحاجتين :
الاوله : ان المشرف يجامل الشاعر "لشهرته" وخايف ان ردي يزعله ..!
والثانيه : ان ردي كان مجرد وجهة نظر ولا فيها اي تشكيك بشاعرية الكاتب ..!

اذا كل من كتب قصيده ولا موضوع يبي كٍل يجامله مشكله انا ماكنت بأرد على موضوعك قلت مانبي نزعّله لكن قلت خليني أجرب , بعد انا عندي راي غير رايك وخلينا نشوف انت بتزعل ولا ,,,لا

الأولى من حقه يجامله هو ضيف عنده وجاي بدعوه منه أكيد .
الثانيه لما طرح وجهة نظره بالقصيده ماقال وش رايكم بكلامي !؟ صح ولاّ خطأ !
ولا قال هذا استفتاء على القصيده وقيموها !هذا رايه وهو حر !
يأخي انت حر وهو حر أسمحلي اللي سويته هذي لقافه ! ولاّ تبي تشهر نفسك على حسابه يقول المثل "قل خيراً أو فأصمت "
ويقول المثل :
"لاتنهى عن خلق وتأتي بمثله "

وارجوامن ابونا المشرف عبدالرحمن اليحيي مايحذف ردي :)مثل مالشاعر حر , راجي حر , وانا حره :)