.. يفداك اللاش ..
أخواني مشرفي واعضاء المنتدى مساء الخير ياللي تقرأ هالموضوع بالمساء وصباح الخير ياللي تقرأهـ في الصباح واللي يقرأهـ بوقت غير المساء والصباح اقوله عيدك مبارك.. tsh4 هالموضوع مسبب لي عقده اللي هو : (( اذا قال لك واحد فداك او فديتك ترد عليه وتقوله يفداك اللاش )) وش المقصود باللاش ؟؟ وليه نقول كذا ؟؟ ياليت اشوف رأي كل من وقعت عينه على هذا الموضوع .. تحياتي / مرزوق |
رد : .. يفداك اللاش ..
صباح الخير .. مرزوق .. من وجهة نظر شخصيه اللاش يعني لاشيء .. وكأني أرد ( فديتك باللي مايسوى ) يعني ماأظن أني رديتها بمدحه :) هذا رأيي والله أعلم تحياتي |
رد : .. يفداك اللاش ..
. صبحك بالخير يا مرزوق .. الناس اجناس , فيها الطيب و فيها الردي ... الطيب محبوب والردي منبوذ ... لذلك الواحد يتمنى زيادة الطيبين شرواك ومن مر من هنا... ويتمنى زوال الرديين .. الله يبعد الردا واهله ... آمين .. يعني اذا قلت يفداك اللاش اللي هو الردي او مثل ما تفضلت اختي الجازي لاشيء وهو اللي لا ينفع و لا يفزع وقت الضيق انا اتمنى هذا اللاش يفداك لأن الطيبين ما ودنا بزوالهم الا ودنا بزيادتهم ..اهل المعدن الاصيل ... اتمنى ان الفكره وصلت لك ... تحياتي لك ... اخوك احمد بن ديهان . . |
رد : .. يفداك اللاش ..
الجازي والديهان صحيح كلامهم
والاش هو النقص او الرجل الي وجهوده يشابه عدمه وتحليل الديهان سليم لانه الناس ما ودها تخسر طيبين فهو يقول لك فداك الي ما يستاهل يكون على وجه الوسيعه ولكني انا يا مرزوق الشطرنجي اقول لك يفداك مليون لاش وخمسه طيبين ولا تزعل :) |
رد : .. يفداك اللاش ..
إقتباس:
حسبي الله عليك أنك لازم تفحط . ايدك تحكك على الجلنطات :white: شكراً على المعلومه يا شباب وشكرا ً مرزوق على الموضوع . لكن الاخوان خربوها جاوبوا بسرعة :white: |
رد : .. يفداك اللاش ..
إقتباس:
هلا يالجازي صباح النور انتي تقولين انك ما ظنيتي انك رديتيها بمدحه عند قولك يفداك اللاش وانا اقول كذا وليه ما اقول بدال يفداك اللاش اقول مثلا ً يفداك الطيب والغالي ؟؟ |
رد : .. يفداك اللاش ..
إقتباس:
اخوي الكبير احمد صبحك بالرضا يا بعد راسي قلت في تعليقك على الكلام ان الطيب محبوب والردئ منبوذ .. ما عندي اي شك في هذا الكلام وقلت ايضا ً ان الناس يتمنون زوال الردئ وزيادة الطيبين ولا اشك في ذلك ابدا ً لكن السؤال اللي ودي اوصل له هو (( ليه تقول يفداك اللاش هنا اتفقت معي الجازي وقالت انها لا تعتقد انها مدحه عندما افتدي الطيب بالردئ ؟؟ ليه ما نقول يفداك الغالي والطيب )) |
رد : .. يفداك اللاش ..
إقتباس:
هلا اخوي فيصل قلي بس من اللي بعد خالد التميمي ومحمد الشهري تكفى قل عبيض ;) شكرا ً على مرورك يا جدي تحياتي / مرزوق |
رد : .. يفداك اللاش ..
إقتباس:
مرحبا يا عبدالله انت شفت دبان لازم يحوس شوي بس سامحين له خله هو جلنطاته لا يهمك ومشكور على مرورك يا اخوي عبدالله تحياتي / مرزوق . |
رد : .. يفداك اللاش ..
اهلين مرزوق موضوع حلو وجميل
من وجهة نظري المتواضعة واللي اراها معكم لاشي واللاش هو (الرخمة ) يعني مامنه فائدة وبعدين لو قلنا يفداك الطيب ابتلشنا بالرخوم ونقص عدد الطيبين ولاكن الافضل ان نقول يفداك الطيب ومعه خمسة رخوم هدية |
رد : .. يفداك اللاش ..
إقتباس:
هلابك ابوممدوح اجل تقول لو قلنا يفداك الطيب بشلنا بالرخوم هههههههههههههههههههههههههههههههههههههههههههههههههه هههههههههههههههههههههههههههههههههههههههههههههه الله يرجك يا شيخ لكن سالفه انّا نقول يفداك الطيب ومعه خمسة رخوم اقتراح منتاز tsh1 شاكر لك مرورك يا عيني تحياتي / مرزوق .. |
الوقت المعتمد في المنتدى بتوقيت جرينتش +4.
الوقت الان » 14:41. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع