|
ليت الهوى .. خاف مـن ربـه ولا جانـي
ماكان أحس بهمـوم النـاس مجتمعـة !
أقيد شمعة سنـة .. مـن عمـر احزانـي
وأعيش عمري .. تشب وتنطفـي شمعـة
لا صـوت قـادر يـدف الحكـي للسانـي
ولانيب أعرف أحرم إذني لا حكوا .. سمعه
كم لي وأنـا لا أذكـروه أعـض بأسنانـي
ماودي اللغـز الأول .. تكشفـه رمعـة!!
كنا هنـا .. ليلـة الجمعـة .. و خلانـي
واليوم أنا .. والفراق .. وليلـة الجمعـة
كلن جلس .. وإبتدا يكـذب علـى الثانـي
لين أكشفتني .. وانا أضحك (كذب) .. دمعة
وأسكـت .. أخـاف إيتنبـه مـن تبلانـي
وأمسح أثرها .. ويبقى بأصبعي .. لمعـة
وآلوم نفسي .. وأنا آشوف إصبع الجانـي
اللي جمع رفقته .. ثـم صافحـوا جَمعـه
يامكرهـه مـن هـوى .. ليتـه تعدانـي
ما كان قمت أشتكي .. والنـاس مجتمعـة
عبدالله
أن كان هذي مضايقاتك ياليت تضايقنا كل يوم بقصيده
مبدع وربي
لك ابيات يختال كل بيت على الآخر
شاعريه فذه ماشاء الله
احاول أجد رد يليق بهذه الشامخه اجدني عاجز
كنا هنـا .. ليلـة الجمعـة .. و خلانـي
واليوم أنا .. والفراق .. وليلـة الجمعـة
الله عليك تصوير لايوصف
صح لسانك مليون
تحياتي
اخوك
|