طلال السعيد.......و(يااللي زعلت ازعل) وشبت نار القهر.....
 

ياللي زعلت أزعل ولا ني مراضيك .. اشرب كدر ماي البحر كانه أرضاك

لاتحسب اني عقب صدك بداريك .. بعز نفسي عنك مدراك مدراك

اربع سنين وانا متحمل تغليك .. راضي بتعذيبك لجل قلب أغلاك

وخليتني واليوم والله لخليك .. وأدوس قلبي لينه يقول خلاك

قبل توريني الحسايف بوريك .. ليمن قال فلان هانك ووراك

كانك تحداني فانا اقبل تحديك .. وانسى الغرام اللي مضى واتحداك

ماني بقايل لك عسى الله يهنيك .. الله يحرمك كل ماكان هناك

عسى العمى ياخاين العهد يعميك .. فوق الغرور اللي عن الماضي اعماك

وعساك ماتسمع قريب يناديك .. حيثك تجاهل صوت محروم ناداك

وعسى الشلل يعوق رجل تمشيك .. لينك تندم ليش غيرت ممشاك

وعسى حياتك بس فرحه لشانيك .. يلقا بها الفرصه عدوك ويشناك

وعسى الليال اللي تجيني بطاريك .. يصبح عليها الصبح وتموت طرياك

وعسى المنام وكل راحه اتجافيك .. آمين حتى اللي تمناه يجفاك

وعساك ماتفرح وتكثر بلاويك .. وأمك تشق الجيب من عظم بلواك

ولا مت ، جعلك في جهنم اتصاليك .. نار الجحيم ونار دنياك تصلاك

الله يكره فيك حتى دوانيك .. غشاش خاين من من الناس داناك

هذي النهاية روح والله يجازيك .. امسك ويومك عن هوى الغد يجزاك

قصـيده في منتـهى القسـوة !

ولكنـها تبقى رائـعه00فقط ! لان شاعرها هو طلال السعيد

شكرا عشق بدوي لذائـقـتك الرائعه ايضا 000

[ نوفمبر 08, 2001: تم تعديل الموضوع بواسطة : دنيا من الوله ]

صح لسان القايل..

وتسلم يمينك ..

يعطيك العافيه..

لاهنت يالذيب,,


تقبلوا تحياتي اخوكم المملوح,, http://www.eqla3.com/sh3r/icons/icon39.gif
محمد بن عبدالرحمـــن(مساير الوقت)

<font color="Red">تسلمون والله يالغالين </font> :D
<font color="Red">هذا ان دل دل على ذوقكم وتكفيني شهادتكم </font> ;)
<font color="Black">وتقبلوا تحياتي اخوكم:-- عشق بدوي</font>

الاخ / عشق بدوي 000000000 ياهلا فيك

صح لسانك ثم صح لسانك

قصيد جميله جدا هنا وهناك

لك تحياتي

<font color="Red">يسعدني طال عمرك انك تقرأ موضوعي وصح بدنك بالنيابه عن الشاعر وماقصرت يالغالي..........</font> <IMG SRC="cwm37.gif" border="0">