شعبيات - لوم عيني .. ليه ما غضّت بصرهاا ؟؟ !!

شعبيات (http://www.sh3byat.com/vb//index.php)

- أوزان وأشجان (http://www.sh3byat.com/vb//forumdisplay.php?f=12)

- - لوم عيني .. ليه ما غضّت بصرهاا ؟؟ !! (http://www.sh3byat.com/vb//showthread.php?t=8632)

لوم عيني .. ليه ما غضّت بصرهاا ؟؟ !!

السلام عليكم ورحمة الله وبركاته ...

اسعد الله جميع اوقاتكم يا من تنيرون سماء مواسم / مشرفين وأعضاء و زوارنا الكرام ..

اتيت لكم بهذهِ المتواضعة علهاا ترتقي لأذواقِكم العاليه ..

وهي عباره عن حوار واستفسارات ونقاش ونوع من العتاب بيني وبين قلبي ..

البدايه كانت من عندي ...

: جيت يا طفلٍ سكن بين المحاني ..

جيت يا طفل انولد فيني يعاني ..

جيت يا قلبي الخضر ..

جيت لك والعمر فاني ..

/
\
/
\

: يالله حيه .. / .. يا هلا فيك ومرااحبـ

/
\
/
\

: البقااا .. يا قلبي اللي ..

دايمٍ بابه مشرّع ../

دايمٍ والنار حيه ..

/
\
/
\

: شـ القضيه ؟ !!

/
\
/
\

: لا ابد حبيت اسلم ..

وآخذ اخبارك يا قلبي .. /

الا قل لي ..

وش جرى لك ؟!!

ناحل ونبضك تغيّر .. !!

/
\
/
\

: جد أنا نبضي تغيّر ..؟ !!

/
\
/
\

: ايه تغيّر ..

زادت النبضات زادت ..

يالله قلي وش جرى لك ؟!!

/
\
/
\

: يعني مصمّم تبي تسمع جوابي ؟؟

/
\
/
\

: ايه لو تسمح إليّ و ولو تكرّم

/
\
/
\

: آآآآآآآآآآآه .. وانت أدرى بحاالي

آآآآآآآآآآآه.. وانت ادري بِذا اللي مكانً فيني هنيّه ..

آآآآآآآآآآآه .. وانت ادرى فــ عذابي

و انت احد أسباب ما بي

/
\
/
\

: يا مصابي .. !!!!

وش بدر مني و صار ؟؟ !!

شاللي في حقك جنيته ؟ !!

/
\
/
\

: ألا شاللي ما جنيته ؟

/
\
/
\

: يالله علمني ولا تبطي عليّه

سرعه .. خانتني قواي

/
\
/
\

: بسألك وأرجووووك جاوب .. بالصراحه

لا تلفّق لي جوابٍ ما أبيه

/
\
/
\

: أبشر أبشر يا صغيري ..

بس علمني فديتك

سرعه .. خانتني قواي ..

/
\
/
\

: ليه يوم تروح من بعد الغروب .. ؟

المكان اللي تهب ابه الهبوب

المكان اللي لقينا فيه مُهره

مُهرةٍ تسحر وتدخل فـ القلوب

ليه ليه ؟؟

ليه غيرت الدروب .. ؟ !!

/
\
/
\

: والله صدفه ..

/
\
/
\

: قلت علمني وجاوب .. بالصراحه

لا تلف ولا تدور ..

/
\
/
\

: الصراحه ..

كان إلي حاجه.. / في ذاك الطريق

حاجه واقضاية لزوم

وألتقيت ابهاا بِلا أيّة وعود

يعني من باب الصدف ..

.
.

: بس لحظه .. فيه شيٍ ابـ آنبهك فيه ..!!

/
\
/
\

: وش طرى لك ؟

/
\
/
\

: ليه تصب اللوم كله وسط كاسي .... و تبغاني احتسيه

/
\
/
\

: منهو اللي يستحق اللوم غيرك ؟!! ..... منهو ؟!! علمني وأجيه ..

/
\
/
\

: لوم عيني ..

/
\
/
\

: عينك انت ؟ !!

/
\
/
\

: ايه عيني

/
\
/
\

: وش بلاهاا ؟!!

/
\
/
\

: لوم عيني .. ليه ما غضّت بصرهاا ؟؟ !!

ليه ما صدت إلين انهاا تروح ؟؟

ليه تامر شوفهاا يتبع أثرهاا ؟؟ !!

لوم هذي ..

/
\
/
\

: هذي اذنك !!

/
\
/
\

: ايه أذني

/
\
/
\

: ويش سوّت ؟!!

/
\
/
\
: ويش سوّت .. خلني أسترسل ولا تقطع كلامي

لين أخلّص

/
\
/
\

: أي تفضّل .. بس علمني عن أذنك ويش سوّت

/
\
/
\

: ليه تفتح موجة السمع وترحّب ..

في ترانيمٍ .. تسافر بي على متن الخيال .. ؟؟

لوم ذا اللي بين فكيني توسط

ليه يلقّنهاا عناوين المحبه بأحتيال .. ؟؟

لوم ذا اللي منتصب بين العيون

انتشى ريحة شذاهاا يوم صار الهاا مجال ..

لوم كفّي .. ليه يقديهاا الي دربٍ يجيك

يوم جات بتستحلك في تثنيهاا دلال ..

كيف أقاوم والبلا خمس الحواس

يعني صب اللوم كله في كاس الجميع ..

كلنا أطراف في هذي القضيّه

كلناا فيهاا شراكه

وأنت ايضاً يا خفوقي بالقضيه ذي طرف ..

والبلا الأكثر ترى منك و وِإليك

أنت لك القسم الأكبر فــ الشراكه ..

وأنت فيك العيب يالشيخ الكريم ..

/
\
/
\

: وشهو عيبي ؟!!

/
\
/
\

: عيبك أنّك دايمٍ بابك مشرّع ..

دايمٍ والنار حيه ..

يالله يا طفلي تصبّر .. /

حتى تنحلّ القضيه ..

يالله يا طفلي تصبّر .. /

حتى تنحلّ القضيه ..

يالله يا طفلي تصبّر .. /

حتى تنحلّ القضيه ..

أرجوا العذر والسماح لمن لم ترتقي لذائقته ..

احمد بن ديهان .

.